Cultur Karanovo
La cultur Karanovo es un cultur neolitica nomida per la vileta balgarsce en provinse Sliven. La loca es un colonia sur un colina de 18 casas, con sirca 100 abitantes. La vileta ia es plu o min continuante abitada de la milenio sete temprana a la milenio du temprana aec. La stratos de la escava es usada como un sistem de cronolojia per la preistoria de la Balcanes.
La cultur ia estende de la cultur Vinca a la ueste a la cultur Hamangian a la este, de la Rio Danubio a la Mar Ejeo, covrende tota de Balgaria e Tracia ueste en Elas oji.
Arceolojistes ia descovre sete stratos (Karanovo 1 - 7). Karanovo 1 a 4 es neolitica e clar seguente (1 e 2: - 6200-5500; 3 e 4 - 5500 - 4950) e composa la cultur Karanova propre. Un influe nova de la cultur Boian es vidable en Karanovo 5 (4950-4500 aec). En Karanovo 6 (4500-4000 aec) la cultur Gumelnita, estendente de la Mar Ejeo a la sude-ueste de Ucraina. Pos un pausa en cual la vileta pare es abandonada o posible destruida par invadores, la cultur de Karanovo 7 (3300 aec) ia ariva un cultur de la Eda de Bronze.