Arminio

Arminio (deutx Hermann 18/17 aec - 19 ec) ia es un xef de la tribu germanica de la ceruscos e un ofisior militar pasada de la militar roman. Un teninte aidante de la jeneral Publio Quinctilio Varo, Arminio ia usa sua conose de la taticas roman per gida un aliada de tribus germanica a un vinse desidente contra tre armadas roman e sua aidantes en la batalia de la Foresta de Teutoburg en la 9 ec.

La defeta en Teoburgo ta presipita la retira stratejial permanente de la Impero Roman de Magna Germania, e la romanes ia no atenta concista Germania plu ultra la rio Reno. Istoristes moderna ia vide la vinse de Arminio como "la plu grande defeta de Roma" e un de la batalias la plu desidente en la istoria.

En la uni de Deutxland en la sentenio 19, Arminio ia es onorada par la nasionalistes como simbol de la unia de libria deutx, e ia es selebrada como eroe nasional en sua nom deutx Hermann. Seguente la Gera Mundal Du, an tal, la scolas ia evita la tema car lo ia es asosiada con la nasionalisme militar de la Reich Tre, e multe deutx moderna no conose Armino. La aniversario du mil de la batalia ia no es onorada par la governa deutx.