Ziynet Sali
- Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.
Ziynet Sali Safter (nasida el 29 de Avril de 1975 en Girne, Kipre del Norte) es una kantadera i aktrisa Turko-Kipriyota konosida en Kipre del Norte, la Turkiya i las komunitas turkanas en Evropa.[1] Es konosida por enrejistrar kantikas en turko i en grego.[2][3]
Biografiya
[trocar | trocar el manadero]Ziynet nasio en Kipre el 29 de Avril de 1975, en una famiya turka. El su padre bivio enel Reyno Unido desde 1963, i konosio la su madre en una vijita ke izo ala isola.[1] Se espozaron i tienen tres ijos, de los kualos la unika ija es Ziynet.[1] Diskues de ke Ziynet nasio, la su famiya bivio enel Reyno Unido, por kavza del konflikto en Kipre; eya es sitizena britanika i turko-kipriyota.[1] Kuando era de edad de 6 anyos, abolto para Kipre, ande eskapo la eskola i el lise, i endemas ambezo musika klasika otomana. En 1994, dechidio bivir en Estambol, para ambezar musika en la Universita Teknika de Estambol, i eskapo los sus estudios enel Konservatorio de Musika Turka de la UTI en 1999.[4]
Kariera musikala
[trocar | trocar el manadero]Kuando eya ambezava en la universita, lavorava kantando, aziendo versiyones en turko de kantikas tradisionalas gregas. De fakto, el su primer disko, "Ba-Ba", es el primer eksperimento en la musika turka, kon versiyones en turko de kansiones pop-etnikas gregas, espesialmente de Despina Vandi, fakto ke kavzo el entereso de las radios de Gresia en la su musika, i diskues esto kavzo ke eya tomara lisiones de grego kon el buto de enrejistrar musika en esta lingua.[2]
En 2008, Herkes Evine era el disko ke la izo konosida en Kipre del Norte i la Turkiya, kuando la su kantika "Herkes Evine" arivo al doseno lugar de las karteleras musikalas de la Turkiya. El su primer #1 en la kartelera musikala turka arivo enel anyo 2010, kon "Rüya", del disko del mismo nombre.
En 2017, enrejistro el su primer single en inglez, endjuntamente kon el amerikano Anthony Marshall, yamado "Magic",[5] aziendo de eya la primera kantadera turko-kipriyota en azer crossover al merkato anglo, i la tresera kantadera de lingua turka, diskues de Tarkan i Hadise. La kantika i el video-klip la tienen apariguada kon Jennifer Lopez.[6]
Kariera komo aktrisa
[trocar | trocar el manadero]Ziynet Sali endemas tiene echo chikos personajes en tres filmos del sinema turko.
- 2007: Son Osmanlı Yandım Ali
- 2008: Çılgın Dersane Kampta
- 2014: Arkadaşım Hoşgeldin
Televizyon
[trocar | trocar el manadero]Enel primer plazo del reality show The X Factor Türkiye en 2014, Sali era una de las djuzgadoras.[7]
Diskografiya
[trocar | trocar el manadero]Diskos de studio
[trocar | trocar el manadero]| Anyo | Nombre del disko | Produktor |
|---|---|---|
| 2001 | Ba-Ba | Dost Muzik Yapim |
| 2004 | Amman Kuzum (Guay, mi kodrero) | |
| 2006 | Mor Yıllar (Anyadas de kolor roz) | Dogan Muzik Yapim |
| 2008 | Herkes Evine (Todos verso kaza) | |
| 2012 | Sonsuz Ol ([Tu] vas ser sempiterno) | GNL |
| 2013 | Bir Akdeniz Rüyası | |
| 2014 | Bugün Adım Leyla | |
| 2015 | No. 6 |
Singles
[trocar | trocar el manadero]| Anyo | Single | Album |
|---|---|---|
| 2001 | "Ba Ba" | Ba-Ba |
| 2004 | "Yürek Yaralı Büyüyor" | Amman Kuzum |
| 2005 | "Amman Kuzum" | |
| 2006 | "Zordur Oğlum" | Mor Yıllar |
| 2007 | "Mor Yıllar" | |
| 2008 | "Herkes Evine" | Herkes Evine |
| 2009 | "Beş Çayı" | |
| "Hava Hoş" | ||
| "Bizde Böyle" | ||
| 2010 | "Rüya" | Rüya |
| "Bize Yeter" | Bize Yeter | |
| 2012 | "Alışkın Değiliz" | Sonsuz Ol |
| "Favori Aşkım" | ||
| "Yanabiliriz" | ||
| "Herşey Güzel Olacak" | ||
| 2013 | "Senin Olsun" | |
| 2016 | "Çeyrek Gönül" | No.6 |
| 2017 | "Ağlar mıyım? Ağlamam" | Magic |
| 2017 | "Magic" (feat. Marshall) | Magic |
Posiziones en las karteleras musikalas de la Turkiya
[trocar | trocar el manadero]| Disko | Single | Posizion mas alta en la karta |
|---|---|---|
| Turkey[8][9][10] | ||
| Herkes Evine | "Herkes Evine" | 2 |
| "Beş Çayı" | 6 | |
| "Hava Hoş" | 19 | |
| "Bizde Böyle" | 6 | |
| Rüya | "Rüya" | 1 |
| Bize Yeter | "Bize Yeter" | 4 |
| Senin Olsun | "Alışkan Değiliz" | 2 |
| "Favori Aşkım" | — | |
| "Yanabiliriz" | — | |
| "Herşey Güzel Olacak" | 2 | |
| "Sonsuz Ol" | — |
Referensias
[trocar | trocar el manadero]- ↑ a b c d Kıbrıs'taki evde Rum ganimeti var. Hurriyet (en lingua turka)
- ↑ a b Ziynet Sali. Last.fm
- ↑ "'Yıldızların Altında' Türk-Kürt gerginliği". Milliyet (en lingua turka)
- ↑ Biyografi. Ziynet Sali website (en lingua turka)
- ↑ Ziynet Sali klipi liste başı. KIBRIS GAZETESI (en lingua turka)
- ↑ http://www.klatsch-tratsch.de/2017/11/13/tuerkischer-superstar-ziynet-sali-probierts-jetzt-auf-englisch/325477 Türkischer Superstar Ziynet Sali probiert's jetzt auf Englisch]. KLATSCH-TRATSCH.DE (en lingua alemana)
- ↑ Ziynet Sali gözyaşlarına boğuldu. CNN Türk (en lingua turka)
- ↑ Billboard Türkiye Top 20 Listesi (en lingua turka)
- ↑ Türkiye Airplay Chart 25 Ekim 2009 tarihinde erişilmiştir.
- ↑ Nielsen Türkiye Single Listesi (en lingua turka)
