Zehava Ben
Zehava Ben (en ivrit זהבה בן), nasida el 8 de Noviembro de 1968, es una de las kantaderas má konosidas del jenero de la Musika Mizrahi.
Famiya i orijin
[trocar | trocar el manadero]Zehava nasió en Beer Sheva, la sivdad kapitala del Negev enel sud de Yisrael, de padres de orijin marroki. La alkunya orijinala de la su famiya es Benisty. Eya nasió en la máale "Shikun Dalet", una máale yena de provesa, krimen i drogas. Zehava esta muy orgolyoza del su orijin marroki i kaji toda la su musika es egzemplo de este, kantando tanto en ivrit komo en arabo.
Karriera musikala
[trocar | trocar el manadero]Zehava se empiesó a konoser en Yisrael, enel anyo 1990, kuando kanto para la musika del filmo "Tipat Mazal" (Un poko de suerte) i las sus kansiones, se izieron egzitozas en tódu el paez, espesialmente entre los mizrahim,sefardim i los yisraelis de orijin arabo.
Anke la su musika esta defendida en alkunos paezes arabos, déke egziste un boikot de los produktos israelianos, Zehava es konosida tambien en el Mundo Arabo komo kantadera en el idioma arabo. Entre las sus má konosidas kansiones se ankontran unas versiyones ke eya aze de alkunas kansiones tradisionales arabas, komo Inta Omri (Tu sós la mi vida), de la ledjendaria kantadera ejipsiya Umm Kulthoum. Zehava endemas izo kampanya en las eleksiyones yisraelis del anyo 1996 para el partito de siédra Meretz, kantando "Shir LaShalom" (Kansión por la paz).
Una de sus kansiones, "Ma Yihyé" (Kualo va pasar) esta en la koleksiyon Buddha Bar del anyo 1994. Dempues de los atakos terroristas del 11 de Septiembro, Zehava Ben i Etti Ankri, David D'Or, Arkadi Duchin i otros kantadores yisraelis grabaron la kansiyon "Yesh Od Tikvá" ("Ainda tenemos esperansa"), para el kualo David D'Or eskrivió las letras i la musika. La kansiyon se ankontra en el CD Yesh Od Tikvá/You've Got a Friend.[1][2]. El CD, dela kaza Hed Arzi i apresentado enel anyo 2002, benefisió las viktimas yisraelis de los atakos, tódu lo ganado iva para la fondasion "NATAL": the "Israel Trauma Center for Victims of Terror and War".[3]. Enel anyo 2005, Zehava kantó "Shalom v'Ahavá" (Paz i amor) en inglez, ivrit i arabo enel konkurso Kdam Erovision, el kualo elije al kantadero ganador para arepresentar a Yisrael en el konkurso Eurovision. Zehava yego de sigundo lugar, detras de la ganadora Shiri Maimon, la kuala tambien es de orijin marroki.
Diskografiya
[trocar | trocar el manadero]- 1999: Lo amijor de Zehava Ben
- 2000: Kansiones Arabas
- 2000: Luvia yoradera
- 2000: Detener el mundo
- 2000: Kualo klasa de mundo
- 2001: Ritornando a kaza
- 2001: Ré de verdad
- 2001: Ser un umano
- 2003: Beit Avi
- 2003: La kaza del mi padre
- 2003: Mirando mas ayá
- 2004: Zehava Ben
- 2005: Kanta en arabo vol.1
- 2005: Kanta en arabo vol.2
- 2005: Kansiyones para ninyos
- 2006: Lo amijor de Zehava Ben
- 2008: Yirse kon la luz
Ver endemas
[trocar | trocar el manadero]Enlasos eksternos
[trocar | trocar el manadero]- Zehava Ben Official Web Site – Zehava Ben's Official Web Site.
Referensias
[trocar | trocar el manadero]- ↑ Yesh Od Tikvah. Babaganewz
- ↑ Our Hope Endures (2002). Alibris
- ↑ Voice Across Israel. Jewish Journal