Muevo Leon

Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.

---

Estado de Nuevo León איסטאדו די מואיבֿו ליאון Estado de Muevo Leon Bandyera Eskudo Situasión de Muevo Leon Paiz:  Meksiko Entidad: Estado Kapitala: Monterrey Mayor sivdad: Monterrey Linguas ofisialas: Kastilyano. Forma de governo: Estado federal i soberano Shefe de governo: Jaime Heliódoro Rodríguez Calderón Ekstension: 64 156 km2 Povlasion: 5 189 970 ·Densidad: 8.1 ab/km2 Djentilisio: Uzo orario: UTC−8 Kodigo ISO: MX-NLE Hoja web: http://www.nl.gob.mx/

Muevo Leon (en lingua kastilyana Estado de Nuevo León), ofizialmente yamado Estado Livre i Soberano de Muevo Leon. Es una de las 32 entidades federalas del Meksiko ke topa al nordeste del paiz, la su kapitala i la sivdad mas grande del estado es Monterrey. Topa la sus frontieras kon los estado de Tamaulipas, Coahuila, San Luis Potosí I Zacatecas, tambien tiene frontiera internasionala kon los Estados Unidos al norte.

Etimolojia

El nombre Muevo Leon proviene en onra del Reyno de Leon, en Espanya; era el nombre de un antiko reyno de la peninsola Iberika, hue retomado por los primeros kolonialistas ke afinkaron en el norte de la Mueva Espanya, en una tierra ande avia munchos grupos indijenas ke vivian en lugares muy sekos i poko freskos, de grande planadas i altas muntanyas.

El biervo proviene del latin legio, ke sinyifika lejion y ke se traslada al kaltilyano komo León. El nombre dado por los kolonialistas hue el Muevo Reino de Leon.

Istorya

Fray Servando Teresa de Mier.

En la Konstitusyon del anyo de 1824, Muevo Leon keda unido a la Repúvlica meksikana komo entidad federativa. Esta pertenencia se ratifica en 1857 y luego en 1917. A excepción del movimiento enkabezado por Santiago Vidaurri, los muevoleoneses an permanesido fieles al pakto federal. El propio movimiento de Santiago Vidaurri konstituyó una protesta por las leyes sentralistas de Antonio López de Santa Anna; a la kayída del governo de Anastasio Bustamante, kon la rendición de Antonio Canales, el paiz volto a la senda federala.

Azia finales del sieklo XIX i komiensos del sieklo XX, las faktorias de la sivdad komensaron a kerer un auge a rais de una aparente estabilidad i un mayor komersio kon los Estados Unidos. La Revolusión meksikana no tuvo grande reperkusión en la rejion komo ésta komensó a muchiguar en todos los ámbitos. Para fin del sieklo XX Muevo León tenyía uno de los sistemas edukativos más avanzados de América Latina i un nivel de vida komparable con el de varios paízes del yamado primero olam.

Jeografia

El territorio muevoleonez kolinda al norte kon el estado de Texas en los Estados Unidos, tiene fromtiera internasionala kon Estados Unidos, al sud topa kon el estado de San Luis Potosí, al sudeste kon el estado de Tamaulipas, al oeste kon el estado de Coahuila, kon Tamaulipas al este. El estado es apartajado en 60 belediyes, la kapitala es Monterrey.

El estado de Muevo Leon se topa en las koordenadas jeografikas del meridiano de Greenwich latitud norte 19º 26' 00 minima, 14º 32' 00 maksima, longitud oeste 92º 22' 00 minima, 96º 22' 00 maksima.

Idrografia

Uno de los rios mas emportantes, es el Rio Bravo o Rio Grande, ke desemboka en el Golfo de Meksiko, onde ay un delta ke aze la korriente del rio, en lindero kon los estados de Tamaulipas i Coahuila.

Klima

En el estado de Muevo Leon ay una grande diversidad de klimas, el noroeste es de klima seko, lugar ande muchiguan frutos komo olivo, uva o nar, las katenas montanyosas zon de klima templado i frio, ayi ay huertes inyevadas en invierno i esta yeno de sharas de pinos, ensinos y arvoles de grandes dimensiones, se konose komo la Sierra Madre Orientala; en la mayor parte del territorio estatal es desyerto kon pokas luvias i inyevikas, ay aki plantas propias de la tierra ke no ay en otras partes del olam.

• Paizajes de Muevo Leon
• 
  Galeana
  Galeana
• 
  Serro el Potosi
  Aramberri
• 
  Rio Atongo
  China
• 
  Linares
  General Teherán
• 
  Canyon de la Huasteca
  Santa Catarina

Governo i administrasion

Organizasion territoriala

Belediye	Kavesera	Area (km2)	Povlasion
Anáhuac	Anáhuac
Apodaca	Apodaca
Aramberri	Aramberri
Guadalupe	Guadalupe
Monterrey	Monterrey
San Nicolás de los Garza	San Nicolás de los Garza
San Pedro Garza García	San Pedro Garza García

Ekonomia

Sentro finansiero del Valle en San Pedro.

El su IDH (Índice de Desvelopamiento Umano) fue elejido komo el sigundo belediye mas desvelopado del paiz, dempues del belediye de Benito Juárez en la Sivdad de Meksiko. Ayinda ansi, dentro del belediye ay 10 kolonias irregulares sin kalejas ordenadas i alkunos males populares. Kaji todo el nifus del estado es urbano, el 35% mora en el kampo o en chikos kazales en las serraladas o en sekos vayes.

El estado konta kon industrias de grande emportansia para el paiz en, la industria pesada komo las fundidoras de metal, la industria kemika, makiladora, seramika, kal i yeso, endemas es la sede grandes ofisinas administrativas i puerporasiones ke se afinkaron en San Pedro Garza García.

Turizmo

Pazeo Santa Lusia.

Muevo Leon no es un estado ande ayiga plaj o sitios arkeolojikos de grande emportansia, el turizmo aki es finansiero o de bisneros, konta el estado kon galanos paizajes de natura, grandes muntanyas, kazales sharfos kaji abandonados, kuevas antikas, agrikultura i vida nochera en la grande sivdad kapitala de Monterrey.

En Monterrey ay un Male Antiko ande se afinkaron los primeros moradores de la sivdad, goza de tradision bohemia, asina ay también la Macroplaza, lugarde grandes eventos ande se topa el palasio de governo del estado, muzeos, teatro, el palasio dela munisipalidad y el empesijo de Pazeo Santa Lusia, un grande río artifisialo ande surkan barkasas rodeado de komersios, parkes i espasios kulturales komo el Parke Fundidora, una antika zona industriala de fundision de metales, komo parte de la arkeolojia indistriala.

Otronos lugares de emportansia turiztika, zon los kazales de Santiago, Montemorelos, i Linares, deklarados kazales majikos. Ay parke tematikos komo Parke Fundidora i Plaza Sesamo en el sentro i Bioparque Estreya a las afueras de la metropoli. Otro punto es azed kampamentos en las muntanyas, aziendas, rios i parkes nasionalos, konosed la vida de los vakeros i azer lavoro de kampo agrikola o rural en el agroturizmo.

El uniko sitio arkeolojiko es Boca de Potrerillos, un lugar ande ay petroglifos de los primeros ombres ke moravano en esta rejion, ombres aborijines ke desharon alkunos debushos ensima de las piedras.

Kultura

El estado de Muevo Leon konta kon una grande diversidad kulturala en toda la entidad, es parte de la rejion kulturala norestense, nortenya o frontierisa.

Ver endemas

• Meksiko