Chenopodium berlandieri

---

Plantae — Angiospermae

Eudicotyledones 
Ordo : Caryophyllales 
Familia : Amaranthaceae 
Genus : Chenopodium 
Species : C. berlandieri 

Chenopodium berlandieri 
Moq.  

Chenopodium berlandieri est species plantarum florentium familiae Amaranthacearum et generis Chenopodii, in America boreali et praecipue in valle Mississippii fluminis sponte gignens. Ibi ab indigenis olim colebatur propter semina quae ad victuale atque folia tenera quae ad holus adhibentur. Haec species pars fuisse censetur complexus agrarii orientalis. Cultura plantae choupichoul a populo Natchez iam annis 1720 ab Antonio Simone Le Page du Pratz observata in opere Mémoire sur la Louisiane annis a 1751 ad 1753 descripta est.

Planta domesticata (a nonnullis ssp. nuttalliae appellata), testa multo pusilliori, in Mexico etiam hodie colitur.

Bibliographia

• Charles B. Heiser, Of Plants and People (Norman: University of Oklahoma Press, 1985) pp. 92-95 (Paginae selectae apud Google Books) Exemplar mutuabile
• A. Moquin-Tandon, Chenopodearum monographica enumeratio (1840) p. 23
• Bruce D. Smith, "The Cultural Context of Plant Domestication in Eastern North America" in Current Anthropology vol. 52, no. S4 (2011) pp. S471-S484

Nexus externi

Vicimedia Communia plura habent quae ad Chenopodium berlandieri spectant.

Vide "Chenopodium berlandieri" apud Vicispecies.

• "Chenopodium berlandieri Moq. ssp. jonesianum" apud Laboratory Guide To Archaeological Plant Remains From Eastern North America