Isatis tinctoria

Isatidis flores

---

Plantae — Angiospermae

Eudicotyledones 
Rosidae 
Ordo : Brassicales 
Familia : Brassicaceae 
Genus : Isatis 
Species : I. tinctoria 

Isatis tinctoria 
L.  

Synonyma

Isatis indigotica Fortune

Īsătis -idis f. (Graece ἴσατις) sive glastum -i n. sive gaisdo est herba, qua fit tinctura caerulea, indico, hyacinthoque similis, apud doctos Isatis tinctoria.

Nomina antiqua

Isatis tinctoria

Isatis est nomen Graecae originis, glastum Gallicae (lingua Italica Tuscana glasto, glastro; cf. voces Hibernicae glaisin 'glastum' et glass 'caeruleus, viridis'). Alia nomina Latina sunt:

• Ălūta
• Lactuca agrestis (sed hoc nomen multas alias herbas etiam designat)
• Pastellus sive pastellum
• Vitrum, vitrus, vetrum (a Teutonico, cf. vox Germanica antiqua weit, hodie Färberwaid, Anglica woad. Conflatio cum vitro).
  • Vitrāgō -inis f. (sed hoc nomen etiam pro parietaria, quod apud botanos Parietaria officinalis dicitur)
  • Vitrāria, vitriāria, vitriola herba
• Wātum a Teutonico.

Graeci etiam dixerunt Ἄρειον 'Arēum' et ὑσγίνη 'hysginē', et nomen arcanum "Prophetarum" fuit ἀρούσιον 'arūsium'.

Nomen Syriacum est (ܩܢܥܐ (קנעא qånˁåˀ,, quod nomen non in fontibus Iudaicis invenitur, sed nomen Graecum tantum: איסטיס ˀīsåṭīs

Secundum Oribasium, Syn. 2.13, nomen Gothicum fuit wisdele: "Isatis quam Goti "wisdele" vocant, tinctores herba vetru." Hoc creditur esse pro Gothico *𐍅𐌹𐌶𐌳𐌹𐌻𐌰 *wizdila.

Nexus externi

Vicimedia Communia plura habent quae ad Isatis tinctoria spectant.

Vide "Isatis tinctoria" apud Vicispecies.