Erithacus

Erithacus est genus avium familiae Muscicapidarum ordinis Passeriformium, cui generi est una sola species, Erithacus rubecula. Haec est parva avis insectivora, inter 12.5 et 14.0 centimetra longa. Mas et femina sunt similes colore, pectore rubro vel aurantio, linea cana circa faciem. In tota Europa usque ad Siberiam occidentalem in oriente et ad Africam Septentrionalem in meridie reperitur. Plurimi erithaci, hieme et aestate non migrantes, in locis suis manent.

Erithacus rubecula

Animalia — Chordata

Classis : Aves
Ordo : Passeriformes
Familia : Muscicapidae
Genus : Erithacus
Cuvier, 1800
Species : E. rubecula

Erithacus rubecula
(Linnaeus, 1758)

Conservationis status

LC

Vigens (IUCN 3.1)^[1]

Subdivisiones: Subspecies

Inter 7 et 10 (vide textum).

Territorium

Habitationes: Per totum annum Aestate Hieme

*Erithacus rubecula* super saepem Bristolii in Anglia sedet.

Ova *Cuculi canori* (laeva) et *Erithaci rubeculae.*

Aves in aliis continentibus quibus sunt pectora rubra vel aurantia nominibus similibus vulgo in variis linguis appellantur, inter quas Turdus migratorius (una ex Turdidis) et aves familiae Petroicidarum in Australia, quarum coniunctiones perplexae sunt.

Subspecies

Erithacus rubecula balcanicus
Erithacus rubecula caucasicus
Erithacus rubecula hyrcanus
Erithacus rubecula melophilus
Erithacus rubecula rubecula
Erithacus rubecula sardus
Erithacus rubecula superbus
Erithacus rubecula tataricus
Erithacus rubecula valens
Erithacus rubecula witherbyi

Antiquitate et medio aevo

Plinius avem erithacum appellatam describit, quae aut Erithacus rubecula aut cum Phoenicurus phoenicurus fuisse putatur:

alia ratio ficedulis, nam formam simul coloremque mutant. hoc nomen autumno habent, postea melancoryphi vocantur. sic et erithacus hieme, idem phoenicurus aestate. mutat et upupa, ut tradit Aeschylus poeta, obscena alias pastu avis, crista visenda plicatili, contrahens eam subrigensque per longitudinem capitis.^[2]

Medio aevo appellabatur rubecula vel rubisca.^[3]

Notae

↑ BirdLife International (2016). "Erithacus rubecula". IUCN Red List of Threatened Species (IUCN) 2016: e.T22709675A87880390
↑ Plinius, Naturalis historia 10.44 Textus apud Perseum.
↑ Dictionary of Medieval Latin from British Sources apud ΛΟΓΕΙΟΝ, s.v. "rubecula" Dictionary of Medieval Latin from British Sources apud ΛΟΓΕΙΟΝ, s.v. "rubisca"

Bibliographia

Ingersoll, Ernest. 1923. Fire-birds: The Robin and the Wren: Birds in legend, fable and folklore. Novi Eboraci: Longmans, Green and Co. Archivum interretiale.
Lack, Andrew. 2008. Redbreast: The Robin in Life and Literature. SMH Books. ISBN 978-0-9553827-2-7.
Lack, David. 1943 The life of the robin. Londinii: H.F. & G. Witherby Ltd.

Nexus externi

Vicimedia Communia plura habent quae ad Erithacum rubeculam spectant.

Situs scientifici: • ITIS • NCBI • Biodiversity • IUCN Red List • WoRMS: Marine Species • Fossilworks • INPN France

[IUCN-1] BirdLife International (2016). "Erithacus rubecula". IUCN Red List of Threatened Species (IUCN) 2016: e.T22709675A87880390

[2] Plinius, Naturalis historia 10.44 Textus apud Perseum.

[3] Dictionary of Medieval Latin from British Sources apud ΛΟΓΕΙΟΝ, s.v. "rubecula" Dictionary of Medieval Latin from British Sources apud ΛΟΓΕΙΟΝ, s.v. "rubisca"

[1]

[2]

[3]