Declinatio (astronomia)
(Redirectum de Declinatio (Astronomia))
Declinatio in astronomia altera coordinata in globo caelesti (imaginato) est, altera ascensio recta vocatur. Declinatio respondet ad orbes latitudinis geographicos. Inde declinatio spatium angulare rei caelestis ab linea aequinoctiali caelesti significat. Valores positivi locum ad septentrionales spectantem indicant, valores negativi ad meridiem spectantem. Declinatio symbolo δ scribi solet et secundam partem in pari (α;δ) descriptionis loci caelesti tenet. Ita declinatio arte cum altitudine astronomico coniuncta est, sed contra non a spectandi loco nec tempore dependet. Si in polo septentrionali telluris stans rem caelestem spectas, declinatio atque altitudo illius rei eadem est.
Nexus interni
 |