Thérèse Kirongozi

Dorothée Gizenga, butukaka na kilumbu ya 29 ngonda ya sambanu 1961 na Stanleyville mpe kufwaka na kilumbu ya 18 ngonda ya zole 2022 na Kinshasa,kele Muntu ya politiki ya Kongo, ntwadisi ya CAPUU (Comité d'action pour un PALU unique et uni).

Disolo ya luzingu

Dorothée Gizenga kele mwana ya ntete ya Antoine Gizenga (muntu ya ntete mpe mumonisi ya ndambu lumumbiste unifié, PALU). Yandi kele mpangi ya nkento ya Lugi Gizenga.

Yandi kele na diplome ya masters na chimie na Iniversite ya Saskatchewan na Saskatoon mpi diplome na Gemmologie, yina yandi bakaka na American Institute of Gemology. Yandi kele mpe na diplome ya kimunganga na Iniversite ya York na Toronto.

Kisalu ya mbote na insi

Na nima ya kulutisa bamvula makumi tatu na nsambwadi na Canada kisika Dorothée Gizenga salaka kitini ya nene ya nzietelo na yandi, nsuka-nsuka yandi bakaka lukanu ya kukwenda kuzinga na insi na yandi (RDC) na 2019.

Ntangu yandi vutukaka, yandi kwendaka na sekretere ya nene ya parti na kutwadisa bisalu, kaka na ntangu yina parti vuandaka na mavwanga ya kimfumu mpe vuandaka na kigonsa ya kukabwana. Lugi Gizenga pesaka yandi ntete kiyeko ya kutwadisa kimvuka mosi sambu na kuyidika lukutakanu ya kuvukisa parti.

Na kulandaka mutindu mosi, na Septembri 2020, bawu tulaka "CAPUU" (Comité d'Action pour un PALU Unique et Unique) samu na kulanda kunwana sambu na kuvukisa bantu.

Bisika ya yandi salaka na kati ya parti

Na ntwala ya kukuma ntwadisi ya CAPUU mpe Kubica lukutakanu ya PALU na manima ya lufwa ya Lugi Gizenga, sekretere na yandi ya ntangu yonso na Yuni 2020, Dorothée salaka bamvula mingi, na zina ya parti na yandi, bisalu nyonso mumonisi ya PALU na insi ya Canada mpe kilandi ya coordonnateur pour les relations extérieures.

Banda na CAAPU tii na Palu/Gizenga

Na manima ya kuzanda kununga ya bikesa mingi ya kuwakana yina ba salaka samu na kuvutula mavwanga na kati ya parti, na mbandu kimvuka MAYOBO mpe MAKIASHI, na Augusti 2021 Dorothée bakaka lukanu ya kusala parti politiki na mkumbu ya PALU-gizenga.PALU/GIZENGA yina ke taninaka bansimbulu ya PALU, kisika yandi mosi vuanda mfumu na yawu bonso ntwadisi ya insi, na biro ya yimpa mpe komite ya kutwadisa.

Na Oktobri, na manima ya kubima na parti, yandi kotisaka parti yango na kimvuka ya politiki "Les progressistes" yina vuandaka na yinsi ya lutwadisu ya ministre ya ntete ya ntama: Samy BADIBANGA, bo bakaka lukanu ya kusoba mambu ya politiki na kumosi.

Kisalu na yandi

Dorothée Gizenga kele mosi na kati ya bantu yina yantikaka mpe ntwadisi ya Diamond Development Initiative (Initiative Diamond and Development), DDI na bunkufi, yina ke salaka na kubalula kitini ya kusosa matadi ya ntalu na ntoto ya kuyela na ntangu ya yinda. Ba salaka yawu banda na mvula 2006, yawu yantikaka kusala na mvula 2008. Na ntwala ya kukuma ntwadisi ya DDI, yandi salaka na Partenariat Afrique-Canada, kimvuka mosi ya Canada yina ke salaka bansosa mpe ke salaka bisalu ya kubondila mpe ya kusolula na mambu ya politiki na yina me tala mavwanga, mutindu ya kuyala bimvwama ya ntoto mpi Banswa ya muntu na Afrika. Yandi vuandaka na kiyeka ya Kimberley.

Dibuta na yandi

Dorothée Gizenga kele mama ya bana iya.

Lufwa

Dorothée Gizenga kufwaka na kilumbu ya 18 ya ngonda ya zole 2022 na clinique ya Ngaliema na Kinshasa, na manima ya kubela mwa ntangu fioti.