Windows Phone 8.1

Windows Phone 8.1
შემქმნელი	Microsoft Corporation და Nokia
წყაროს მოდელი	დახურული წყარო
თავდაპირველი ვერსიის; საბოლოო ვარიანტი	14 აპრილი, 2014; 10 წლის წინ
ძირითადი; ხელმისაწვდომობა	15 ივლისი, 2014; 10 წლის წინ
უკანასკნელი გამოშვება	8.10.15116.125 / 10 აპრილი, 2015; 9 წლის წინ
განახლების მეთოდი	Firmware over the air და Windows Phone Store
მხარდაჭერილი; პლატფორმები	32 ბიტიანი ARM-არქიტექტურა
ბირთვის ტიპი	ჰიბრიდული (NT-ის ბირთვი)
ლიცენზია	კომერციული დაპატენტებული პროგრამული უზრუნველყოფა
წინა	Windows Phone 8 (2012)
შემდეგი	Windows 10 Mobile (2015)
ოფიციალური საიტი	ოფიციალური საიტის არქივი საიტზე Wayback Machine (archive index)
მხარდაჭერის სტატუსი
	2017 წლის 11 ივლისს შეწყდა მხარდაჭერა

Windows Phone 8.1 — Windows Phone-ის ბაზაზე მომუშავე სმარტფონების სისტემური განახლება. უახლესი საოპერაციო სისტემის პრეზენტაცია 2014 წლის 2 აპრილს, Microsoft-ის ყოველწლიურ კონფერენცია Build-ის ფარგლებში გაიმართა. ამ განახლების Preview ვერსიის გავრცელება 2014 წლის 14 აპრილს დაიწყო. აღნიშნული განახლება ხელმისაწვდომი იყო მხოლოდ იმ მომხმარებლებისთვის, რომლებიც საკუთარ სმარტფონზე იყენებდნენ დეველოპერულ აპლიკაცია „Preview for Developers“-ს.^[4]

Windows Phone 8.1-ის ოფიციალური გავრცელება 15 ივლისს დაიწყო, რომელსაც Lumia-სმარტფონებისთვის თან ახლდა საფირმო განახლება Lumia Cyan-იც. განახლების გავრცელების პირველ ფაზაში მოექცა ევროპის რამდენიმე სახელმწიფო დაწყებული ფინეთით, დამთავრებული ტაივანითა და არგენტინით. 2014 წლის აგვისტომდე განახლება ხელმისაწვდომი იყო პრაქტიკულად ყველა სმარტფონისთვის (გამონაკლისია Lumia 1520).^[5]

Lumia 1520-ზე განახლების გავრცელება სექტემბრის შუა რიცხვებში დაიწყო.

შეტყობინებების ცენტრი

კონფერენცია Build 2014-ზე წარმოდგენილი იყო მოსალოდნელი შეტყობინებების ცენტრი, რომელშიც შეგროვდებოდა ყველა შეტყობინება და მოთავსდებოდა სწრაფი პარამეტრების 4 მალსახმობი (6“ ეკრანის შემთხვევაში- 5).

ხმოვანი დამხმარე „Cortana“

Windows Phone 8.1-ში ასევე დაამატეს ხმოვანი დამხმარე „Cortana“. დამხმარე ფუნქციონირებს Bing-ის სერვისების მეშვეობით და ამჟამად იმყოფება ბეტა-ტესტირების რეჟიმში. იმისათვის, რომ შეძლოთ მისი ბეტა-ვერსიის გამოყენება, სმარტფონზე საჭიროა რეგიონად აშშ-ს და ენად ინგლისურის (აშშ) არჩევა. კორტანას გააჩნია საკუთარი ჩანაწერების წიგნაკი, ე. წ „NoteBook“- სადაც თქვენ შეგიძლიათ დამხმარეს უფლებები გაუწეროთ. მას ამჟამად არ გააჩნია ქართული ენის მხარდაჭერა.

ცვლილებები ღრუბელში

SkyDrive-მა შეცვალა სახელწოდება და გახდა OneDrive იმის გამო, რომ ბრენდი „Sky“ ეკუთვნის მაუწყებლობას BSkyB. ასევე გაიზარდა მოცულობა 7 გბ-დან 15-მდე.

მოწყობილობები

Windows Phone 8.1 სმარტფონებს გამოუშვებს Microsoft-ი უკვე ახალი ბრენდით Lumia. ახალ საოპერაციო სისტემის გამოსვლის შემდეგ, WP-სმარტფონების წარმოებას 25-ზე მეტი კომპანია უერთდება, მათ შორის Samsung, XoloPhone, HTC, Micromax, Fly, Prestigio, LG, Alcatel და სხვა.

Windows Phone 8.1-თან ერთად აღარაა აუცილებელი სმარტფონებზე 3 აპარატული ღილაკის მოთავსება სმარტფონის წარმოებისთვის. ეს ნაბიჯი შეუწყობს ხელს, რომ მწარმოებელმა შეძლოს იგივე სმარტფონი სხვადასხვა საოპერაციო სისტემებით გამოუშვას. ასევე შესაძლებელი გახდა უფრო იაფი და ხელმისაწვდომი სმარტფონების წარმოება.

Windows Phone-ს ამიერიდან ეკრანზე მოთავსებული 3 ღილაკის მხარდაჭერა აქვს. ესენია „უკან“, “სახლი“ და „ძიება“.

Windows Phone-ის მწარმოებლებს კამერის ფიზიკური ღილაკის ჩაშენებასაც აღარ ავალდებულებენ.

Windows Phone 8.1

Action Center- Windows Phone 8.1-ზე არსებული შეტყობინებების ცენტრი.
ბლოკირების ეკრანის გახსნილი API დეველოპერებისთვის. ეს ნიშნავს იმას, რომ ბლოკირების ერკანის შეცვლა მრავალნაირადაა შესაძლებელი.
შესაძლებელია სარკმელების მესამე სვეტის დამატება პატარა ზომის ეკრანებზე.
Cortana. ხმოვან ასისტენტს დიდი ყურადღება დაეთმო.
საწყის ეკრანზე გამოსახულების დაყენების შესაძლებლობა. ე.წ. პარალაქსის ეფექტი და გამჭვირვალე სარკმელები.
გადამუშავებულია აპლიკაციების მარკეტი, დამატებულია კატეგორია „რეკომენდებული აპლიკაციები“.
კალენდარი. მნიშვნელოვნად გაუმჯობესებული აპლიკაცია. დამატებულია შეთვალიერების ახალი რეჟიმები, მისი გამოყენება კი უფრო მოსახერხებელი გახდა.
Wi-Fi Sense. პოულობს Wi-Fi ქსელს რუკაზე, გაძლევთ საშუალებას გაუზიაროთ თქვენს მეგობრებს ან ნაცნობებს Wi-Fi-ქსელის პარამეტრები (მათ შორის პაროლი, რომლის შეყვანაც აღარ იქნება საჭირო).
VoIP-სერვისებთან უფრო ღრმა ინტეგრაცია. სატელეფონო ზარის დროს თქვენ მომენტალურად შეგიძლიათ გადაერთოთ Skype-ზე.
Word Flow კლავიატურა, იგივე Swype. ტექსტის სწრაფად აკრეფაში კლავიატურა-რეკორდსმენი.

სიახლეები

Windows Phone მარკეტის ცვლილებები და გაუმჯობესება — შეცვლილია ინტერფეისის ზოგიერთი ნაწილი (მაგალითად, შეფასების სისტემა, საწყისი გვერდი და სხვა).

რესურსები ინტერნეტში

ოფიციალური საიტი (არქივი)
Windows Phone 8.1 საიტზე Curlie

სქოლიო

↑ 14 აპრილი, 2014; 10 წლის წინ (2014-04-14)
↑ Jo Foley, Mary. (June 20, 2012) Microsoft's Windows Phone 8 finally gets a 'real' Windows core. ZDNet. ციტირების თარიღი: December 25, 2012.
↑ Microsoft Support Lifecycle: Windows Phone 8.1. Microsoft Support. Microsoft Corporation. ციტირების თარიღი: January 12, 2016.
↑ Windows Phone 8.1 now available to developers (April 14, 2014). ციტირების თარიღი: 14 April 2014.
↑ Track Windows Phone 8.1+Lumia Cyan rollout here! (April 1, 2014). დაარქივებულია ორიგინალიდან — ივლისი 26, 2014. ციტირების თარიღი: April 1, 2014.

[1] 14 აპრილი, 2014; 10 წლის წინ (2014-04-14)

[2] Jo Foley, Mary. (June 20, 2012) Microsoft's Windows Phone 8 finally gets a 'real' Windows core. ZDNet. ციტირების თარიღი: December 25, 2012.

[3] Microsoft Support Lifecycle: Windows Phone 8.1. Microsoft Support. Microsoft Corporation. ციტირების თარიღი: January 12, 2016.

[preview-4] Windows Phone 8.1 now available to developers (April 14, 2014). ციტირების თარიღი: 14 April 2014.

[5] Track Windows Phone 8.1+Lumia Cyan rollout here! (April 1, 2014). დაარქივებულია ორიგინალიდან — ივლისი 26, 2014. ციტირების თარიღი: April 1, 2014.

[1]

[2]

[3]

[4]

[5]