„Give Peace a Chance“ — ჯონ ლენონის მიერ დაწერილი (ავტორებად მითითებულები არიან ლენონი–მაკ-კარტნი) და იოკო ონოსთან ერთად მონრეალის Queen Elizabeth Hotel-ში შესრულებული სიმღერა[1]. გამოცემული 1969 წელს Plastic Ono Band-ის მიერ, სინგლზე, იგი არის ლენონის პირველი ოფიციალური სოლოსინგლი. ჯონი ამ დროს ჯერ ჯგუფ The Beatles-ის წევრი იყო და მის ხელში სიმღერა იქცა ანტისაომარ ჰიმნად, რაც დაემთხვა ვიეტნამის ომს. სიმღერამ Billboard Hot 100-ში #14 პოზიცია დაიკავა, ხოლო ბრიტანეთის სინგლების ჩარტში #2 იყო.
