კურტ ტუხოლსკი

კურტ ტუხოლსკი
გერმ. Kurt Tucholsky
დაბადების თარიღი	9 იანვარი, 1890(1890-01-09)
დაბადების ადგილი	ბერლინი
გარდაცვალების თარიღი	21 დეკემბერი, 1935(1935-12-21) (45 წლის)
გარდაცვალების ადგილი	გეტებორგი
დასაფლავებულია	Mariefred cemetery
ფსევდონიმი	Kaspar Hauser , Peter Panter , Theobald Tiger , Ignaz Wrobel , Paulus Bünzly , Hugo Grotius , Theobald Körner და Old Shatterhand
საქმიანობა	ჟურნალისტი , პოეტი ადვოკატი, სატირიკოსი, პოეტი , მწერალი , იურისტი, დრამატურგი და პროზაიკოსი
ენა	გერმანული ენა
ეროვნება	ებრაელები
მოქალაქეობა	გერმანია  ვაიმარის რესპუბლიკა
ალმა-მატერი	ჟენევის უნივერსიტეტი, ჰუმბოლდტის უნივერსიტეტი, იენის უნივერსიტეტი და Französisches Gymnasium Berlin
Magnum opus	შლოს გრიფსჰოლმი
მეუღლე	ელზე ვეილი და მერი ჯეროლდი
პარტნიორ(ებ)ი	ლიზა მათიასი
ხელმოწერა
კურტ ტუხოლსკი ვიკისაწყობში

კურტ ტუხოლსკი (გერმ. Kurt Tucholsky; დ. 9 იანვარი 1890, ბერლინი, — გ. 21 დეკემბერი 1935, გეტებორგი) — გერმანელი ჟურნალისტი და მწერალი. იგი მოღვაწეობდა ასევე ფსევდონიმებით: კასპარ ჰაუზერი, პეტერ პანტერი, თეობალდ თიგერი და იგნაც ვრობელი. ტუხოლსკი ვაიმარის რესპუბლიკის უმნიშვნელოვანეს პუბლიცისტებს მიეკუთვნება. 

კურტ ტუხოლსკი იყო პოლიტიკურად აქტიური ჟურნალისტი და ყოველკვირეული ჟურნალის „Die Weltbühne“-ის დამაარსებელი, ამავდროულად სატირიკოსი, სიმღერების ტექსტების ავტორი, ლირიკოსი და კრიტიკოსი (ლიტერატურის, ფილმისა და მუსიკის განხრით). თავის თავს თვითონ განიხილავდა, როგორც მემარცხენე  დემოკრატს, სოციალისტს, პაციფისტს და ანტიმილიტარისტს.

კურტ ტუხოლსკი ბერლინ-მოაბიტში მდებარე მშობლების სახლში მოევლინა ქვეყანას 1890 წლის 9 იანვარს. მამამისი იყო ებრაელი ალექს ტუხოლსკი (1855–1905), რომელმაც 1887 წელს თავის ბიძაშვილზე დორის ტუხოსკიზე (1869–1943) იქორწინა. მათ 3 შვილი შეეძინათ: კურტი, უფროსი ვაჟი, ასევე ფრიცი და ელენი.

ტუხოლსკის განსაკუთრებულად უყვარდა და პატივს სცემდა მამას, რომელიც 1905 წელს გარდაიცვალა და მნიშვნელოვანი ქონება დაუტოვა თავის ცოლს და შვილებს. ამან საშუალება მისცა ტუხოლსკის მიეღო განათლება ფინანსური საზრუნავის გარეშე.

რესურსები ინტერნეტში

• კურტ ტუხოლსკი — ენციკლოპედია ბრიტანიკა (ინგლისური)