ავგუსტ ვილჰელმ ჰოფმანი

ავგუსტ ვილჰელმ ჰოფმანი
გერმ. August Wilhelm von Hofmann
დაბ. თარიღი	8 აპრილი, 1818(1818-04-08)
დაბ. ადგილი	გისენი
გარდ. თარიღი	5 მაისი, 1892(1892-05-05) (74 წლის)
გარდ. ადგილი	ბერლინი
დასაფლავებულია	დოროთეენშტადტის სასაფლაო
მოქალაქეობა	ჰესენის დიდი საჰერცოგო
საქმიანობა	ქიმიკოსი და უნივერსიტეტის პროფესორი
მუშაობის ადგილი	ბონის უნივერსიტეტი, Royal School of Mines და ფრიდრიხ ვილჰელმის უნივერსიტეტი
ალმა-მატერი	გეტინგენის უნივერსიტეტი და გისენის უნივერსიტეტი
განთქმული მოსწავლეები	ტოიტირო ნაკაჰამა
შვილ(ებ)ი	ალბერტ ჰოფმანი
ჯილდოები	სამეფო საზოგადოების წევრი, კოპლის მედალი , ფარადეის ლექციის პრიზი, ორდენი ხელოვნებისა და მეცნიერების სფეროებში შეტანილი წვლილისათვის, სამეფო მედალი, ბავარიის მაქსიმიალიანის ორდენი სამეცნიერო და სახელოვნებო მიღწევებისათვის, ალბერტის მედალი და ennoblement
ავგუსტ ვილჰელმ ჰოფმანი ვიკისაწყობში

ავგუსტ ვილჰელმ ჰოფმანი (გერმ. August Wilhelm von Hofmann; დ. 8 აპრილი, 1818, ჰისენი — გ. 5 მაისი, 1892, ბერლინი) — გერმანელი ქიმიკოსი.

ბიოგრაფია

დაამთავრა ჰისენის უნივერსიტეტი. იყო ი. ლიბიხის მოწაფე. 1845–1865 ლონდონის სამეფო ქიმიის კოლეჯის დირექტორი, 1861-იდან ლონდონის ქიმიის საზოგადოების პრეზიდენტი. 1865–1892 ბერლინის უნივერსიტეტის ქიმიის კათედრის გამგე. 1868 დააარსა გერმანიის ქიმიის საზოგადოება, რომლის თავმჯდომარეც იყო 1892 წლამდე.

ჰოფმანი და მისი სკოლის შრომებს დიდი მნიშვნელობა ჰქონდა ქვანახშირის ფისის სამრეწველო გადამუSავებისა და სინთეზური საღებრების წარმოების შექმნაში. 1871 ჰოფმანმა კ. მარციუსთან ერთად აღმოაჩინა C₆H₅ — NH — CN₃ —› CH₃ — C₆H₄ — NH₂ ტიპის გადაჯგუფება. 1881 ჰოფმანმა აღმოაჩინა კარბომჟავების ამიდებისაგან ამინების მიღება.

ლიტერატურა

• ქართული საბჭოთა ენციკლოპედია, ტ. 11, თბ., 1987. — გვ. 691.