ჰემა მალინი
| ჰემა მალინი | |
|---|---|
| ინგლ. Hema Malini | |
 | |
| დაბადების თარიღი | 16 ოქტომბერი, 1948[1] (76 წლის) |
| დაბადების ადგილი | Ammankudi, Madras Presidency, Dominion of India |
| მოქალაქეობა |
 ინდოეთი |
| მეუღლე/ები | Dharmendra |
| შვილ(ებ)ი | Esha Deol და Ahana Deol |
| ჯილდოები | Filmfare Award for Best Actress და Padma Shri in arts |
ჰემა მალინი (ინგლ. Hema Malini, ტამილ. ஹேமமாலினி, ჰინ. हेमा मालिनी; დ. 16 ოქტომბერი, 1948) — ინდოელი მსახიობი, მოცეკვავე, კინოპროდიუსერი, კინორეჟისორი და პოლიტიკოსი. ყოფილი საბჭოთა კავშირის მასშტაბით იგი ცნობილია ტყუპი დების ზიტას და გიტას როლის შესრულებით ამავე სახელწოდების ფილმში. მსახიობის ფილმოგრაფიაში სულ 160 კინოროლი მოითვლება. არის ბოლივუდის ერთ-ერთი ყველაზე პრესტიჟული კინოპრემიის Filmfare Award-ის პრემიის ლაურეატი ქალის როლის საუკეთესო შესრულებისათვის. არის სახელმწიფო ჯილდოს პადმა შრის ლაურეატი, რომელიც გადაეცა ინდოეთის კინემატოგრაფიის განვითარებისათვის.
ბიოგრაფია
[რედაქტირება | წყაროს რედაქტირება]მალინი დაიბადა 1948 წლის 16 ოქტომბერს ტამილურ ოჯახში[2]. დედა ჯაია ლაქშმი ჩაკრავარტი იყო ფილმების პროდიუსერი[3][4].
სამსახიობო კარიერა
[რედაქტირება | წყაროს რედაქტირება]მისი დებიუტი შედგა 1965 წელს, როდესაც ტელუგუს ენაზე გადაღებულ ფილმში, „პანდუ ტოვებს სამყაროს“ მიიღო მონაწილეობა, სადაც იგი მოცეკვავის როლს ასრულებდა. მისი პირველი ფილმი ჰინდი ენაზე იყო „ოცნებების გამყიდველი“ (1968 წ.), სადაც მისი პირველი პარტნიორი იყო რაჯ კაპური.
შემდეგ გადაიღეს სხვა ფილმებიც, სადაც ჰემა მალინი თამაშობდა ისეთ მსახიობებთან როგორიცაა რაჯეშ კჰანა, შამი კაპური, შაში კაპური, სანჯივ კუმარი, დჰარმენდრა, ამიტაბჰ ბაჩანი, ჯიტენდრა, დევ ანანდი და ვინოდ კჰანა. ამ ფილმებში იგი ასრულებდა კეთილი და საყვარელი გოგოს, დედისა და ცოლის რომანტიკულ როლებს.
35-ზე მეტ ფილმში გადაღებულია დჰარმენდრასთან წყვილში. საბჭოთა კავშირში და პოსტსაბჭოთა სივრცეში ამ კინოს წყვილის ყველაზე ცნობილი ერთობლივი ფილმებია: „ლამაზი და ჯიუტი“ (1970 წ.), „ზიტა და გიტა“ (1972 წ.), „საყვარელი რაჯა“ (1972 წ.), „შურისძიება და კანონი“ (1975 წ.), „ჯუნგლების მეფე“ (1976 წ.), "ალი ბაბას და ორმოცი ყაჩაღის თავგადასავალი“ (1979 წ.), „მძიმე ბედი“ („მსახიობის სიყვარული“, 1981 წ.),” „სამრატი“ (1982 წ.).
ჰემამ ასევე ითამაშა ნამდვილი ისტორიული პირების როლი ისტორიულ დრამატულ ფილმებში: მაგალითად ინდოელი წმინდანის მირას როლი ფილმში „მირა“ (1979 წ.), რაზია სულთანის როლი ფილმში „სულთნის გოგო“.
ასევე ცნობილია და პოპულარულია მისი ფილმები „დროის სუნთქვა“ (2000 წ.), „სიყვარული და ღალატი“ (2003 წ.), „ვირი და ზარა“ (2004 წ.), „სიყვარული საზღვრების გარეშე“ (2010 წ.).
უკანასკნელი რამდენიმე წელია ჰემა მალინი დაკავებულია საპროდიუსერო მოღვაწეობით.
ჰემა მალინი მეორე ტამილელი ქალი მსახიობია ვიჯაიანტიმალას შემდეგ, რომელიც ჰინდის ენაზე გადაღებული ფილმების ვარსკვლავი გახდა.
პოლიტიკური კარიერა
[რედაქტირება | წყაროს რედაქტირება]ბოლო წლების განმავლობაში, ჰემა მალინი და მისი მეუღლე პოლიტიკურ ასპარეზზე გამოჩნდნენ. ორივე მათგანი გახდა ინდოეთის პარლამენტის ზედა პალატის, რაჯია-საბჰას წევრი ინდოეთის სახალხო პარტიის მხარდაჭერით. 1999 წელს ჰემამ მხარი დაუჭირა სახალხო პარტიის კანდიდატს, ბოლივუდის ყოფილ მსახიობს ვინოდ კჰანას ინდოეთის პარლამენტის ქვედა პალატის ლოკ-საბჰას არჩევნებში პენჯაბის შტატის გურდასპურის საარჩევნო ოლქში. 2004 წლიდან ჰემა მალინი ოფიციალურად შეუერთდა ინდოეთის სახალხო პარტიას და 2010-2011 წლებში გახდა პარტიის გენერალური მდივანი.
პირადი ცხოვრება
[რედაქტირება | წყაროს რედაქტირება]ჰელა მალინი გათხოვილია მსახიობ დჰარმენდრაზე. მათ ორი შვილი ყავთ, ეშა და აჰანა. ეშა გაჰყვა დედის გზას და გახდა მსახიობი. ისევე როგორც ჰემა, მისი გოგონებიც ცეკვის ხელოვნებას დაეუფლნენ. დჰარმენდრას ბიჭებიც პირველი ქორწინებიდან სანი დეოლი და ბობი დეოლი მსახიობები არიან.
ჰემა მალინი აღიარებს ვაიშნავიზმს (ინდუიზმის ერთ-ერთი ძირითადი მიმართულება), არის კრიშნას ცნობიერების საერთაშორისო საზოგადოების მიმდევარი[5].
რესურსები ინტერნეტში
[რედაქტირება | წყაროს რედაქტირება]
სქოლიო
[რედაქტირება | წყაროს რედაქტირება]- ↑ Deutsche Nationalbibliothek Record #130315060 // ინტეგრირებული ნორმატიული ფაილი — 2012—2016.
- ↑ (2004) India Today International. Living Media International Limited, გვ. 23.
"I'm a pukka Iyengar Brahmin...". - ↑ My dad opposed my marriage: Hema. IBNLive.com. დაარქივებულია ორიგინალიდან — 8 აგვისტო 2016. ციტირების თარიღი: 21 February 2016.
- ↑ Hema Malini. Living Media International Limited 2004 p23.
- ↑ Иваненко С. И. Вайшнавская традиция в России: история и современное состояние. Учение и практика. Социальное служение, благотворительность, культурно-просветительская деятельность. — М.: Философская книга, 2008. — С. 41. — 320 с. — 2000 экз. — ISBN 978-5-902629-41-2.