Pulo Bakut
Koordhinat: 3°12′54″S 114°33′31″E / 3.21512494466°S 114.55872594°E Pulo Bakut iku siji pulo kang kapernah ing Kali Barito; pernahé ing laladan administratif Kacamatan Anjir Muara, Barito Kuala, Kalimantan Kidul. Ing sandhuwuring pulo ana Kreteg Barito kang malang.
Kukuban pangayoman
[besut | besut sumber]Sakiwa-tengening pulo iki kinukuhan minangka suwaka margasatwa kawit 1999 déning pangrèh praja lumantar Departemen Kehutanan dan Perkebunan kala samana. Minangka kukuban kang kebak mangrove, suwaka margasatwa ing Pulo Bakut dikebaki ékosistem mangrove maka wit-witan kaya ta: kapidhadha (Sonneratia caseolaris), nipah (Nypa fruticans), bakung (Crinum asiaticum), lan druju (Acanthus ilicifolius) sarta sato-kéwan kaya ta: wulung sagara dhadha putih (Haliaeetus leucogaster), wulung bondhol (Haliastur indus), wulung ireng (Ictinaetus malayensis), wulung tikus (Elanus caeruleus), wulung ula bidho (Spilornis cheela), lan cucuk urang biru (Halcyon chloris).[1]
Pustaka sitiran
[besut | besut sumber]- ↑ Batubara, Rido Miduk Sugandi (2015). Kalimantan Selatan: Antara Laut Jawa dan Selat Makassar. Jakarta: Penerbit Buku Kompas. kc. 5. ISBN 978-979-709-854-4.
{{cite book}}: CS1 maint: url-status (link)
| Artikel iki minangka artikel rintisan. Kowé bisa ngéwangi Wikipédia ngembangaké. |