Darius Sinathrya
| Darius Sinathrya | |
|---|---|
 | |
| Lair | Daniel Sineon Darius Sinathrya Kartoprawiro Mèi 21, 1985 Kloten, Swiss |
| Bangsa | Indonesia |
| Pakaryan | Presenter, Model, Artis |
| Taun aktif | 2005-saiki |
| Bojo | Donna Agnesia |
| Anak | Lionel Nathan Sinathrya Kartoprawiro Diego Andres Sinathrya Quinesha Sabrina Sinatriya |
Daniel Sineon Darius Sinathrya Kartoprawiro (lair ing Kloten, 21 Mèi 1985; umur 39 taun).[1] Darius Sinathrya iku salah sijiné présènter, aktor lan model kang asalé saka Indonesia.[1] Acara kang paling kerep kabawah ya iku acara ulah raga.[1] Darius Sinathrya uga tau nampa bebungah dadi insan pertelevisian paling favorit pilihan pamirsa kanggo kategori pembawa acara ulah raga ing ajang Panasonic Awards 2007.[2]
Saliyané dadi aktor, Darius Sinathrya uga duwé kalungguhan dadi manajer Tim Nasional Futsal Indonésia wiwit sasi Januari 2010.[3]
Darius Sinathrya ngugemi agama Katolik.[1]
Sinétron kang dibintangi Darius Sinathrya kaya ta sinétron kang judhulé Gatotkaca, Hantu Jatuh Cinta, lan Bukan Salah Bunda Mengandung.[1] Kariré diwiwiti nalika main filem kang judhulé D'Bijis (2007).[1] Ing taun iku uga, Darius main filem ing filem kang judhule Naga Bonar (Jadi) 2 bareng karo Deddy Mizwar lan Tora Sudiro.[4] Film-filem liyané kang tau dibintangi Darius Sinathrya kaya ta Pocong 3 (2007) lan Love (2008).
Kauripan pribadi
[besut | besut sumber]Darius Sinathrya nikah karo Donna Agnesia nalika tanggal 30 Dhésèmber 2006.[5] Nalika tanggal 28 Juni 2007, Donna Agnesia nglairaké anaké kang sepisanan.[5] Anak iki asil palakramané karo Darius Sinathrya.[5] Anak kang sepisanan iki dijenengi Lionel Nathan Sinathrya Kartoprawiro.[6] Nalika tanggal 5 Mèi 2009, Donna Agnesia nglairaké anak kang kaping pindho saka palakramané karo Darius Sinathrya.[5] Anak kang kaping loro iki dijenengi Diego Andres Sinathrya.[5] Nalika tanggal 1 Mèi 2011, Donna Agnesia nglairaké anaké kang kaping telu ya iku Quinesha Sabrina Sinatriya.[7]
Cathetan sikil
[besut | besut sumber]- ↑ a b c d e f Profil ing KapanLagi.com Archived 2010-05-06 at the Wayback Machine.(diundhuh tanggal 18 Juli 2011)
- ↑ Feny Rose - Darius Sinathrya Raih Panasonic Award 2007(diundhuh tanggal 18 Juli 2011)
- ↑ detikhot.com(diundhuh tanggal 18 Juli 2011)
- ↑ Deddy Mizwar Bikin Nagabonar Modern Dalam 'NAGABONAR JADI 2'(diundhuh tanggal 18 Juli 2011)
- ↑ a b c d e Pernikahan Donna-Darius Disambut Hujan(diundhuh tanggal 18 Juli 2011)
- ↑ kapanlagi.com(diundhuh tanggal 18 Juli 2011)
- ↑ detikhot.com(diundhuh tanggal 18 Juli 2011)
 | Artikel biografi Indonésia iki minangka artikel rintisan. Kowé bisa ngéwangi Wikipédia ngembangaké. |