Menyang kontèn

Dōtonbori

Saka Wikipédia Jawa, bauwarna mardika basa Jawa
Apiké Dōtonbori nuduhake Osaka kang flamboyan
Neon Glico saduwuring Kreteg Ebisubashi
Kepithing saduwuring omah mangan Kani Douraku

Dōtonbori (道頓堀?) ya iku pusat gastronomi, papan blanjan, lan hiburan ing sisih kidul Kanal Dōtonbori, Osaka, Jepang. Ing antarané Kreteg Dōtonbori lan Kreteg Nipponbashi iki ana manéka macem warung mangan lan fasilitas hiburan.

Minangka simbol kutha Osaka, Dōtonbori wis bola-bali didadékaké papa panggonan filem Jepang lan filem jaban rangkah. Papan-papan iklan lan lampu-lampu neon ukuran gedhé maési gedhong-gedhong restoran lan hiburan bengi ing pinggring Kanal Dōtonbori. Pusat kawigatèn wisatawan kang teka ana Dōtonbori, ing antarané kepithing papan iklan Kani Douraku, lampion fugu omah mangan Zuboraya, Neon Glico, lan jajanan khas Osaka (okonomiyaki, takoyaki, lan udon).

Ing sekitan panggonan iki ana teater bunraku, gedhong sandiwara komedi/manzai Namba Grand Kagetsu, teater idola NMB48, lan gedhong biyoskup. Ing sakloron pinggiring kanal Kreteg Ebisubashi ana promenade Tonbori Water Park kang dipepaki panggonan-panggonan lungguh. Pusat diskon Don Quijote ana ing piinggiring kanal duwé kincir ria kanthi wujud elips. Kreteg Ebisubashi ya iku pucuk kudul saka arkade blanjan Shinsaibashi.

Ing panggonan iki uga ana Hōzen-ji (法善寺?), sawijining kuil Jōdo-shū kang dibagun taun 1637.[1] Gang cilik kang dalane saka watu ing ngarepe kuil iki diarani Hōzen-ji Yokochō.

Sajarah

[besut | besut sumber]
Kreteg Ebisubashi sadhuwuring Dōtonbori, taun 1930-an

Pangusaha Osaka kang jenenge Yasui Dōton (Nariyasu Dōton, 1533-1615) bebarengan karo adike, Yasui Dōboku (安井道卜?) lan Andō Tōji (安藤藤次?) saka Hirano yasa kanal nggao duwite dhéwé.[2][3] Pambangunane diwiwiti Yasui Dōton taun 1612 sawisé éntuk préntah saka Toyotomi Hideyoshi, lan rampung taun 1615.[4] Matsudaira Tadaaki njenengi Dōtonbori (Kanal Dōton) kanggo mèngeti Yasui Dōton kang miwiti pambangunan kanal.[4]

Keshogunan Edo ngukuhaké kawasan kidul Dōtonbori minangka dhistrik hiburan lan pusat gedhong pertunjukan. Anggoné nata kawasan iki diwiwiti taun 1621.[4] Sawisé pirang-pirang abad Dōtonbori dikenal minangka pusat gedhong teater kabuki lan bunraku. Omah-omah mangan padha bukak kanggo nyukupi kabutuhan artis, penonton, lan wong-wong kang padha teka. Dōtonbori banjur ngrembaka dadi pusat kutha ing kawasan Minami lan pusat epikureanisme pendhudhuk Osaka.

Kawasan sakiwa-tengené Dōtonbori keleban banyu akibat tsunami lan lindhu Nankai 1854. Dununge kurban tiwas ora dingertèni kanthi pesthi.[5]

Kreteg Ebisubashi lan Neon Glico kang ana ing dhuwuré kalebu salah sijiné simbol kutha Osaka. Kreteg iki pisanané dibangun mèh bareng karo digawéné kanal. Panggemar tim bisbol Hanshin Tigers duwé tradisi mlumpat ing kali saka dhuwuring Kreteg Ebisubashi yèn timé dadi juwara. Renovasi Kreteg Ebisubashi kang dibangun sadurungé taun 1925 suwéné 3 taun.[6] Kreteg iki rampung direnovasi tanggal 22 November 2007.[7]

Réferènsi

[besut | besut sumber]
  1. ↑ "法善寺由来". Houzenji. Diarsip saka sing asli ing 2012-09-03. Dibukak ing 28 Januari 2012.
  2. ↑ "安井成安が見た道頓堀を歩く". Kyokaimondai Soudan Center. Dibukak ing 28 January 2012.
  3. ↑ "第3回目コラム". Kyokaimondai Soudan Center. Dibukak ing 28 Januari 2012.
  4. ↑ a b c "道頓堀へようこそ！". dotonbori.net. Dibukak ing 28 Januari 2012.
  5. ↑ "（２）忘れられた「大阪水没」". 2011-09-30. Sankei News. Diarsip saka sing asli ing 2012-01-29. Dibukak ing 28 January 2012.
  6. ↑ "「戎橋」イメージ一新　大阪・ミナミに完成". 47 News. Dibukak ing 28 Januari 2012.
  7. ↑ "ミナミのシンボル「戎橋」82年ぶり架け替え完成－記念式典も". Namba Keizai Shimbun. Dibukak ing 28 Januari 2012.

Pranala njaba

[besut | besut sumber]
Dijupuk saka "https://jv.wikipedia.org/w/index.php?title=Dōtonbori&oldid=1642256"