Anatomi
Anatomi (asalé saka basa Yunani ἀνατομία anatomia, saka ἀνατέμνειν anatemnein, tegesé ngiris) iku cabang biologi kang gegandhéngan karo struktur lan organisasi saka makluk urip. Ana uga anatomi kéwan utawa zootomi lan anatomi tetuwuhan utawa fitotomi. Sapérangan cabang èlmu anatomi yaiku anatomi perbandhingan, histologi, lan anatomi manungsa.
Anatomi kéwan
[besut | besut sumber]Anatomi kéwan iku sinebut anatomi perbandhingan utawa morfologi kéwan. Manawa arep nyinaoni struktur manéka warna kéwan, lan sinebut anatomi mirunggan manawa mung nyinaoni sakjenis kéwan.
Anatomi manungsa
[besut | besut sumber]
Saka kagunaané, pérangan paling wigati anatomi mirunggan iku nyinaoni manungsa kanthi manéka warna pendekatan kang béda.
Saka pérangan medis, anatomi kapérang saka manéka warna pengetauan bab wangun, papan panggonan, ukuran, lan gandhéngan manéka warna struktur saka badan manungsa séhat saéngga sok diarani anatomi deskriptif utawa topografis.
Karumitan badan manungsa njalari mung sithik ahli anatomi manungsa profésional kang bener-bener nguwasani babagan èlmu iki; sapérangan gedhé duwé spesialisasi ing pérangan tartemtu kaya utek utawa pérangan njero.
Anatomi topografi kudu disinaoni kanthi mbedhah lan mriksa makaping-kaping ing badan manungsa kang wus mati (kadaver).
Anatomi ora mung sakedhar èlmu biyasa, nanging kudu bener-bener duwé kaakuratan kang dhuwur amarga bisa dipigunaaké ing situasi kang darurat.
Patologi anatomi iku èlmu bab organ kang duwé kelainan lan ana ing kaanan lara. Èlmu iki diterapaké kanggo manéka warna tujuan kaya bedhah lan ginekologi.
Anatomi modhérn
[besut | besut sumber]Saiki anatomi dikenal dadi èlmu kang kasusun sistematis. Pendhak pérangan anatomis (kaya saraf, arteri, lan liyané) diklumpukaké miturut sistem organé. Tujuanné yaiku kanggo nggampangaké pamahaman pérangan mau ing èlmu liyané kaya fisiologi, bedhah, lan patologi.
Pirsanana uga
[besut | besut sumber]- Istilah panggonan anatomi
- Istilah obahan anatomi
- Sajarah anatomi
- Istilah pérangan anatomi kang asalé saka jeneng wong
- Anatomi manungsa
- Organ (anatomi)
Pranala njaba
[besut | besut sumber] |
Wikimedia Commons duwé médhia ngenani Anatomy. |
- Neuroanatomy iku situs jurnal taunan bab neuroanatomi klinis.
- Atlas Otak Primata kanthi Résolusi Dhuwur
- Atlas anatomi online gratis
- NPAC Visible Human Viewer Archived 2004-04-01 at the Wayback Machine.
- Kamus kedhokteran online
- Anatomy of the Human Body déning Henry Gray
- Sumber Online Radiologi Anatomi
- Gray's Anatomy wiki Archived 2013-07-03 at the Wayback Machine.
- http://immunity-info.net Archived 2021-04-17 at the Wayback Machine.
- Anatomy Atlases - Perpustakaan anatomi digital
- Instant Anatomy - Website anatomi online