Berliner Stadtschloss
 | Artikel iki lagi ingowahan gedhèn-gedhèn 1 Agustus 2016 suwéné. Saperlu ngéndhani cengkah ing pambesut, panjenengan aja mbesut kaca iki nalika layang iki isih kapajang. Kaca iki pungkasan ingowahan nalika 10:03, 6 Juli 2016 (UTC) (8 taun kapungkur). Panjenengan katuran mbusek cithakan iki yèn kaca iki wis ora kabesut ing dalem sawatara jam. Manawa panjenengan juru pambesut kang ngetrapaké cithakan iki, pesthèkaké panjenengan mbusek cithakan iki utawa nggantèni nganggo {{Lagi kagarap}} antarané mangsa anggoné panjenengan mbesut. |
Berliner Stadtschloss (pocapané ing basa Jerman [bɛʁˈliːnɐ ˈʃtatʃlɔs]), yèn dipertal ing cara Jawa dadi Puri Kutha Berlin utawa Kastil Kutha Berlin (Inggris Berlin City Palace), iku sawijining bangunan gedhé dominan sing tau ana ing tengahé Kutha Berlin. Kastil iki yaiku puri dalemé Wangsa Hohenzollern lan wiwité dibangun ing taun 1442 déning dhawuhé Adipati lan Raja Pamilih (Kurfürst) saka Brandenburg ing Pulo Spree ing Cölln lawas, sing saiki dunungé ana ing tlatah Berlin-Mitte. Kastil iki wiwit taun 1702 diwènèhi paésan barok lan dadi dalem kedhaton Raja Prusia lan wiwit taun 1871 Kaisar Jerman. Déné dinding muka lan ruangan jero sing didésain déning Andreas Schlüter, kastil iki dadi karya utama barok Jerman lor.[1] Wiwit jaman Republik Weimar, kastil iki dienggo museum Kunstgewerbemuseum Berlin lan lembaga liyané. Ing pakarangan jero sing diarani Schlüterhof, kerep dianakaké konsèr.
Nalika Perang Donya II, kastil iki rusak kena bom lan ing taun 1950, Partai Sosialis Manunggal Jerman (SED) nalika Konggrès III mutusaké nggempur kastil iki kanggo nggawé lapangan Marx-Engels-Platz. Sawisé iku, luwih saka 20 taun, dibangun gedhong Palast der Republik ("Kedhaton Republik") ing taun 1973, dunungé parlemèn Jerman Wétan. Gedhong Palast der Republik ndarbèbi gagrag modèrnis. Bagéyan-bagéyan saka sawijining gapura utawa portal Kastil Kutha Berlin banjur ditrapaké kanggo lawang gedhong Rad Negara (Staatsratgebäude).
Sawisé pamaréntah komunis lèngsèr ing taun 1989-1990 lan Jerman Kulon saha Wétan manunggal malih, pamaréntah sing anyar mutusaké nggempur gedhong Palast der Republik lan perkara iki linaksanan ing taun 2006. Sawisé iku wiwit taun 2013, Kastil Kutha Berlin dibangun manèh.
Réferènsi
- ↑ Handbuch der deutschen Kunstdenkmäler. Berlin. 3. Auflage. Deutscher Kunstverlag, München 2006, ISBN 978-3-422-03111-1, S. 63.