PHP
| PHP | |
| |
| Höfundur | Rasmus Lerdorf |
|---|---|
| Hönnuður | PHP Group |
| Fyrst gefið út | 1995 |
| Notkun | vefforritunarmál |
| Leyfi | PHP-leyfi |
| Vefsíða | http://www.php.net |
PHP (endurkvæm skammstöfun fyrir: PHP: Hypertext Preprocessor) er túlkað forritunarmál sem er ætlað fyrir forritun kvikra vefsíðna. PHP er oftast túlkað á vefþjóni en það er líka hægt að keyra það í skipanaviðmóti og jafnvel til að búa til sjálfstæð gluggaforrit.
Þróun
[breyta | breyta frumkóða]PHP var upphaflega búið til af danska forritaranum Rasmus Lerdorf árið 1994. Helsta útfærsla þess er nú þróuð af PHP Group en hluti af umsýslu kóðans er í höndum ísraelska fyrirtækisins Zend Technologies sem Zeev Suraskit og Andi Gutmans stofnuðu árið 1999 utanum endurritun PHP-túlksins. Sú útgáfa er í reynd staðalútgáfa PHP þar sem ekki er til neinn formlegur staðall fyrir forritunarmálið.
Notkunarleyfi
[breyta | breyta frumkóða]PHP er gefið út með s-k PHP-leyfi sem er samþykkt af Free Software Foundation sem frjálst hugbúnaðarleyfi.
Ritháttur
[breyta | breyta frumkóða]Ritháttur PHP er að mestu kominn úr forritunarmálunum C, Perl og Java.
Dæmi um kóða:
<?php
// Þetta er athugasemd, kóðinn að neðan sýnir „Halló heimur!“
echo 'Halló heimur!';
phpinfo(); # Þetta sýnir ýmsar upplýsingar um stillingar á vefþjóninum og PHP þýðandanum
?>
Þó að ritháttur PHP sé fengin úr ofangreindum forritunarmálum, eiga málin fátt sameiginlegt. PHP kóði er skrifaður í bland með HTML í skilgreiningunum á heimasíðum. Þegar vefsíðan er skoðuð með vafra er PHP kóðanum breytt í HTML sem vafrarinn getur skoðað.
Kostir og samkeppni
[breyta | breyta frumkóða]Helsti kostir PHP:
- Gerir mögulegt að gera nánast hvað sem er á vefsíðum.
- Styður gagnagrunnstengingar.
- Það er ókeypis.
- Almennt talið hraðvirkt.
Helstu keppinautar PHP eru ASP/ASP.NET, Cold Fusion, JSP/Java, Python og Ruby.
PHP er í dag eitt vinsælasta vefforritunarmál í heiminum og hafa vinsældir þess aukist gríðarlega eftir útkomu útgáfu 4 sem keyrir á Zend-vélinni. Samkvæmt Tiobe-vísitölunni yfir vinsældir forritunarmála var PHP í sjötta sæti yfir vinsælustu forritunarmálin árið 2016, á eftir Java, C, C++, C# og Python. PHP er notað á milljónum vefþjóna um allan heim.
Einungis nýlega, og líklega að hluta til vegna vinsælda PHP sem forritunarmáls, hefur það rutt sér til rúms sem fjölnota forritunarmál. Þannig er t.d. mögulegt að forrita myndrænt notendaviðmót í PHP með GTK+-viðfangasafninu, ncurses og newt.
Tenglar
[breyta | breyta frumkóða]- Vefsíða PHP
- Vefsíða Zend
- Vefsíða php mysql Geymt 13 mars 2015 í Wayback Machine