Karavella

Portúgalska karavellan Boa Esperanca

Karavella var lítið tví- eða þrímastra seglskip sem Portúgalar og Spánverjar notuðu við landkönnun frá 15. öld. Karavellur voru rásigldar ýmist með latínsegl eða ferhyrnd segl, bugspjót og lítinn afturkastala, en ekki framkastala. Þær voru um fimmtíu tonn og 20-30 metrar að lengd.

Karkarinn var það skip sem best hentaði til langra úthafssiglinga, en vegna stærðar sinnar var hann illa til þess fallinn að sigla nær landi, með ströndum og milli skerja. Vegna þessa voru karavellur með latínsegl yfirleitt hafðar með í för í landkönnunarferðum þar sem hægt var að beita þeim af meiri nákvæmni.

Frægar karavellur

• Niña og Pinta voru tvö af þremur skipum Kólumbusar í fyrstu ferð hans til Nýja heimsins 1492.

  Þessi skipagrein er stubbur. Þú getur hjálpað til með því að bæta við greinina.