Þrakverjar

Bronshöfuð þrakverska konungsins Súþesar 3., fannst í grafhýsi hans nærri Kasanlak í Búlgaríu árið 2004

Þrakverjar eða Þrakíubúar voru indó-evrópskur mannhópur sem byggðu stóran hluta Suðaustur-Evrópu til forna. Sögulega héraðið Þrakía dregur nafn sitt af þeim. Þrakverjar héldu að mestu til á þeim svæðum Suðaustur-Evrópu sem nú þekkjast sem Búlgaría, Rúmenía og Norður-Grikkland, en einnig hafa fundist ummerki um viðveru þeirra á Anatólíuskaganum.

Uppruni Þrakverja er óþekktur. Talið er að menning Geta og Dakíu hafi þróast út frá frummenningu Þrakverja. Rit Xenófanesar frá 6. öld fyrir Krist lýsa Þrakverjum sem „bláeygum og rauðhærðum“.