Skoða frumkóða fyrir Heimsmeistaramót landsliða í knattspyrnu karla 1966

== Undankeppni ==
[[Mynd:William Kempster 1966 World Cup stamp.jpg|thumb|left|Frímerki í tilefni af HM 1966.]]Gestgjafar Englands og heimsmeistarar Brasilíumanna fengu sjálfkrafa sæti. Önnur 72 lið hugðust keppa um lausu sætin 14. [[Norður-Kórea]] þurfti einungis að vinna [[Ástralía|Ástralíu]] í tveimur leikjum til að komast í sína fyrstu úrslitakeppni, en önnur lið sem áttu að keppa í Asíu- og Eyjaálfukeppninni drógu sig í hlé. Engin óvænt úrslit urðu í Ameríkukeppnunum, þótt [[Síleska karlalandsliðið í knattspyrnu|Síle]] hafi þurft aukaleik til að slá [[Ekvadorska karlalandsliðið í knattspyrnu|Ekvador]] úr keppni.

Íslendingar skráðu sig til leiks og drógust í riðil með [[Vestur-Þýskaland|Vestur-Þjóðverjum]], [[Sænska karlalandsliðið í knattspyrnu|Svíum]] og [[Kýpur|Kýpverjum]]. Líkt og fjórum árum fyrr hætti Ísland við keppni, en Þjóðverjar komust áfram. [[Portúgalska karlalandsliðið í knattspyrnu|Portúgal]] komst í úrslitakeppnina á kostnað [[Tékkóslóvakía|Tékkóslóvakíu]], silfurliðsins frá HM 1962. [[Norður-Írland|Norður-Írar]] með [[George Best]] í broddi fylkingar veittu [[Svissneska karlalandsliðið í knattspyrnu|Svisslendingum]] harða keppni, en gerðu óvænt jafntefli gegn [[Albanska karlalandsliðið í knattspyrnu|Albönum]] í lokaleik og þar með var HM-draumurinn úti. [[Spænska karlalandsliðið í knattspyrnu|Spánn]] og [[Írska karlalandsliðið í knattspyrnu|Írland]] þurftu oddaleik til að skera úr um hvort liðið kæmist til Englands og höfðu Spánverjar betur. Asíuríkið [[Sýrland]] átti að vera þriðja liðið í riðlinum en dró sig úr keppni.

=== Sniðganga Afríkuríkja ===
Fulltrúar knattspyrnusambanda í [[Afríka|Afríku]] voru afar ósáttir við að heimsálfunni væri ekki tryggt neitt öruggt sæti í úrslitakeppninni, sem og að [[Suður-Afríka|Suður-Afríkumönnum]] hefði verið veitt aðild að FIFA þrátt fyrir [[apartheid|kynþáttaaðskilnaðarstefnuna]] í landinu. Ákváðu ríki álfunnar því að sniðganga mótið. FIFA féllst á að vísa Suður-Afríku á dyr en allt kom fyrir ekki. Frá og með [[Heimsmeistaramót landsliða í knattspyrnu karla 1970|HM 1970]] var Afríku tryggt sæti. Þrátt fyrir sniðgönguna var metfjöldi þjóða sem tók þátt í undankeppninni.