Jump to content

Wp/ppl/Hedy Lamarr

From Wikimedia Incubator
< Wp | ppl
Wp > ppl > Hedy Lamarr

Hedy Lamarr

[edit | edit source]
Hedy Lamarr, itukey Hedwig Eva Maria Kiesler

Hedy Lemar, itukey Hedwig Eva Maria Kiesler, nesik tik se tunal chiknawi pal ne metzti majtakti se tik ne shiwit se shikipil chiknawi tzunti majtakti nawi (1914) tik ne wey techan Vienna tik Austria.

Yaja se taketzani[1] wan dajdatkayankwikchiwani[2] Estados Unidoschanej. Tejemet tikishmatit katka ipanpa ne weyak ulinkwikwil Sansón y Dalila wan nusan kichiwki ne miak itajchishka mejmelawtuk[3].

Ne itunal ichtaka

[edit | edit source]

Yaja se siwat Austriachanej.

Ne iteku iteku yaja itukey Emil Kiesler, yaja ne tatuktiani ume[4] pal Wiener Bankverein wan tatuktiani pal Creditanstalt-Bankverein.

Yaja inan itukey Gertrud Kiesler, se sonchiwani pal piano.

Keman Lamarr weyaka katka yaja igustuj katka taketza[5] wan ujulinkwikwil. Keman yaja kipia katka majtakti ume shiwit yaja achtu katka kisuma pal galanchin[6]. Nusan mumachtia pal tejtepusti[7] ipanpa iteku.

Tay kichiwa?

[edit | edit source]

Keman yaja siwapil, kikwi katka se itekiw pal taketzani[1]. Se tatuktiani, itukey Max Reinhardt, paki katka iwan Lamarr wan yaja kiwika katka Lamarr ipal ne wey techan Berlin tik ne italy Alemania. Keman yaja kipia kashtul yey shiwit yaja taketza[5] katka ne weyak ulinkwikwil itukey Éxtasis. Muchi ne tuijikniwan kishmatit Lamarr ipanpa ne weyak ulinkwikwil. Yaja tesu igustuj katka. Ne tajtatuktianimet pal ne weyak ulinkwikwil ishijshikua Lamarr inpal kiinat katka yaja tutunik. Lamarr tesu kineki ka yejemet kilwiat yaja. Yaja ishpijpilti katka.

Nemanha, Lamarr kishmati katka iachtu ishulejyu, itukey Friedrich Mandl. Yaja kishmati katka Benito Mussolini wan Adolf Hitler. Mandl ukichkulut. Yaja tesu kiajkawa katka Lamarr kikisa pal ikal. Lamarr chulua katka wan ajsik katka ne wey techan Paris tik ne italyu Francia.

Hedy Lamarr ipal The Heavenly Body
Hedy Lamarr keman Dalila wan Victor Mature keman Sansón tik Sansón y Dalila

Tik Europa, Lamarr kishmati katka Louis B. Meyer ne tatuktiani pal MGM. Lamarr kikwi katka itekiw pal makwil tzunti ipanpa chikume tanestuk de taketzani[1]. Yaja kichiwki miak weyak ulinkwikwil wan yaja pujpudiente katka. Tik ne shiwit se shikipil chiknawi tzunti ume pual majtakti (1950) yaja kichiwki ne weyak ulinkwikwil itukey Sansón y Dalila.

Ne miak itajchishka mejmelawtuk- tik castilla espectro ensanchado.

Lamarr igustuj kichiwki dajdatka yankwik. Keman pewa katka ne Segunda Guerra Mundial, Lamarr kichiwki ne miak itajchishka mejmelawtuk[3] iwan ichaku itukey George Antheil ipal kipalewia ne tamiktiani. Ne tajtajpianimet tesu kinekit katka, melka ne miak itajchishka mejmelawtuk[3] ne achtu taksal[8] inpal ka kichiwat ne WiFi.

Ne itekiw:

[edit | edit source]

Yaja kichiwki weyak ulinkwikwil ken:

  • Money on the Street
  • Storm in a Water Glass
  • The Trunks of Mr. O.F.
  • No Money Needed
  • Ecstasy
  • Algiers
  • Lady of the Tropics
  • I Take This Woman
  • Boom Town
  • Comrade X
  • Come Live with Me
  • Ziegfeld Girl
  • H. M. Pulham, Esq.
  • Tortilla Flat
  • Crossroads
  • White Cargo
  • The Heavenly Body
  • The Conspirators
  • Experiment Perilous
  • Her Highness and the Bellboy
  • The Strange Woman
  • Dishonored Lady
  • Let's Live a Little
  • Samson and Delilah
  • A Lady Without Passport
  • Copper Canyon
  • My Favorite Spy
  • Loves of Three Queens
  • The Story of Mankind
  • The Female Animal

Ken mikik?

[edit | edit source]

Tik ne shiwit se shikipil chiknawi nawi pual se (1981) Lamarr kiana katka isel ikal. Hollywood kitakulia katka se sital tik ne Hollywood Walk of Fame.

Lamarr te keman kikisa pal ikal. Yaja isel taketza katka ipanpa tanutzalis. Yaja taketza katka chikume hojhoraj muchi tanestuk.

Yaja kimiki katka tik se tunal kashtul nawi pal ne metzti se tik ne shiwit ume shikipil (2000) keman yaja kipia katka nawi pual makwil shiwit.

Inpanpa Uni

[edit | edit source]
  1. ↑ 1.0 1.1 1.2 actor/actriz
  2. ↑ inventor/a
  3. ↑ 3.0 3.1 3.2 espectro ensanchado
  4. ↑ subdirector
  5. ↑ 5.0 5.1 actuar
  6. ↑ competencia de belleza
  7. ↑ maquinas
  8. ↑ primer paso

Ijilpika

[edit | edit source]

Hedy Lamarr: https://es.wikipedia.org/wiki/Hedy_Lamarr

Espectro Ensanchado: https://es.wikipedia.org/wiki/Espectro_ensanchado

Apartment building, villa and palace – A tour of Hedy Lamarr's Viennese living places: https://www.jmw.at/museumsblog/news_detail?j-cc-id=1610672643758

Hedy Lamarr: The Most Beautiful Woman in Film: https://en.wikipedia.org/wiki/Hedy_Lamarr#CITEREFBarton2010

USA Science & Engineering Festival – Role Models in Science & Engineering Achievement- Hedy Lamarr: https://web.archive.org/web/20170204170424/http://o.usasciencefestival.org/schoolprograms/role-models-in-science-engineering/item/2659-lamarr-hedy.html

A Candid Portrait of Hedy Lamarr", Liberty magazine, December 1938, pp. 18–19: https://en.wikipedia.org/wiki/Hedy_Lamarr#cite_note-Liberty-17

Extraordinary Women: Hedy Lamarr, documentary, 2011: https://en.wikipedia.org/wiki/Hedy_Lamarr#cite_note-doc-21

Hedy Lamarr’s Great Escape: https://web.archive.org/web/20180404191848/http://knowledgenuts.com/2015/09/07/hedy-lamarrs-great-escape/

A Beautiful Mind: https://segulamag.com/en/articles/%D7%94%D7%9B%D7%95%D7%9B%D7%91%D7%AA-%D7%94%D7%99%D7%94%D7%95%D7%93%D7%99%D7%99%D7%94-%D7%A9%D7%94%D7%9E%D7%A6%D7%99%D7%90%D7%94-%D7%98%D7%95%D7%A8%D7%A4%D7%93%D7%95/

Hedy Lamarr, Radio-Controlled Torpedo: https://www.inventionandtech.com/content/hedy-lamarr-radio-controlled-torpedo

Principles of Spread-Spectrum Communication Systems, 4th ed.: https://en.wikipedia.org/wiki/Spread_spectrum#cite_note-ref_1-1

Hedy Lamarr: https://walkoffame.com/hedy-lamarr/

Beautiful : the life of Hedy Lamarr: https://search.worldcat.org/title/471817029

Retrieved from "https://incubator.wikimedia.org/w/index.php?title=Wp/ppl/Hedy_Lamarr&oldid=6409952"