Elin Pelin
| Elin Pelin | |
|---|---|
 | |
| Land |  Bulgarie
|
| Nascentie | 8-im de julí 1877 in Bailovo |
| Morte | 3-im de decembre 1949 in Sofia |
| Ocupation | Autor |
Elin Pelin (bulgarian scrit: Елин Пелин) esset li pseudonim del bulgarian autor Dimitar Ivanov Stoyanov. Il nascet li 8-im de julí 1877 in Bailovo e morit ye li 3-im de decembre 1949 in Sofia.
Elin Pelin studiat por devenir un instructor in scolas. Il instructet in li scola de su hem-cité por un annu. Elin Pelin publicat in li annu 1901 su unesim ovre e il translocat al cité capital Sofia. Ta il laborat quam bibliotecario. Inter 1906 e 1907 Elin Pelin habitat in Francia por aprender frances. Inter 1910 e 1916 il esset director del Biblioteca National de Bulgaria por special colectiones. Elin Pelin esset inter 1924 e 1944 conservator del Museó de Ivan Vazov. In li annu 1940 Elin Pelin devenit presidente del Asociation del Bulgarian Autores.
Elin Pelin esset maritat con Stefanka Ivanova Shtereva e li cuple havet un filio e un filia.
Li nómine del cité as Novoseltsi esset changeat in li annu 1950 a Elin Pelin por honorar li autor.
Ovre
[modificar | redacter fonte]Li ovre de Elin Pelin consiste ex racontas, poemes, novelles e romanes. Il descrit in su ovres li vive in li rural regiones de Bulgaria. Su max famosi ovres es li roman Gerazite (1911) e li roman Zemya (Suol), quel esset publicat in li annu 1928.