Wikipedia:Exemption de blocage IP
Multe adresses IP o intervallos de adresses IP ha essite blocate de maniera preventive, includite multes pertinente a institutiones educative e a proxies aperte. Isto significa que non es possibile modificar Wikipedia desde un tal adresse IP sin aperir session. Alcun vices, un blocada es escalate e pote affectar mesmo le usatores registrate, per exemplo, impediente les de aperir session desde lor schola o officio. In tal caso, levar le blocada non sempre es le bon solution perque tu possibilemente non es le sol persona connectente se desde le adresse o intervallo in question.
Pro remediar iste problema, existe un gruppo special de usatores que se nomina Exemptiones de blocage IP, tamben nominate ipblock-exempt.
Possibilitates
[modificar fonte]Tu conto de usator recipera un permission o derecto additional.
- Le usatores con iste derecto pote modificar con lor conto a partir de adresses IP blocate.
- Le usatores con iste derecto pote modificar a partir de un connexion anonymisate Tor. Le systema los bloca per predefinition.
Como requestar
[modificar fonte]Le derecto pote solmente esser assignate a usatores registrate. Le derecto local pote esser assignate o retirate per un administrator. Al momento non existe un politica o procedura local pro le concession de iste derecto; per favor contacta directemente un del administratores active sur su pagina de discussion personal pro requestar lo.
Exemption de blocada global
[modificar fonte]A partir de 2015, tote le contos es contos global, significante que tu ha un sol conto pro tote le sitos de Wikimedia. Existe plure typos de blocada: local, global e partial. Le blocadas partial non es relevante pro iste derecto. Un blocada local es un blocada sur un sol projecto del Fundation Wikimedia, como Wikipedia in interlingua.
Un blocada global es un blocada sur tote le projectos del Fundation Wikimedia. Istes include versiones in altere linguas como Wikipedia in anglese e le projectos del mesme familias.
Correspondente al blocadas global existe tamben un ipblock-exempt global. Un exemption de blocage global es concedite per un steward e pote esser requestate sur iste pagina anglophone.
Nota ben:
- In caso de un blocada IP local, un ipblock-exempt global non functiona.
- In caso de un blocada IP global, un ipblock-exempt local functiona, ma non es optimal perque functiona solmente sur un projecto.
Altere remarcas
[modificar fonte]- Le administratores es automaticamente exempte del blocadas de adresses IP, ma non del blocage del rete Tor.
- Iste derecto functiona solmente pro blocadas de adresses IP, e non pro blocadas de tu conto.
