Rate

Ancian photographia facte sur un rate traditional pro le transporto del ligno longe le fluvio Multavia, in Bohemia.

Le rate es un imbarcation de forma plan, facte de truncos de arbore o alie plantas ligate inter se.

Le rate era utilisate como medio de locomotion primari super toto per populos primitive, ma es hodie ancora usate como medio de transportation de merces como per exemplo le ligno frescamente taliate, e le labor del ratero ancora existe. Le rates marin son generalmente governate con un remo o un pagaia, ma il ha multe instantias in quem le rates fluvial son menate ante e retro per le mesme percurso con le empleo de un fun fixe, que le transbordator usa pro traher le imbarcation longe le fluvio o inter su ripas.

Le rates basa lor functionamento sur le facto que le peso specific del ligno es inferior a illo del aqua, permittente dunque lor fluctuation secundo le Principio de Archimede.