Mythologia egyptian

Mythologia egyptian
instantia de: mythologia
subclasse de: mythologia, religion
parte de: Egyptology[*], religion of ancient Egypt[*]
Commons: Egyptian mythology

Mythologia egyptian es le mythologia del Egypto antique.

Initialmente

Neb-er-tcher

"Domino al limite maxime" (deveniva Ra in le historia de creation)

Le Enneada (Sub-Pantheon de 9 Deos)

Ra

Deo del Sol. Le pharaones de Egypto se identificate con Ra. Le falcon esseva sacre a Ra, e ille es sovente representate como un o falcon o un homine con le capite de un falcon, e un sol rubie o un serpente qui representa fortia. Le scarabeo esseva le symbolo de Ra. Ille anque esseva appellate "Re". Mentu es Ra como le sol levante, e Atmu (o Tem, Temu o Atem) es Ra como le sol ponente.

Shu

Deo del atmosphera sic (e le lumine solar)

Nefnut

Deo del aqua super le celo.

Nut

Dea del celo e patrona del parturition e del allactamento, appellate "le Matre del Deos". Maritava su fratre, Keb. Altere nomines: Nupte, Nepte.

Keb

Deo del Terra e su flora. Tote le cosas terrestre esseva sub le autoritate de Keb, e le mundo mesme esseva le "cavallo de Keb". Ille habeva le capite de un oca, e un disc e corona sur su capite. Ille creava le Ovo Cosmic.

Osiris

Principio de bonitate (compara Set), plus tarde Deo del sol e del luna, del morte e del vita renovate. Osiris es representate como un homine o mummia con un corona de plumas blanc. Con Isis, Osiris esseva un del plus cognoscite e plus adorate del deos egyptian. Su inimico mortal esseva su fratre, Set.

Isis

Dea del terra e del luna, soror e marita de Osiris, e, como ille, un del plus adorate deitates in Egypto. Illa habeva poter in celo, sur terra, in le oceano e inferno. Su symbolo es le vacca. Illa ha le cornos de un vacca, e inter illos le orbe del luna. Su attributos son le cornucopia, mais/grano, serpente, loto, e cornos. Isis esseva multo adorate in Grecia, illes la identificava con Io (vide Pantheon grec).

Set (Seth)

Principio del mal e del tenebras. Ille habeva le torso de un asino, le aures e muso de un chacal, e le cauda de un leon. Set esseva originalmente adorate como un deo del sol.

Nephthys (Nebt-Het)

Dea del morte e personification del crepusculo. Picturate como un femina coronate con le hieroglyphos de domo e paniero, alcun vices con cornos e le disco del sol.

Altere deos

Horus

Deo del lumine qui superava le tenebras. Horus habeva le capite de un falcon. Horus-como-infante es anque appellate Harpocrates (un nomine obviemente grec!), e esseva adorate per le grecos (plus) e le romanos (plus). Ille (como infante) es sovente picturate con un digito super su labios. In Egypto isto symbolisa le infantia, mais le grecos e romanos lo interpretava mal, e adorava Harpocrates como un deo del silentio.

Anubis

Deo del morte e del mummification. Ille pesava le cordes del mortos, illes qui non passava le proba esseva mangiate per Ammit, un monstro medie hippopotamo, medie leon con le bucca de un crocodilo. Anubis famosemente ha le capite de un chacal.

Neph (Nu)

Spirito de deo super le superficie del aquas. Neph faceva le mundo, e habeva le capite de un ariete, con cornos curvate. Tamben denominate: Num, Nef, Cnouphis, Cenubis, Kneph e Amen-Kneph. Un Deo connexe (quasi identic) es Ptah, qui pare como un homine, un mummia con un "cappello de cranio" {en: skull-cap}, e un nano o pygmeo con gambas distorte.

Auka

Sposa de Neph

Maat (Mat)

Dea del veritate, del lege e del ordine ("lumine" moral e ethic).

Mu

Personification del lumine physic.

Amun

Le celato. Representava le fortia celate e arcan que sustenta le universo. Tamben denominate Ammon, Amen, Amen-Ra, Amun-Nun. Como Amen-Ra, ille dava lumine e vita al homines e al terra. Como Amun-num, ille es le halito de vita. Probabilemente, le prestres creava le identification con Ra pro magnificar le importantia de lor proprie deitate.

Maut

Domina del celo. Maut habeva le capite de o un leonessa o un vulture, o alcun vices le cappellina de plumas de vultures (le vulture esseva un symbolo de materitate). Simile a Nut, Maut esseva appellate le "matre del deos".

Thoth

Deo del litteras, del luna, del erudition e del sagessa, un maestro del magia, e le registrator de Hades. Ille notava le pesos del animas pro Osiris. Le ibis (un ave simile a un ciconia) esseva sacre a ille, e ille esseva representate con le capite de un ibis. Ille habeva un penna, un ardesia e un branca de palma.

Apis (Hap)

Un tauro nigre, con un triangulo blanc super su fronte, un macula formate como un crescente super le latere dextere, e un massa como un scarabeo sub su lingua. Apis (o Hap, Apis es le nomine grec) esseva le avatar (spirito incarnate) de Osiris, e le tauro esseva tractate como un rege, mais al etate de 25 annos, illo esseva necate ritualmente in le Nilo.

Bibliographia

• Mythologia e Religion Ancian de Egypto ex Encyclopaedia Britannica