Color

Color
instantia de: physical property[*], metaclasse del prime ordine[*]
subclasse de: optical phenomenon[*], qualitate[*], absorbed or reflected object light[*], qualia[*]
Commons: Colors

Color es le proprietate de perception visual, o qualitate sensibile, que corresponder in humanos al categorias appellate rubie, verde, blau, e alteres. Color deriva ab le spectro luminal (distribution del energia de lumine per longitude undic) que interager in le oculo con le sensibilitates spectral del receptors luminal. Categorias de color e specificationes physical de color es anque associate con objectos, materias, fontes luminal, etc., e basate sur lor proprietates physical, tal como absorption luminal, reflexion, o spectros de emission. Per definir un spatio de color, colores pote esser identificate numericamente per lor coordinatas.

Perque perception de color es causate per le variante sensitivitate spectral de differente typos de cellulas conic in le retina a differente partes del spectro, colores pote esser definite e quantificate per le grado que illos stimula iste cellulas. Iste physical o physiological quantifications de color, totevia, pote non completemente explicar le psychophysical perception del apparentia de colores.

Le scientia de color es interdum appellate chromatica. Es include le perception de color per le oculo human e encephalo, le origine de color in materias, theoria de color in arte, e le physica de radiation electromagnetic in le extension vidibile (que nos communmente refere a simplemente como lumine).

Spectro luminal

Le spectro visibile human se extende (in terminos de tincto) inter infrarubie e ultraviolette (ambe excludite) via rubie, orange, jalne (como le sol), verde (folio), blau (celo clar), purpura/violette; colores de mixture son pro exemplo: brun, azur e blonde. Secundo le luminositate, se distingue: blanc (como nive) de maximal luninositate, gris (cinere) intermediate, nigre de nulle lumine; le grado de un color (in terminos de luminositate) es clar o obscur: pro exemplo blau clar e blau obscur; vive e gris in terminos de saturation. Rosate es rubie/purpura luminose e pauc saturate.

Vide etiam

• Appendice:Galeria de imagines de colores
• color complementari
• color neutral
• color primari
• color secundari
• color tertiari
• lista de colores
• lumine
• radiation electromagnetic
• qualitate sensibile
• spectro electromagnetic
• spectro luminal
• saturation/saturitate de colores
• luminescentia

Referentias

Nota

Iste pagina contine material traducite ab Wikipedia in anglese. Le articulo original se trova a en:Color, e es usate secundo le mandatos del licentia de Wikipedia.