Ֆեթի համայնք
| Բնակավայր | |||||
|---|---|---|---|---|---|
| Ֆեթի համայնք | |||||
| |||||
 | |||||
| Երկիր |  Նորվեգիա | ||||
| Համայնք | Ակերսհուս | ||||
| Հիմնադրված է | 1838 թ. | ||||
| Մակերես | 176,35660759366817 կմ² | ||||
| Բնակչություն | ▲11 842 մարդ (հունվարի 1, 2019)[1] | ||||
| Ժամային գոտի | UTC+1 | ||||
| Պաշտոնական կայք | fet.kommune.no | ||||
| |||||
Ֆեթ (նորվ.՝ Fet), համայնք Նորվեգիայի պատմական Ռոմերիկե շրջանում` Աքերսհուս կոմսությունում։ Վարչական կենտրոնը Ֆեթսուն (նորվ.՝ Fetsund) գյուղն է։ 2005 թվականից համայնքը ղեկավարում է Նորվեգական բանվորական կուսակցության անդամ Լիսբետ Լոֆտհուս Գաբրիելսենը (Lisbet Lofthus Gabrielsen):
Պատմություն
[խմբագրել | խմբագրել կոդը]Անվանում
[խմբագրել | խմբագրել կոդը]Առաջին անգամ համայնքի անունը հիշատակվել է 1321 թվականին։ Այն ծագում է հին իսլանդերենից և նշանակում է «մարգագետին լճի ափին»։
1838 թվականի հունվարի 1-ից Ֆեթը ստացել է նորվեգական համայնքի կարգավիճակ, իսկ 1929 թվականի հուլիսի 1-ին Ֆեթ համայնքի մի մասի հիման վրա ձևավորվել է նոր համայնք`Ռելինգենը (նորվ.՝ Rælingen):
Զինանշան
[խմբագրել | խմբագրել կոդը]Համայնքի նոր զինանշանը հաստատվել է 1986 թվականի դեկտեմբերի 19-ին։ Այն կանաչ ֆոնի վրա արծաթագույն կեռաձող է ներկայացնում, որն օգտագործվում է փայտանյութը գետով տեղափոխելիս։ Կանաչն ու արծաթագույնը խորհրդանշում են մարգագետինն ու լիճը, քանի որ համայնքի անունը նշանակում է «մարգագետին լճի ափին»։ Նման զինանշանների, որոնք պատկերում են կեռաձողեր, կարելի է հանդիպել Նորվեգիայի այլ քաղաքների և համայնքների զինանշաններին ևս։
Աշխարհագրություն
[խմբագրել | խմբագրել կոդը]
Ֆեթը գտնվում է Էյերեն լճի (նորվ.՝ Øyeren) արևելյան ափին։ Համայնքի տարածքում կա տեղանք, որտեղ Նորվեգիայի ամենաերկար գետը`Գլոմման (604 կմ), թափվում է Էյերենի մեջ։ Այդ տեղում առաջացած դելտան ամենախոշոր ներքին դելտան է Եվրոպայում։ Դելտան ձգվում է մինչև լճի հանդիպակաց ափը։ Մինչև 1985 թվականը Գլոմմե գետով մինչև Էյերենի մեջ թափվելու տեղը տեղափոխում էին գերաններ, որ հետագայում փոխադրում էին երկաթուղով։ Մեր օրերում պահպանվել են անտառահատման ճյուղին վերաբերող շատ կառույցներ, որոնց մի մասը վերածվել է թանգարանների և մշակութային կենտրոնների։
Վիճակագրություն
[խմբագրել | խմբագրել կոդը]Նորվեգական իշխանության տվյալներով բնակչության թվով Ֆեթը (9485 մարդ) երկրի բնակավայրերի շարքում 108-րդ տեղն է զբաղեցնում, իսկ մեծությամբ՝ 347-րդ տեղը։ 1997-2007 թվականներին համայնքի բնակչությունն աճել է 10,5 %-ով։ Տարածքը 176 կմ² է, որից ցամաքի բաժինը կազմում է 137 կմ², այնպես որ բնակչության իրական խտությունը կազմում է 70 մարդ/կմ²։
Ծանոթագրություններ
[խմբագրել | խմբագրել կոդը]Տես նաև
[խմբագրել | խմբագրել կոդը]Արտաքին հղումներ
[խմբագրել | խմբագրել կոդը]- Վիքիպահեստում կան Ֆեթի համայնքի թեմայով մեդիաֆայլեր
- Համայնքի վիճակագրություն Արխիվացված 2007-12-19 Wayback Machine
 | Վիքիպահեստն ունի նյութեր, որոնք վերաբերում են «Ֆեթի համայնք» հոդվածին։ |
| ||||||||||
