Տելմո Սառա

Տելմո Սառա
Անձնական տվյալներ
Ամբողջական անուն	Տելմո Սառաոնանդիա Մոնտոյա
Ազգությունը	Իսպանիա
Քաղաքացիությունը	Իսպանիա
Ծննդյան ամսաթիվ	հունվարի 20, 1921
Ծննդավայր	Էրինդիո, Իսպանիա
Մահվան ամսաթիվ	փետրվարի 23, 2006 (85 տարեկան)
Մահվան վայր	Բիլբաո, Իսպանիա
Հասակ	180 սմ
Քաշ	72 կիլոգրամ
Դիրք	հարձակվող
Մասնագիտական կարիերա*
Պարգևներ Lan Onari?
	* Մասնագիտական կարիերայում ընդգրկված են միայն առաջնության խաղերը և գոլերը:

Տելմո Սառաոնանդիա Մոնտոյա (հունվարի 20, 1921(1921-01-20)^[1]^[2], Erandio, Գրան Բիլբաո, Բիսկայա, Բասկերի երկիր, Իսպանիա - փետրվարի 23, 2006(2006-02-23)^[1], Բիլբաո, Բասկերի երկիր, Իսպանիա), հայտնի որպես Սառա, եղել է իսպանացի ֆուտբոլային հարձակվող։ Նա իր կարիերայի մեծ մասն անցկացրել է Ատլետիկ Բիլբաոյում, 1940 թվականից 1955 թվականներին, որում մնում է բոլոր ժամանակների լավագույն ռմբարկուն 332 գոլով։

Սառան տեղափոխվել է Ատլետիկ մեկ մրցաշրջան անցկացնելով Էրանդիոյում։ Նա դարձավ յուրահատուկ ռմբարկու իր Ատլետիկում անցկացրած 15 մրցաշրջանների ընթացքում` նվաճելով Պիչիչի մրցանակը Լա Լիգայի լավագույն ռմբարկուի համար վեց մրցաշրջանի համար։ Իր կարիերայի ընթացքում Սառան Լա Լիգայում խփել է 251 գոլ^[3], որը ռեկորդային էր Իսպանիայում և չգերազանցվեց հաջորդ 60 տարիների ընթացքում։ Կոպա դել Ռեյում խփած 81 գոլը մինչև հիմա ոչ ոք չի գերազանցել։

Չնայած իր փայլուն խաղին նա Իսպանիայի ֆուտբոլի ազգային հավաքականում խաղացել է ընդամենը քսան անգամ։ Անգամ քիչ խաղալով նա դարձել է 20 գոլի հեղինակ, այդ թվում չորս գոլի հեղինակ ընդդեմ Շվեյցարիայի դեմ խաղում, որը կայացել է 1951 թվականի փետրվարի 18-ին և ավարտվել է 6-3 հաշվով։ Նա նաև խփել է հաղթական գնդակը 1950 թվականի Աշխարհի գավաթի Անգլիայի դեմ խաղում և դուրս են եկել եզրափակիչ քառյակ, այս ցուցանիշը Իսպանիան չի գերազանցել մինչև 2010 թվականը։

Բիլբաոյից հետո նա խաղացել է Ինդաուտխու ակումբում մեկ տարի և ևս մեկ տարի Բարակալդո ակումբում։ Սառան մահացել է սրտի կաթվածից 2006 թվականի փետրվարի 24-ին, 85 տարեկան հասակում։ Նրա հիշատակին Լա Լիգայի լավագույն իսպանացի ռմբարկուի համար սահմանվել է Սառա մրցանակ։

Կյանք

Մանկություն և առաջին քայլեր

Սառան ծնվել է 1921 թվականի հունվարի 20-ին Բիսկայի Էրանդիո քաղաքում, նրա հայրը ` Տելմո Սառաոնանդիան եղել է Ասուա կայարանի ինժեներ, իսկ Սառան եղել է տաս երեխաներից յոթերորդը, որոնցից հինգը տղաներ։

Վաղ տարիքից Սառան ֆուտբոլ է խաղացել իր հարևանների հետ։ Մինչ մյուս երեխաները տարբեր իրերից գնդակներ էին պատրաստում, Սառան կարող էր սովորել իրական գնդակով, քանի որ նրա երկու ավագ եղբայրները ֆուտբոլիստներ էին։ Ամենամեծը` Տոմասը խաղացել է Լա Լիգայում Արենաս դե Գետխոյի կազմում և Դոմինիգոն, որը մահացել էր Իսպանիայի քաղաքացիական պատերազմի ժամանակ։

Նրա հայրը չէր ցանկանում, որ Սառան ֆուտբոլ խաղա, կարծելով որ երկու եղբայրները բավական են։ Բայց Սառան շատ սիրեց սպորտաձևը և սկսեց խաղալ տեղի սիրողական ակումբների կազմում։ Այդ ժամանակ նրա մականունը "Տելմիտո անվախ" էր, քանի որ նա խաղում էր չվախենալով վնասվածքներից։

Սառան առաջին պրոֆեսիոնալ պայմանագիրը կնքեց երկրորդ դիվիզիոնի Էրանդիո ՖԱ-ի հետ, որտեղ նա անցկացրեց 1937-1938 թվականների մրցաշրջանը։ Հետո Սառայի ակումբը խաղաց Գիպուսկոայից ժամանած ակումբի դեմ, որում Սառան դարձավ յոթ գոլի հեղինակ, խաղն ավարտվեց 9-0 հաշվով։

Այս ժամանակներում Ատլետիկ Բիլբաոն վերակառուցում էր ակումբը, այն քաոսից հետո, որում հայտնվել էր Քաղաքացիական պատերազմի պատճառով։ Ակումբը սկսեց երիտասարդ ֆուտբոլիստների փնտրել Էրանդիոյի կազմից 1940-1941 մրցաշրջանի համար։

Ծանոթագրություններ

↑ ^1,0 ^1,1 ^1,2 ^1,3 Diccionario biográfico español (իսպ.) — Real Academia de la Historia, 2011.
↑ FBref.com(բազմ․)
↑ Zarraonandia at Athletic Club

Վիքիպահեստն ունի նյութեր, որոնք վերաբերում են «Տելմո Սառա» հոդվածին։

[_f6a0db91f2e35976-1] 1,0 ^1,1 ^1,2 ^1,3 Diccionario biográfico español (իսպ.) — Real Academia de la Historia, 2011.

[_bdf808cd8a80920b-2] FBref.com(բազմ․)

[goals-3] Zarraonandia at Athletic Club

[1]

[2]

[3]