Վլադիմիր Բաղիրով

Վլադիմիր Բաղիրով
Պետություն(ներ)	Լատվիա և  ԽՍՀՄ
Ծննդյան ամսաթիվ	օգոստոսի 16, 1936(1936-08-16)
Ծննդավայր	Բաքու, ԱԽՖՍՀ, ԽՍՀՄ
Մահվան ամսաթիվ	հուլիսի 21, 2000(2000-07-21) (63 տարեկան)
Մահվան վայր	Յուվյասկյուլյա, Կենտրոնական Ֆինլանդիա, Ֆինլանդիա
Կոչում	Գրոսմայստեր (1978) Միջազգային վարպետ (1963)
365chess	Vladimir_Bagirov
Chesstempo համար	237013
ICCF համար	237013
Մասնակցել է	Շախմատային օլիմպիադա 1992, Շախմատային օլիմպիադա 1996 և European Chess Team Championship 1961?
Մարզական ակումբ	SK Zehlendorf? և SK Zehlendorf?
Vladimir Bagirov Վիքիպահեստում

Վլադիմիր Կոնստանտինի Բաղիրով (Բաղիրյան) (ռուս.՝ Влади́мир Константи́нович Баги́ров, օգոստոսի 16, 1936, Բաթում - հուլիսի 21, 2000, Յուվյասկյուլյա, Ֆինլանդիա), ԽՍՀՄ-ը, այնուհետև Լատվիան ներկայացրած հայազգի շախմատիստ, գրոսմայստեր (1978)։ Ինժեներ-մեխանիկ։

Կենսագրություն

Վլադիմիր Բաղիրովը ծնվել է Վրաստանում՝ հայ հոր և ուկրաինացի մոր ընտանիքում։ Վաղ մանկությունից մինչև 1980 թվականը բնակվել է Բաքվում, որից հետո տեղափոխվել է Ռիգա։

Շախմատով զբաղվել է Բաքվի պիոներների պալատում՝ Սուրեն Աբրահամյանի ղեկավարությամբ։ Ներկայացրել է «Բուրեվեստնիկ» մարզական ընկերությունը։

1958 թվականին ստացել է ԽՍՀՄ սպորտի վարպետի կոչում՝ որակավորման մրցախաղում հաղթելով Յակով Էստրինին։ Մի քանի անգամ հաղթել է Ադրբեջանական ԽՍՀ առաջնությունում։ Մասնակցել է ԽՍՀՄ բազմաթիվ առաջնությունների, 1960 թվականին զբաղեցրել է չորրորդ տեղը։

Առաջին տեղն է զբաղեցրել Եվրոպայի թիմային առաջնությունում (1961), աշխարհի ուսանողական առաջնությունում (1961-1962), եվրոպական ակումբային գավաթի խաղարկությունում (1976 և 1979)։

Նվաճումները միջազգային մրցաշարերում

• Ջակարտա՝ 1-ին տեղ (1960)
• Բաքու՝ 1-2-րդ տեղեր (1964)
• Բաթում՝ 1-4-րդ տեղեր (1966)
• Մոսկվա՝ 1-4-րդ տեղեր (1968)
• Թբիլիսի՝ 1-2-րդ (1971)
• Կաշկայշ՝ 1-ին տեղ (1986)

1963 թվականին դարձել է միջազգային վարպետ, 1978 թվականին՝ գրոսմայստեր։

ԽՍՀՄ-ի փլուզումից հետո Բաղիրովը շարունակել է հանդես գալ մրցաշարերում։ Լատվիայի հավաքականի կազմում նա մասնակցել է 1992 (Մանիլա) և 1996 (Երևան) թվականների շախմատային օլիմպիադաներին։

Մի քանի տարի խաղացել է գերմանական SK Zehlendorf ակումբի կազմում։ Հաղթել է ավստրիական Գրիսկիրխենում կայացած վետերանների աշխարհի 1998 թվականի առաջնությունում։

Որպես մարզիչ աշխատել է մի շարք անվանի շախմատիստների հետ՝ Գարրի Կասպարով, Լև Պոլուգաևսկի, Միխայիլ Տալ, Ալեքսեյ Շիրով և Ալեքսանդր Շաբալով։

Ֆինլանդիայում մրցաշարի ժամանակ նա սրտի նոպա է ունեցել, ինչից հաջորդ օրը մահացել է։

Արտաքին հղումներ

• Վլադիմիր Բաղիրովի պարտիաները (անգլ.)
• Վլադիմիր Բաղիրովի անձնական քարտը 365chess.com կայքում

Երկեր

• Защита Алехина / Багиров Владимир Константинович. — М.: ФиС, 1971. — 112 с.: ил.
• Английское начало / Багиров Владимир Константинович. — М.: ФиС, 1989. — 464 с.
• «Белый» Фишер = «White» Fisher / Владимир Багиров . — Рига : Логос, 1991. — 208 с. : ил.

Գրականություն

• Шахматы : энциклопедический словарь / гл. ред. А. Е. Карпов. — М.: Советская энциклопедия, 1990. — С. 24—25. — 624 с. — 100 000 экз. — ISBN 5-85270-005-3
• Мои показания / Генна Сосонко М. : Рипол Классик, 2003, ISBN 5-7905-2212-2
• Ильин Евг. Время брать и время отдавать. // «64 — Шахматное обозрение». — 1986. — № 17. — С. 24—25

Վիքիպահեստն ունի նյութեր, որոնք վերաբերում են «Վլադիմիր Բաղիրով» հոդվածին։