Վի Կիմ Վի

	Վի Կիմ Վի
Կուսակցություն՝	Ժողովրդի գործողություն կուսակցություն
Կրթություն՝	Outram Secondary School? և Raffles Institution?
Մասնագիտություն՝	դիվանագետ, լրագրող, քաղաքական գործիչ և սպորտային գործադիր
Դավանանք	բուդդայականություն
Ծննդյան օր	նոյեմբերի 4, 1915
Ծննդավայր	Սինգապուր
Վախճանի օր	մայիսի 2, 2005 (89 տարեկան)
Վախճանի վայր	Siglap, Bedok, East Region, Սինգապուր
Քաղաքացիություն	Սինգապուր
Ամուսին	Koh Sok Hiong?
Զավակներ	Bill Wee Hock Kee?
Պարգևներ
Wee Kim Wee

Վի Կիմ Վի ((Չինարեն), նոյեմբերի 4, 1915(1915-11-04)^[1], Սինգապուր - մայիսի 2, 2005(2005-05-02)^[2]^[1], Siglap, Bedok, East Region, Սինգապուր), սինգապուրցի քաղաքական և պետական գործիչ, լրագրող, դիվանագետ։ Սինգապուր քաղաք-պետության 4-րդ նախագահը, որը կառավարել է 1985 թվականի սեպտեմբերի 2-ից մինչև 1993 թվականի սեպտեմբերի 1-ը։

Կենսագրություն

Վի Կիմ Վին ծնվել է սահմանափակ բյուջեով չինական ընտանիքում։ Հայրը մահացել է, երբ նա ութ տարեկան էր։ Ավարտել է Օրթամի պետական դպրոցը և հեղինակավոր Raffles Institution-ը։

Պատանեկությունից աշխատել է որպես The Straits Times թերթի աշխատակից, ավելի ուշ դարձել է հիմնականում քաղաքական իրադարձությունները լուսաբանող լրագրող։

1941-1950 թվականներին աշխատել է United Press International — ի աշխատակից, Սինգապուրի գծով գլխավոր թղթակից։ 1959 թվականին վերադարձել է The Straits Times և դարձել գլխավոր խմբագրի տեղակալ, ավելի ուշ՝ գլխավոր խմբագիր։ 1973 թվականին դարձել է Սինգապուրի մամուլի ակումբի նախագահ։

1973 թվականին թողել է լրագրությունը և անցել դիվանագիտական ծառայության։ Նշանակվել Է Մալայզիայի գերագույն կոմիսար, որի պաշտոնը զբաղեցրել է յոթ տարի։

Այնուհետև դեսպան Է ուղարկվել Ճապոնիա (1980-1984)։ 1981-1984 թվականներին ՝ դեսպան Կորեայի Հանրապետությունում։

Դիվանագիտական առաքելության ավարտից հետո 1984 թվականին նշանակվել է Սինգապուրի հեռարձակող կորպորացիայի նախագահ։

1985 թվականի սեպտեմբերի 2-ից մինչև 1993 թվականի սեպտեմբերի 1-ը եղել է Սինգապուրի Հանրապետության նախագահ, ընտրվել է Օրենսդիր ժողովի կողմից։ Դարձել Է Սինգապուրի առաջին նախագահը չինական ծագմամբ։ Պաշտոնը զբաղեցրել է երկու ժամկետի ընթացքում ՝ ունենալով բարձր հեղինակություն հասարակության մեջ^[4]։

Նախագահի պաշտոնից հեռանալուց հետո դարձել է համաշխարհային դատավոր (1966-ից)։ Հասարակական գործունեության և Սինգապուրի համալսարանի զարգացման գործում ունեցած մեծ ավանդի համար 1994 թ. արժանացել է Սինգապուրի ազգային համալսարանի գրականության պատվավոր դոկտորի կոչման, 1985-1993 թվականներին եղել է Սինգապուրի կանցլերը։

2004 թվականին հրատարակել է "Հայացքներ և մտորումներ" ("Glimpses and Reflections") հուշերի գիրքը։ Որպես բարերար նվիրաբերել է կես միլիոն սինգապուրյան դոլար ութ բարեգործական կազմակերպություններին։

Մասնավոր կյանքում եղել է ակտիվ մարզիկ և մարզական պաշտոնյա։ 1934 թվականին հիմնադրել է բադմինտոնի բաժինը, 1937 թվականին եղել է պատանիների չեմպիոն այս մարզաձևում։ Եղել է նաև Սինգապուրի բադմինտոնի ասոցիացիայի նախագահ և փոքր բադմինտոնի ասոցիացիայի փոխնախագահ։

Մահացել է շագանակագեղձի քաղցկեղից։

Ընտանիք

1936 թվականին ամուսնացել է Կո Սոկ Խիոնգի հետ։ Ունեցել են յոթ երեխա՝ մեկ որդի և վեց աղջիկ։

Մրցանակներ

Օրդեն Բանի ՄԵծ խաչի ասպետ
Բրունեյի թագի առաջին դասի թագավորական ընտանիքի շքանշան (Royal Family Order of Laila Utama)
Թեմասեկի Շքանշան
"Պետական ծառայության աստղ" մեդալ (1973)
Ծառայության համար պատվո մեդալ (1963)
Սինգապուրի ազգային համալսարանի գրականության պատվավոր դոկտոր (1994)
Սինգապուրի մամուլի ակումբի լրագրության մեջ գերազանց ծառայության համար հատուկ մրցանակ (1996)
Մրցանակ Ասիախաղաղօվկիանոսյան տարածաշրջանի սկաուտական կոմիտեի ակնառու վաստակի համար (1998)

Ծանոթագրություններ

↑ ^1,0 ^1,1 ^1,2 ^1,3 ^1,4 Munzinger Personen (գերմ.)
↑ ^2,0 ^2,1 ^2,2 http://eresources.nlb.gov.sg/infopedia/articles/SIP_255_2005-01-12.html
↑ https://www.nas.gov.sg/archivesonline/photographs/record-details/4fdd9cfd-1162-11e3-83d5-0050568939ad
↑ «Dr Wee Kim Wee». Istana Singapore. Արխիվացված է օրիգինալից 2016 թ․ ապրիլի 10-ին.

Արտաքին հղումներ

Կենսարգւոյթւոն(անգլ.)
Why not Wee Kim Wee? Արխիվացված 2017-08-31 Wayback Machine(անգլ.)

Վիքիպահեստն ունի նյութեր, որոնք վերաբերում են «Վի Կիմ Վի» հոդվածին։

[_8cc8348a4b8d79cc-1] 1,0 ^1,1 ^1,2 ^1,3 ^1,4 Munzinger Personen (գերմ.)

[_c8fb84431dc30173-2] 2,0 ^2,1 ^2,2 http://eresources.nlb.gov.sg/infopedia/articles/SIP_255_2005-01-12.html

[_303621ea898f92a3-3] ttps://www.nas.gov.sg/archivesonline/photographs/record-details/4fdd9cfd-1162-11e3-83d5-0050568939ad

[IstanaSG-4] «Dr Wee Kim Wee». Istana Singapore. Արխիվացված է օրիգինալից 2016 թ․ ապրիլի 10-ին.

[1]

[2]

[3]

[4]