Վիտալի Զլոտնիկով
| Վիտալի Զլոտնիկով | |
|---|---|
| Ծնվել է | նոյեմբերի 20, 1934 կամ 1934 |
| Ծննդավայր | Վորոնեժ |
| Մահացել է | նոյեմբերի 19, 2000 կամ 2000 |
| Կրթություն | Վորոնեժի պետական համալսարան |
| Մասնագիտություն | սցենարիստ, բանաստեղծ, մանկագիր և մուլտիպլիկատոր |
Վիտալի Զլոտնիկով (ռուս.՝ Виталий Маркович Злотников, նոյեմբերի 20, 1934 կամ 1934, Վորոնեժ - նոյեմբերի 19, 2000 կամ 2000), ռուս բանաստեղծ, արձակագիր և կինոսցենարիստ։ «Կատվիկը Լիզյուկովի փողոցից» մուլտֆիլմի սցենարի հեղինակն է։
Կենսագրություն
[խմբագրել | խմբագրել կոդը]Ծնվել է 1934 թվականի նոյեմբերի 20-ին, ճարտարապետ Մարկ և տնային տնտեսուհի Ռադա Զլոտնիկովների ընտանիքում։ Վորոնեժում Վիտալին ավարտել է դպրոցը և Վորոնեժի պետական համալսարանի ռոմանա-գերմանական բանասիրության ֆակուլտետը։ 1968 թվականին նա ամուսնացել է, նույն թվականին լույս է տեսել նրա առաջին` «Ես և Ջեկը» գիրքը։ Զլոտնիկովների ընտանիքի առաջնեկը` Սաշան, ծնվել է 1969 թվականին. այս իրադարձությունը ոգեշնչել է ընտանիքի հորը գրել նոր մանկական գործեր[1]։
1970 թվականին Վիտալի Զլոտնիկովը և իր ընտանիքը որոշել են տեղափոխվել Դմիտրով[2]։ Նա ցանկանում էր ավելի մոտ լինել կենտրոնական պարբերականների խմբագրական գրասենյակներին, որտեղ արդեն սկսվել էին լույս տեսնել նրա մանկական պատմությունները, և «Սոյուզմուլտֆիլմ» ստուդիային, որի հետ նա արդեն սկսել էր համագործակցել որպես անիմացիոն ֆիլմերի սցենարիստ[3]։
Մահացել է 2000 թվականին, Դմիտրով քաղաքում։
Ստեղծագործություն
[խմբագրել | խմբագրել կոդը]Վորոնեժի պետական համալսարանն ավարտելուց հետո նա սկսում է ուժերը փորձել գրականության ոլորտում։ Զլոտնիկովի հետաքրքիր մանկական պատմությունները հայտնվում են թերթերում և ամսագրերում։ 1968 թվականին հրատարակվել է նրա` պատմվածքների առաջին «Ես և Ջեկը» գիրքը, իսկ երեք տարի անց լույս է տեսել հաջորդ` «Ջեկի նոր արկածները» գիրքը։ Այս գրքերի հիմնական հերոսները շնիկ Ջեկն ու տղան Սերյոժան էին, որոնց անունից պատմվում է պատմությունը։
Դմիտրովում Զլոտնիկովը գրել է իր պատմվածքների և սցենարների մեծ մասը։ Նա տպագրվել է մայրաքաղաքային «Մուրզիլկա», «Պիոներ», «Ստուդենչեսկի մերիդիան», «Սմենա», «Յունոստ» ամսագրերում և այնպիսի հեղինակավոր թերթերում, ինչպիսիք են «Նեդելյա» և «Լիտերատուրնայա Ռոսիա» թերթերը։ 1995 թվականին Մոսկվայում լույս է տեսել «Սիրահարված նապաստակը» պատմվածքների գիրքը։
Զլոտնիկովի գրքերի հիմնական հերոսները կենդանիներ են, որոնք տրվել է մանկական հետաքրքրասեր և միամիտ բնավորություն։
Անիմացիայում նա աշխատել է Վ. Արբեկովի, Լ. Կայուկովի, Վ. Կոտյոնոչկինի և այլ ռեժիսորների հետ[4]։ Հատկապես հաջողված էր «Կատվիկը Լիզյուկովի փողոցից» մուլտֆիլմը (ռեժիսոր` Վ. Կոտյոնոչկին, 1988 թվական)։
Ֆիլմագրություն
[խմբագրել | խմբագրել կոդը]Սցենարի հեղինակ
[խմբագրել | խմբագրել կոդը]- 1973 թվական` «Մենք Ջեկի հետ ենք»
- 1974 թվական` «Բարև ձեզ, աղվես մորաքույր»
- 1978 թվական` Նվեր ամենաթույլի համար
- 1981 թվական` Տատիկի ծննդյան օրը
- 1982 թվական` «Կացինից շիլա»
- 1984 թվական` «Իսկ դու ի՞նչ ես կարողանում»
- 1985 թվական` Մենք Շերլոկ Հոլմսի հետ
- 1988 թվական` Կատվիկը Լիզյուկովի փողոցից
- 1991 թվական` Միսս Նոր տարի
- 1993 թվական` «Քաղցրաբլիթը»
- 1994 թվական` «Կախարդական փայտիկ»
- 2018 թվական` «Կատվիկը Լիզյուկովի փողոցից 2»
Ճանաչում
[խմբագրել | խմբագրել կոդը]Զլոտնիկովը տարբեր մրցույթներում ունեցել է բազմաթիվ մրցանակներ։ «Քաղաքացիական ավիացիա» ամսագրում «Անհանգիստ կերպար» ոհդվածի համար 1981 թվականին ստացել է երրորդ մրցանակը։ 3-րդ մրցանակ է շնորհվել նաև 1984 թվականին «Անտառային արդյունաբերություն» թերթում «Ծիածան Բայկալ լճի վրա» հոդվածի համար։ 1993 թվականին արժանացել է առաջին մրցանակի` որպես «Միշա» ամսագրի լավագույն հեղինակ։
Ըստ շատ մուլտֆիլմերի գրքեր են հրատարակել ոչ միայն ռուսերեն, այլև այլ` բուլղարերեն, իսպաներեն, գերմաներեն, լեհերեն, շվեդերեն լեզուներով, այս պատճառով Զլոտնիկովի աշխատանքներըը հայտնի և սիրված են աշխարհի տարբեր մասերում<ref name=":0">:
2003 թվականին Վորոնեժում տեղադրվել է «Կատվիկը Լիզյուկովա փողոցից» մուլտֆիլմի անիմացիոն կերպարի արձանը։
Ծանոթագրություններ
[խմբագրել | խմբագրել կոդը]- ↑ «Злотников В.М. - Дмитровский край» (ռուսերեն). dmkray.ru. Վերցված է 2018 թ․ հոկտեմբերի 14-ին.
- ↑ «Злотников Виталий Маркович | Детям о Воронежском крае» (ռուսերեն). www.okrae.odbvrn.ru. Վերցված է 2018 թ․ հոկտեմբերի 14-ին.
- ↑ «Писатель В. М. Злотников | Читать онлайн, без регистрации» (ռուսերեն). velib.com. Արխիվացված է օրիգինալից 2018 թ․ հոկտեմբերի 14-ին. Վերցված է 2018 թ․ հոկտեմբերի 14-ին.
- ↑ «Российская анимация в буквах и фигурах | Персоналии | Злотников Виталий Маркович». www.animator.ru. Վերցված է 2018 թ․ հոկտեմբերի 14-ին.