Մեդհեն Ամիք

Մեդհեն Ամիք անգլ.՝ Mädchen Amick
Ծնվել է	դեկտեմբերի 12, 1970(1970-12-12) (53 տարեկան)
Ծննդավայր	Սպարկս, Ուոշո շրջան, Նևադա, ԱՄՆ
Կրթություն	Robert McQueen High School?
Քաղաքացիություն	ԱՄՆ
Մասնագիտություն	հեռուստատեսային դերասանուհի, կինոդերասանուհի, կինոռեժիսոր, կինոպրոդյուսեր և մոնտաժող
Երեխա(ներ)	Mina Tobias?

Մեդհեն Ամիք (անգլ.՝ Mädchen Amick [ˈmeɪdʃən ˈeɪmɪk], դեկտեմբերի 12, 1970(1970-12-12), Սպարկս, Ուոշո շրջան, Նևադա, ԱՄՆ), ամերիկացի դերասանուհի։

Կենսագրություն

Իր արտասովոր անունի համար (գերմ.՝ Mädchen — «աղջիկ») նա պարտական է իր ծնողներին, քանի որ նրանք չէին ցանկանում իրենց դստերը տալ հասարակ ամերիկական անուն։ Մեդհենի ծնողները՝ Ջուդին և Բիլլը, բաժանվել են, երբ նա եղել է ընդամենը երկուսուկես տարեկան։ Որոշ ժամանակ անց Մեդհենի մայրը ամուսնանում է մի երաժշտի հետ։

Խորթ հոր ղեկավարությամբ՝ երեք տարեկան Մեդհենը սկսում է գնալ դաշնամուրի։ Ավելի ուշ նա տիրապետում է նա ուրիշ երաժշտական գործիքների՝ կոնտրաբաս, ջութակ և կիթառ։

Դերասանուհի դառնալու միտքը ծնվել է դեռևս դպրոցական տարիներին։ Նա դերասանական հմտոթյունների դասեր է առել Ռինոյի Ռոբերտ Մակ Կվինի անվան դպրոցում։ Զբաղվել է նաև պարարվեստով՝ ստեպով, բալետով, ջազով և ժամանակակից պարով։

Գործունեություն

1987 թվականին՝ 16 տարեկան հասակում, Մեդհենը, դերասանական գործունեությամբ զբաղվելու համար, տեղափոխվել է Լոս Անջելես։ Սկզբում նա Ռիք Էսթլիի և Խուլիո Իգլեսիասի մի քանի տեսահոլովակներում հանդես է եկել որպես մոդել և դերասան։ Դրան հաջորդել են «Աստղային ճանապարհ։ Հաջորդ սերունդը» և «Մալիբուի փրկարարը» հեռուստասերիալներում դերերը։

Մեդհեն Ամիքը հայտնի է դարձել 1989-1990 թվականներին` Դեյվիդ Լինչի «Թվին Փիքս» հեռուստասերիալում ամուսնու՝ Լեոյի կողմից բազմիցս ծեծված, մատուցողուհի Շելլի Ջոնսոնի դերից հետո։ Այս դերի համար նա 1991 թվականին առաջադրվել է «Դայջեստ օճառային օպերա» մրցույթի «Երկրորդ պլանի լավագույն դերասանուհի» անվանակարգում։

1992 թվականին Ամիքը ստացել է Սթիվեն Քինգի «Լուսնոտ» թրիլլերի գլխավոր դերերից մեկը։ Կարևոր է նշել նաև «Սեքս, սուտ, խելագարություն» ֆիլմում Ջեյմս Սպեյդերի զուգընկերուհու դերը։ Մեդհենը խաղացել է նաև «Հեռացիր անգլիացու նման»(1995) ռոմանտիկ կատակերգությունում և «Պայթյունային ազդեցություն» (1996) թրիլլերում։

1995 թվականի Ամիքը վերադառնում է հեռուստատեսություն, և նկարահանվում է CBS հեռուստաալիքի «Նյու Յորք, կենտրոնական պարկ» դրամատիկ հեռուստասերիալում։ 1998 թվականին նա ստացել է գլխավոր դեր Երևակայության կղզին ֆիլմի թարմացված թողարկումում։ Նկարահանվելէ նաև «Հիլմորի աղջիկները», «Շտապօգնություն» և «Ջոյի» հայտնի հեռուստասերիալներում։ 2006 թվականին Ամիքը ստացել է գլխավոր դեր Ֆրեդդի սիթքոմում, սակայն այն չեղյալ է հայտարարվել առաջին սեզոնի թողարկումից հետո։ Մեդհեն Ամիքը նկարահանվել է նաև NBC հեռուստաալիքի Առևանգվածները հեռուստասերիալի 3 դրվագներում՝ խաղալով մարդասպանի դեր։ 2007 թվականին նա ստացել է դեր կարճամետրաժ երաժշտական «Վիվա Լաֆլին» սերիալում։

Ամիքը «Բամբասկոտը» սերիալի երկրորդ սեզոնում ունեցել է երկրորդական դեր, որտեղ նրա մարմնավորած կերպարով տարված էր Նեյթ Արչիբալդը։ Խաղացել է նաև «Californication» սերիալի երկրորդ սեզոնում։ 2008 թվականին Ամիքը նկարահանվել է «Իմ անձնական թշնամին» հեռուստասերիալում, Հենրի Սպիվիի կնոջ դերում։ 2010 թվականին ստացել է Դենիել Մարկետի դերը Գոտեմարտ սերիալում։ Ամիկին հրավիրվել են խաղալ այնպիսի սերիալներում, ինչպիսիք են «Սպիտակ օձիքը» (2010), «Նմանակը» (2011), «Խելագարները» (2011), «Գեղեցիկ՝ մինչ մահը» (2012), «Գեղեցկուհին և հրեշը» (2012)։ 2013-2014 թվականներին խաղացել «Իսթ-Էնդի կախարդները» հեռուստասերիալում։

2017 թվականից Ամիքը «Ռիվերդեյլ» հեռուստասերիալում մարմնավորում է Բեթթի Կուպերի մոր՝ Էլիս Կուպերի դերը։

Անձնական կյանք

1990 թվականի դեկտեմբերի 16-ին Ամիքը ամուսնացել է Դեյվիդ Ալեքսիսի հետ։ Զույգն ունի երկու երեխա՝ որդի՝ Սիլվեստր Թայմ Ամիկ-Ալեկսիս (ծնվել է 1992 թվականի հուլիսի 9-ին), և դուստր՝ Մինա Թոբիաս Ամիկ-Ալեքսիսի (ծնվել է 1993 թվականի սեպտեմբերի 2-ին)։

Ֆիլմագրություն

Տարի		Հայերեն անվանում	Բնօրինակ անվանում	Դեր
1989	ս	Աստղային ճանապարհ։ Հաջորդ սերունդը	Star Trek: The Next Generation	Անյա
1989	ս	Մալիբուի փրկարարը	Լորի Հարրիս
1990	ֆ	Ամերիկական մեծ սեքս-սկանդալ	The Great American Sex Scandal	տիկին Դոստվորտ
1990	ֆ	Այս գիշեր ես վտանգավոր եմ	I’m Dangerous Tonight	Էմի
1990-1991	ս	Թվին Փիքս	Twin Peaks	Շելլի Բրիգս
1990	ֆ	Չասես նրան, որ դա ես եմ	Don't Tell Her It's Me	Մենդի
1991	ֆ	Ամենաառաջին անգամ	For the Very First Time	Ռոնդա
1991	ֆ	Այլմոլորակայինը օտար մարմնում	The Borrower	Մեգան
1992	ս	Հինգերորդ անկյուն	The Fifth Corner	Չարաբաստիկ Շիկահերը
1992	ֆ	Լուսնոտները	Sleepwalkers	ТՏանյա Ռոբերտսոն
1992	ֆ	Թվին Փիքս։ Կրակի միջով	Twin Peaks: Fire Walk with Me	Շելլի Բրիգս
1993	ֆ	Սեքս, սուտ, խելագարություն	Dream Lover	Լենա Մատերս
1993	ֆ	Սեր, դավաճանոություն, գողություն	Love, Cheat & Steal	Լորեն Հարինգտոն
1994	ֆ	Դրախտում բռնվածը	Trapped in Paradise	Սառա Քոլլինս
1995	ֆ	Հեռացիր անգլիացու նման	French Exit	Զինա
1995	ֆ	Ներքին գավիթ	The Courtyard	Լորեն
1995	ս	Ընկած հրեշտակները	Fallen Angels	տիկին Կորդել
1995-1996	ս	Նյու Յորք, կենտրոնական պարկ	Central Park West	Քերրի Փեյրչալդ
1996	ֆ	Պայթյունային ազդեցություն	Bombshell	Անժելա
1997	ֆ	Վերք	Wounded	Ջուլի Քլեյթոն
1997	ֆ	Անսիրտ	Heartless	Էնն 'Էննի' օ Կիֆ
1998	ֆ	Ճակատագրի շրջադարձը	Twist of Fate	Ռեյչլ Դվայեր
1998	ֆ	Որսի Ժամանակաշրջան	The Hunted	Սամանտա Քլարկ
1998-1999	ս	Երևակայության կղզին	Fantasy Island	Արիել
1999	ս	Դոուսոնի ծովախորշը	Dawson's Creek	Նիկոլ Քենեդի
1999	ֆ	Պարոն Ռոքն Ռոլլ։ Ալան Ֆրիդի պատմությունը	Mr. Rock 'n' Roll: The Alan Freed Story	Ջեքքի Մաքքոյ
2000	ֆ	Ցուցակ	The List	Գաբրիել Միշել
2001	ֆ	Դահիճ	Hangman	Գրեյս Միշել
2001	ֆ	Երես առ երես	Face to Face	Ջեյմի
2001	ֆ	Հանցագործության տեսարաններ	Scenes of the Crime	Կարմեն
2002	ֆ	Առնետներ	The Rats	Սյուզա Կոստելո
2002	ֆ	Համաշխարհային վտանգ	Global Effect	բժիշկ Սառա Լևիտ
2002-2003	ս	Հիլմորի Աղջիկները	Gilmore Girls	Շերրի Թինսդեյլ
2003	ս	Գերագույն թագուհիներ	Queens Supreme	Լիզա Սելինջեր
2003	ս	Ուրախ քարտեզը	Wild Card	Քրիստալ Սթիվենսոն
2003	ս	Էդ	Ed	Սի Սի Րոյս
2004-2005	ս	Շտապօգնություն	ER	Ուենդալ Մենդի
2005	ֆ	Մահացու խաբեություն	Lies and Deception	Ջին Բրուքս
2005	ս	Ջեքը երեկ, այսօր, վաղը	Jake in Progress	Քայլի
2005	ս	Ջոուի	Joey	Սառա
2005	ֆ	Առվարձանի չորս ուղղությունները	Four Corners of Suburbia	Ռեյչլ
2005-2006	ս	Ֆրեդդի	Freddie	Էլլիսոն
2006	ս	Կարգ ու կանոն	Law & Order	Алиса Гудвин
2006-2007	ս	Առևանգվածը	Kidnapped	Yvonne Guttman
2007	ս	Վիվա Լաֆլին	Viva Laughlin	Նատալի Հոլդն
2008	ս	Շնաձուկ	Shark	Ջինա Ռոմերո
2008	ֆ	Վճիռ	The Verdict	Քրիսթին
2008	ս	Բամբասկոտը	Gossip Girl	դքսուհի Քեթրին Բիտոն
2008	ս	Californication	Californication	Ջեննի Ջոնս
2008	ս	Իմ անձնական թշնամին	My Own Worst Enemy	Անժելիկա 'Էնջի' Սպայվի
2009	ֆ	Օրենք	The Law	Լիզ
2010	ֆ	Գինու խոստովանությունը	Pleading Guilty	Brushy
2010	ս	Առևանգում	Damages	Դենիել Մարկետի
2010	ս	C.S.I.: Նյու Յորքի հանցագործության վայրը	CSI: NY	Դենիել Մարկետի
2010	ֆ	Անպատասխան աղոթքներ	Unanswered Prayers	Ավա Անդերսոն
2011	ֆ	Վայրը	Metro	Մերի Մքքարթի
2011	ֆ	Քահանա	Priest	Շենոն Պեյս
2011	ս	Սպիտակ օձիքը	White Collar	Սելինա
2012	ս	Պայծառատես	Psych	Ժակլին Մեդեյրոս
2012	ս	Հասարակ վիճակում	In Plain Sight	Տնօրեն Սյուզան Քեմբլի տեղակալ
2012	ս	Խելագարները	Mad Men	Անդրեա Ռոդոս
2012	ս	Ծույլիկը	Ringer	Գրիր Շերիդան
2012	ս	Մահացու գեղեցիկ	Drop Dead Diva	Ջինա Բլանտ
2012	ս	Քաղաքական կենդանիներ	Political Animals	Մինդի Մեյերս
2012	ս	Գեղեցկուհին և հրեշը(հեռոսւտասերիալ)	Beauty and the Beast	Լոիս Վիտվորտ
2013-2014	ս	Իսթ-Էնդի կախարդները	Witches of East End	Վենդի Բոշամ
2013-2014	ս	Լոնգմեյր	Longmire	Դինա
2015	ս	Ամերիկյան սարսափ պատմություն	American Horror Story	Տիկին Էլլիսոն
2016	ս	Սեր	Love	մամա
2017-2023	ս	Ռիվերդեյլ	Riverdale	Էլիս Կուպեր
2017	ս	Թվին Փիքս	Twin Peaks	Շելլի Բրիգս

Ծանոթագրություններ

Վիքիպահեստն ունի նյութեր, որոնք վերաբերում են «Մեդհեն Ամիք» հոդվածին։