Հերսթ ամրոց

Հերսթ ամրոց
Տեսակ	մեծ առանձնատուն, ճարտարապետական հուշարձան և California state historic park?
Երկիր	ԱՄՆ
Տեղագրություն	Սան Լուիս Օբիսպո շրջան
Վայր	San Simeon?
Ճարտարապետական ոճ	Spanish Colonial Revival architecture? և Mediterranean Revival architecture?
Կազմված է	Hearst Castle Theater? և Neptune Pool?
Մասն է	Hearst San Simeon State Historical Monument?
Անվանված է	Ուիլյամ Ռենդոլֆ Հերսթ
Սեփականատեր	Ուիլյամ Ռենդոլֆ Հերսթ
Հիմնադրված է	1919
Ճարտարապետ	Julia Morgan?
Ժառանգության կարգավիճակ	ԱՄՆ-ի ազգային պատմական հուշարձաններ և Վայր՝ ԱՄՆ պատմական վայրերի ազգային ցանկից
Պաշտոնական կայք

Նեպտունի լողավազանը Հերսթ ամրոցում

Հերսթ ամրոց (անգլ.՝ Hearst Castle), ԱՄՆ-ի ազգային պատմական հուշարձան Կալիֆոռնիայի Խաղաղօվկիանոսյան ափին, Լոս Անջելեսի և Սան Ֆրանցիսկոյի միջև։ Գլխավոր մասնաշենքը գտնվում է «Կախարդված բլուր»-ի վրա՝ (իսպ.՝ La Cuesta Encantada), օվկիանոսից 8 կմ հեռավորությամբ։ Առանձնատունն ունի 56 ննջասենյակ, 61 զուգարան, 19 հյուրասենյակ, կալվածքի տարածքում գտնվում են մի քանի ավազան և թենիսի կորտ, կինոթատրոն, աերոդոմ և աշխարհի խոշորագույն մասնավոր կենդանաբանական այգին (հիմա առանց կենդանիների)։

Պատմություն

Նախնական 160 քառակուսի կմ տարածքը 1865 թվականին Հյուսիսային Կալիֆոռնիայում ձեռք է բերել սենատոր Ջորջ Հերսթը։ Առաջին կառույցը եղել է վիկտորական Անգլիայի ոճով կառուցված տունը, որը գտնվում է նրա ժառանգների տրամադրության տակ։ 1919 թվականին սենատորի մահից հետո իր ունեցվածքը (այն տարածքը, որտեղ տվյալ պահին նա ապրում էր, հասնում էր 250 հազար ակրի) ժառանգել է իր որդին՝ հայտնի մեդիամագնատ Ուիլյամ Ռենդոլֆ Հերսթը։ Նրա նախաձեռնությամբ Հերսթ ամրոցըը զարդարվել է հոյակապ շինություններով, որոնք այս տարածքը դարձրել են Կալիֆոռնիայի աշխարհահռչակ անկյուններից մեկը։

Առանձնատան մուտքը

Մինչև 1947 թվականը նա անընդհատ կառուցում, քանդում և վերակառուցում էր իր ամրոցը, որին ինքն «ագարակ» էր անվանում։ Նրա կողմից ընտրված ճարտարապետ Ջուլիա Մորգանը տունը զարդարել է եվրոպական տարբեր ժամանակաշրջանների ոճերով․ գլխավոր կառույցը հիշեցնում է Պլատերեսկոյի դարաշրջանի իսպանական տաճար, իսկ Նեպտունի լողավազանի ծայրամասում գտնվող գեղատեսիլ տաղավարը զարդարված է միջերկրածովյան հին հռոմեական ֆրոնտոնով։ Առանձնատունը զարդարելու համար արվեստի գործեր են բերվել Եվրոպայից։

Երեկոյան առանձնատանը խնջույքներ են կազմակերպվել, որոնց տոմսեր ձեռք բերելը մեծ պատիվ է համարվել։ Հոլիվուդյան անթիվ աստղերից բացի, Հերսթի տանը երեկույթներին մասնակցել են այնպիսի հայտնի մարդիկ, ինչպիսիք են՝ Քալվին Քուլիջը, Ֆրանկլին Ռուզվելտը, Ուինսթոն Չերչիլը, Չարլի Չապլինը։

1947 թվականին բժիշկների խորհրդով տան տերը ստիպված է եղել լքել ծովի ափը։ Տասը տարի անց նրա ընկերությունը Հերսթ ամրոցը փոխանցել է պետական մարմիններին՝ պայմանով, որ Հերսթի ընտանիքը պահպանի իր տարածքում բնակվելու իրավունքը։

Քսանադու

Հերսթ ամրոցն է ծառայել որպես Օրսոն Ուելեսի «Քաղաքացի Քեյն» ֆիլմում (1941) Չարլզ Ֆոստեր Քեյնի կողմից կառուցված շքեղ առանձնատան նախատիպ։ Քեյնի Ֆլորիդայի ունեցվածքը բնութագրվում է որպես աշխարհում ամենամեծը. «Ամենաթանկ հուշարձանը, որը կառուցվել է մարդու կողմից իր իսկ պատվին՝ բուրգերի ժամանակներից ի վեր»։ Այնտեղ բերված արվեստի գործերը բավարար կլինեն տասը թանգարանում տեղավորվելու համար։

Լողավազան՝ կառուցված հին հռոմեական թերմերի ոճով

Տես նաև

• Փոլ Գեթիի թթանգարան
• Նևերլանդ — կալիֆոռնիայի ռանչո Մայքլ Ջեքսոնի անունով

Գրականություն

• Lewis, O. (1958). Fabulous San Simeon; a history of the Hearst Castle, a Calif. state monument located on the scenic coast of Calif., together with a guide to the treasures on display Արխիվացված 2007-09-29 Wayback Machine. San Francisco: California Historical Society.
• Collord, M., & Miller, A. (1972). Castle fare: featuring authentic recipes served in Hearst Castle Արխիվացված 2007-09-29 Wayback Machine. San Luis Obispo, CA: Blake Printery.
• Boulian, D. M. (1972). Enchanted gardens of Hearst Castle Արխիվացված 2007-09-29 Wayback Machine. Cambria, Calif: Phildor Press.
• Martin, C. (1977). Hearst Castle: mythology, legend, history in art Արխիվացված 2007-09-29 Wayback Machine. Cambria, Calif: Galatea Publications.
• Morgan, J., Hearst, W. R., & Loe, N. E. (1987). San Simeon revisited: the correspondence between architect Julia Morgan and William Randolph Hearst Արխիվացված 2007-09-29 Wayback Machine. San Luis Obispo, Calif: Library Associates, California Polytechnic State University.
• Blades, J., Nargizian, R. A., & Carr, G. (1993). The Hearst Castle collection of carpets: fine rug reproductions Արխիվացված 2007-09-29 Wayback Machine. Santa Barbara, Calif: Jane Freeburg.
• Kastner, V. (1994). Remains to be seen: remains of Spanish ceilings at Hearst Castle(չաշխատող հղում). San Simeon, CA: Hearst San Simeon State Historic Monument.
• Loe, N. E. (1994). Hearst Castle: an interpretive history of W.R. Hearst’s San Simeon estate Արխիվացված 2007-09-29 Wayback Machine. [S.l.]: ARA Services.
• Sullivan, J. (1996). Castle chronicles: : «sketching around Hearst Castle» Արխիվացված 2007-09-29 Wayback Machine. Los Osos, Calif: The Bay News?.
• California. (2001). Hearst Castle: Hearst San Simeon State Historical Monument Արխիվացված 2007-09-29 Wayback Machine. Sacramento, CA: California State Parks.

Արտաքին հղումներ

• Официальный сайт музея Херст-касл Արխիվացված 2013-09-06 Wayback Machine

Վիքիպահեստն ունի նյութեր, որոնք վերաբերում են «Հերսթ ամրոց» հոդվածին։