Հարվարդի աստղադիտարան

Հարվարդի աստղադիտարան, Հարվարդի համալսարանի (ԱՄՆ) գիտական հիմնարկ։ Հիմնվել է 1839 թվականին։ 1955 թվականին Հարվարդի աստղադիտարանի հետ միավորվել է Սմիթսոնյան աստղաֆիզիկական դիտարանը (Քեմբրիջ)։

Դիտարկներ և սարքավորումներ

Հիմնական գործիքներն են՝ 1, 5 մ ռեֆլեկտորը, Շմիդտի 60 և 80 սմ դիտակները, 18 մ ռադիոաստղադիտակը և այլն։ Հետազոտությունների հիմնական ուղղություններն են՝ փոփոխական աստղերի ուսումնասիրությունը, աստղերի, միգամածությունների, գալակտիկաների լուսաչափական և սպեկտրալուսաչափական հետազոտությունները, ռադիոաստղագիտական հետազոտությունները, աստղերի ներքին կառուցվածքի պրոբլեմի ուսումնասիրությունը, կոսմոլոգիան։

Հարվարդի աստղադիտարանում գոյություն ունի եզակի «ապակեդարան» (պարունակում է ավելի քան 500000 աստղագիտական թիթեղ)։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 6, էջ 314)։

Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Հարվարդի աստղադիտարան կատեգորիայում։

Սա անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։
Այս նշումը հարկավոր է փոխարինել համապատասխան թեմատիկ նշումով։