Կարլոս Եղիազարյան

Կարլոս Եղիազարյան
Ծնվել է	դեկտեմբերի 12, 1932
Ծննդավայր	Երևան, Հայկական ԽՍՀ, ԱԽՖՍՀ, ԽՍՀՄ
Վախճանվել է	հուլիսի 10, 2019 (86 տարեկան)
Վախճանի վայր	Երևան, Հայաստան
Մասնագիտություն	արձակագիր և երգիծաբան
Քաղաքացիություն	ԽՍՀՄ և Հայաստան
Կրթություն	Հայկական պետական մանկավարժական համալսարան
Անդամակցություն	ՀԳՄ և Հայաստանի ժուռնալիստների միություն

Վիքիպեդիայում կան հոդվածներ Եղիազարյան ազգանունով այլ մարդկանց մասին։

Կարլոս Եղիազարյան (դեկտեմբերի 12, 1932(1932-12-12), Երևան, Հայկական ԽՍՀ, ԱԽՖՍՀ, ԽՍՀՄ - հուլիսի 10, 2019(2019-07-10), Երևան, Հայաստան), արձակագիր, երգիծաբան, ՀԳՄ և ՀԺՄ անդամ։

Կենսագրություն

Կարլոս Եղիազարյանը ծնվել է 1932 թվականի դեկտեմբերի 12-ին, Երևանում^[1]։ Նա ավարտել է Երևանի Խաչատուր Աբովյանի անվան մանկավարժական ինստիտուտի պատմության ֆակուլտետը և Մոսկվայի բարձրագույն կուսակցական դպրոցի միջազգային հարաբերությունների բաժինը։ Կարլոսը աշխատել է «Ոզնի» երգիծական հանդեսում, ինչպես նաև եղել է «Կրոկոդիլ» համամիութենական երգիծական ամսագրի հատուկ թղթակիցը Հայաստանում։ Որպես «Փշարմավ» երգիծական հանդեսի խմբագիր աշխատել է հանրային ռադիոյում։ Եղել է «Հորիզոն» շաբաթաթերթի գլխավոր խմբագիրը։

Կարլոս Եղիազարյանը հասարակական սուր հնչողության բազմաթիվ հրապարակախոսական հոդվածների ու ֆելիետոնների հեղինակ է։ Եղիազարյանի գրական ստեղծագործությունները թարգմանվել են մի շարք լեզուներով։

Նա 1974 թվականից եղել է Հայաստանի գրողների միության (ՀԳՄ) անդամ, նաև՝ Հայաստանի ժուռնալիստների միության (ՀԺՄ) անդամ^[2]։

Երկեր

1972 թվականին Կարլոս Եղիազարյանը գրել է «Լռության լեզուն» երկը^[3]։

1999 թվականին գրել է «Դամասկոս» և «Բարի մարդը» երկերը։ «Բարի մարդը» երկը գրվել է արաբերենով։

2002 թվականին գրել է «Բռնակալի պորտը», իսկ 2003 թվականին՝ «Բեկված ժպիտներ» երկերը։

2004 թվականին Կարլոսը գրել է «Խուստուփի արծիվը» երկը։

2010 թվականին գրել է «Շարժվող բեկոր» երկը։

2014 թվականին Կարլոս Եղիազարյանը գրել է «Կսմիթներ» երկը։

Մրցանակներ

1966 թվականին «Ամուսնություն երևանյան ձևով» պիեսի համար Կարլոս Եղիազարյանը արժանացել է հանրապետական առաջին մրցանակի։

2009 թվականին արժանացել է Հայաստանի գրողների միության (ՀԳՄ) «Գրական վաստակի համար» մեդալի։

2010 թվականին արժանացել է «Հրանտ և Մանուշակ Սիմոնյաններ» գրական ամենամյա մրցանակի։

Ծանոթագրություններ

↑ http://wua.am/%D5%AF%D5%A1%D6%80%D5%AC%D5%B8%D5%BD-%D5%A5%D5%B2%D5%AB%D5%A1%D5%A6%D5%A1%D6%80%D5%B5%D5%A1%D5%B6/ՀԳՄ-ն(չաշխատող հղում) Կառլոս Եղիազարյանի մասին
↑ «Zarkfoundation - Կարլոս Եղիազարյան». zarkfoundation.com.
↑ https://www.grakantert.am/archives/12882 Կարլոս Եղիազարյան-Գրական Թերթ

[1] ttp://wua.am/%D5%AF%D5%A1%D6%80%D5%AC%D5%B8%D5%BD-%D5%A5%D5%B2%D5%AB%D5%A1%D5%A6%D5%A1%D6%80%D5%B5%D5%A1%D5%B6/ՀԳՄ-ն(չաշխատող հղում) Կառլոս Եղիազարյանի մասին

[2] «Zarkfoundation - Կարլոս Եղիազարյան». zarkfoundation.com.

[3] ttps://www.grakantert.am/archives/12882 Կարլոս Եղիազարյան-Գրական Թերթ

[1]

[2]

[3]