Jump to content

Լիլիան Թյուրամ

Վիքիպեդիայից՝ ազատ հանրագիտարանից
Լիլիան Թյուրամ
ֆր.՝ Lilian Thuram
Քաղաքացիությունը  Ֆրանսիա
Ծննդյան ամսաթիվ հունվարի 1, 1972(1972-01-01)[1][2][3][…] (52 տարեկան)
Ծննդավայր Պուանտ ա Պիտր[4]
Հասակ 182 սանտիմետր
Քաշ 75 կիլոգրամ
Դիրք full-back և կենտրոնական պաշտպան

Ռյուդի Լիլիան Թյուրամ Յուլեն (ֆր.՝ Ruddy Lilian Thuram-Ulien, հունվարի 1, 1972(1972-01-01)[1][2][3][…], Պուանտ ա Պիտր[4]), առավել հայտնի է Լիլիան Թյուրամ (ֆր.՝ Lilian Thuram) անվամբ, ֆրանսիացի ֆուտբոլիստ, պաշտպան։

Սրտի հետ կապված խնդրի պատճառով 2008 թվականին հրաժեշտ է տվել ֆուտբոլին։ Ֆրանսիայի ֆուտբոլի ազգային հավաքականի կազմում դարձել է աշխարհի և Եվրոպայի չեմպիոն։ Ազգային հավաքականում անցկացրած խաղերի քանակով գրանցել է ռեկորդ՝ 142 խաղ)[7]։

Կենսագրություն

[խմբագրել | խմբագրել կոդը]

Մինչ ֆոտբոլիստ դառնալը նա պատրաստվում էր դառնալ կաթոլիկ քահանա, սակայն ժամանակին հայտնաբերում է իր մեջ ֆուտբոլիստի տաղանդը և զբաղվում ֆուտբոլով։ Պրոֆեսիոնալ կարիերան սկսել է «Մոնակո» ֆուտբոլային ակումբում՝ 1991 թվականին։ Այնուհետև մեկնել է Իտալիա, որտեղ 10 տարի հանդես է եկել Պարմայի և Յուվենթուսի կազմում։ Չորս անգամ դարձել է Իտալիայի չեմպիոն, երկու մրցաշրջան անցկացրել է «Բարսելոնայի» կազմում և 2008 թվականին մեկնել Ֆրանսիա, որտեղ պատրաստվում էր ընդգրկվեր «Պարի Սեն-Ժերմենի» կազմում[8]։ Սակայն Փարիզում բուժզննում անցնելուց հետո բժիշկներն արգելել են նրան զբաղվել ֆուտբոլով[9]։

Ֆրանսիայի ազգային հավաքականում անցկացրած 142 խաղում դարձել է երկու գոլի հեղինակ, որոնք նա խփել է 1998 թվականի աշխարհի առաջնության կիսաեզրափակչում՝ Խորվաթիայի ֆուտբոլի ազգային հավաքականի դեմ խաղի ժամանակ։ Ֆրանսիայի հավաքականը Թյուրամի խփած գնդակների շնորհիվ դուրս է եկել եզրափակիչ և դարձել աշխարհի չեմպիոն։

Թյուրամը մասնակցել է նաև 2002, 2006 թվականների աշխարհի և 1996, 2000, 2004 և 2008 թվականների Եվրոպայի առաջնություններին։

2008 թվականի հունիսի 9-ին, Եվրոպայի առաջնության Ֆրանսիայի հավաքականի առաջին խաղում Թյուրամը ճանաչվել է առաջին ֆուտբոլիստը, որը 15 խաղ է անցկացրել Եվրոպայի առաջնությունում։ Մինչ այդ 14-ական խաղեր էին իրենց հաշվին գրանցել Զինեդին Զիդանը, Լուիշ Ֆիգուն և Կարել Պոբորսկին։ Ֆրանսիայի հավաքականի անհաջող խաղերից հետո Թյուրամը հայտարարել է իր հավաքականից հեռացման մասին[10]։

Ընդգրկվել է «Ներկայումս ապրող 100 մեծագույն ֆուտբոլիստների» շարքին։

Նվաճումներ

[խմբագրել | խմբագրել կոդը]

Ակումբային

[խմբագրել | խմբագրել կոդը]
«Մոնակո»
  • Ֆրանսիայի գավաթակիր1990/91
«Պարմա»
  • Իտալիայի գավաթակիր 1998/99
  • Իտալիայի սուպերգավաթակիր 1999
  • ՈւԵՖԱ-ի գավաթակիր 1998/99
«Յուվենթուս»
  • Իտալիայի չեմպիոն 2001/02, 2002/03
  • Իտալիայի սուպերգավաթակիր 2002, 2003
«Բարսելոնա»
  • Իսպանիայի սուպերգավաթակիր 2006

Հավաքական

[խմբագրել | խմբագրել կոդը]
  • Եվրոպայի առաջնության բրոնզե մեդալակիր 1996
  • Աշխարհի չեմպիոն 1998
  • Եվրոպայի չեմպիոն 2000ըԿոնֆեդերացիայի գավաթակիր 2003
  • Աշխարհի առաջնության արծաթե մեդալակիր 2006

Անձնական

[խմբագրել | խմբագրել կոդը]
  • Ֆրանսիայի լավագույն ֆուտբոլիստ 1997
  • Իտալիայի տարվա ֆուտբոլիս՝ ըստ «Guerin Sportivo» ամսագրի 1997
  • Աշխարհի առաջնության «բրոնզե գնդակի» մրցանակակիր 1998
  • ՖԻՖԱ 100- անդամ

Անձնական կյանք

[խմբագրել | խմբագրել կոդը]

Թյուրամն ամուսնացած է, ունի երկու որդի, Մարկուսը (1997) ու Խեֆրեն (2001)։ Երկուսն էլ՝ ինչպես հայրը ֆուտբոլիստներ են։ Մարկուս եղել է «Գենգանի» ակումբի ֆուտբոլիստ, 2019 թվականին տեղափոխվել է «Մյոնխենգլադբախի Բորուսիա» ակումբ։ Եղել է Եվրոպայի պատանիների 2016 թվականի չեմպիոն։ Թյուրամի կրտսեր որդին՝ Խեֆրենը հանդես է գալիս «Մոնակոյի» երիտասարդական կազմում։

Լիլիան Թյուրամի ազգակիցը՝ Յոհան Թյուրամը դարպասապահ է, հանդես է եկել «Հավր» ակումբում, 2019 թվականին տեղափոխվել է «Լե Ման» ակումբ[11]։

Ծանոթագրություններ

[խմբագրել | խմբագրել կոդը]
  1. ↑ 1,0 1,1 Transfermarkt.com(բազմ․) — 2000.
  2. ↑ 2,0 2,1 BD Gest' (ֆր.)
  3. ↑ 3,0 3,1 Discogs — 2000.
  4. ↑ 4,0 4,1 4,2 Deutsche Nationalbibliothek Record #1060820552 // Gemeinsame Normdatei (գերմ.) — 2012—2016.
  5. ↑ https://www.su.se/om-universitetet/akademiska-h%C3%B6gtider/hedersdoktorer/fullsp%C3%A4ckat-program-f%C3%B6r-hedersdoktor-lilian-thuram-1.350017
  6. ↑ https://www.tekiano.com/2019/12/12/le-footballeur-lilian-thuram-a-tunis-pour-parler-racisme-au-lycee-pierre-mandes-france/
  7. ↑ «Les records des Bleus» (ֆրանսերեն). www.fff.fr. Արխիվացված է օրիգինալից 2011 թ․ հունիսի 24-ին. Վերցված է 2019 թ․ օգոստոսի 14-ին.
  8. ↑ Тюрам подпишет контракт с «ПСЖ»(չաշխատող հղում). Чемпионат.ру. 26 июня 2008
  9. ↑ Тюрам объявил о завершении игровой карьеры Արխիվացված 2008-08-07 Wayback Machine. Чемпионат.ру. 1 августа 2008
  10. ↑ Тюрам и Макелеле завершили карьеру в сборной Франции Արխիվացված 2008-08-03 Wayback Machine. Чемпионат.ру. 18 июня 2008
  11. ↑ «Известные люди с именем Тюра». Արխիվացված է օրիգինալից 2019 թ․ օգոստոսի 14-ին. Վերցված է 2019 թ․ օգոստոսի 14-ին.

Արտաքին հղումներ

[խմբագրել | խմբագրել կոդը]
Վիքիպահեստն ունի նյութեր, որոնք վերաբերում են «Լիլիան Թյուրամ» հոդվածին։
 ⛭ 
  Թեմատիկ կայքեր
Բառարաններ և հանրագիտարաններ
Ստացված է «https://hy.wikipedia.org/w/index.php?title=Լիլիան_Թյուրամ&oldid=9794820» էջից