Գրանդ հոթել (Կալկաթա)
 | |
|---|---|
 | |
| Տեսակ | հյուրանոց |
| Երկիր |  Հնդկաստան |
| Տեղագրություն | Ward No. 46, Kolkata Municipal Corporation |
| Փողոց | Ջավահառլալ Ներուի փողոց (15) |
| Սեփականատեր | Oberoi Hotels & Resorts |
| Ժառանգության կարգավիճակ | KMC ժառանգության առաջին դասի շինություն |
 | |
 | |
Գրանդ հոթել (անգլ.՝ Grand Hotel), այժմ կոչվում է Օբերոի Գրանդ (անգլ.՝ Oberoi Grand), Կալկաթայի կենտրոնում՝ Ջավահառլալ Ներուի փողոցում գտնվող հյուրանոց է։ Բրիտանական դարաշրջանի հայտնի շենք է, որը պատկանում է Օբերոյի հյուրանոցների ցանցին։
Պատմություն
[խմբագրել | խմբագրել կոդը]Չոուրինգի 13 հասցեում (այժմ՝ Ջավահառլալ Ներու 15[1]), որտեղ տեղակայված է հյուրանոցը 19-րդ դարի սկզբում գնդապետ Գրանդի նստավայրն է եղել։ Այն տուն-ինտերնատի է վերածել տիկին Էննի Մոնկը, որը հետագայում ընդլայնել է իր բիզնեսը և ներառելով փողոցի հարևան՝ 14, 15 և 17 համարի տները։ Չաուրինգին 16 հասցեում գտնվել է «Ռոյալ» թատրոնը, որը պատկանել է Սպահանից ներգաղթած հայ գործարար Արաթուն Սթիվենին։ Երբ 1911 թվականին հյուրանոցը այրվել է, Սթիվենը գնել տիկին Մոնկին պատկանող այրված սեփականությունը և ժամանակի ընթացքում վերակառուցել։ Հյուրանոցը երեք հարկանի էր և ուներ 500 համար։ Գրանդ հոթելը Կալկաթայի առաջին շենքերից էր, որ ուներ հիդրավլիկ վերելակ[1][2]։ Շքեղ նեոդասական ոճով կառուցված հյուրանոցը շուտով դարձել է հայտնի վայր Կալկաթայի անգլիական բնակչության շրջանում։ Հայտնի էր, մասնավորապես, իր ամենամյա ամանորյա երեկույթներով, որոնց ժամանակ շամպայնի և թանկարժեք նվերների հետ մեկտեղ տասներկու խոզուկ էին ազատ արձակման սրահում։ Խոզուկին տիրանում էր յուրաքանչյուրը, ով կկարողանար որսալ նրան[2]։
1937 թվականին, Արաթուն Սթիվենի մահից որոշ ժամանակ անց, Կալկաթայում տիֆի համաճարակ է սկսել, ինչը հանգեցրել է հյուրանոցում վեց մարդու մահվան։ Կասկածներ կային որ պատճատը հյուրանոցի խափանված ջրահեռացման համակարգն է եղել։ Հյուրանոցը փակվել է։ Գույքը վարձակալել է Մոհան Սինգհ Օբերոին, ով 1939 թվականին վերաբացել է հյուրանոցը և 1943 թվականին կարողացել է ամբողջությամբ գնել այն[2]։
Հյուրանոցը վերելք է ապրել Երկրորդ համաշխարհային պատերազմի տարիներին։ 1500 մահճակալ է հատկացվել և շուրջ 4000 բրիտանացի զինվոր է բնակվել պատերազմի ընթացքում։ Նրանք կանոնավոր երեկույթներ են անցկացրել։ Ներկայումս հայտնի է ԱՄՆ ծովային հետևակի պարահանդեսը[1]։
- Պատկերասրահ
-
Կալկաթայի Գրանդ հոթելը 1930-ական թվականներին -
Գրանդ հոթել ներքին բակը -
Գրանդ հոթելի առաջին հարկի դահլիճը -
Գրանդ հոթելի պարահանդեսի դահլիճը
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 «The Oberoi Grand (1890), Kolkata | Historic Hotels of the World-Then&Now». www.historichotelsthenandnow.com. Վերցված է 2021 թ․ փետրվարի 9-ին.
- ↑ 2,0 2,1 2,2 Denby, Elaine (April 2004). Grand Hotels: Reality and Illusion. Reaktion. էջեր 197–198. ISBN 9781861891211.
Արտաքին հղումներ
[խմբագրել | խմբագրել կոդը]
|
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Գրանդ հոթել (Կալկաթա) կատեգորիայում։ |