Գլեն Ջեյկոբս
| Քեյն Kane | |
|---|---|
 | |
| Իրական անուն | Գլեն Թոմաս Ջեյկոբս Glenn Thomas Jacobs |
| Ռինգային անուն(ներ) | Գլեն Ջեյկոբս[1] Անգուս Քինգ[1] Սուրբծննդյան էակ[1] Բրույզեր Մաստինո[1] Սիդ Փաուերս[1] Դումզդեյ[1] Սպարտակ[1] Ունաբոմ[1] Այզեկ Յանկեմ[1] Դիզել[1] Քեյն[1] |
| Ընդհանուր տեղեկություններ | |
| Իրական քաշ | 147 կգ |
| Իրական հասակ | 2,04 մ |
| Ծննդյան թվական | ապրիլի 26, 1967 (57 տարեկան)[2][3] |
| Ծննդավայր |  Տոռեխոն դե Արդոս, Մադրիդ, Իսպանիա[2][4] |
| Ապրելավայր |  Ջեֆերսոն Սիթի, Թենեսի, ԱՄՆ[5] |
| Մարզիչ | Դին Մալենկո |
| Դեբյուտ | 1992 |
| Ամուսին | Քրիստալ Մորիսա Գոյնս (1995-այժմ) |
| Երեխաներ | 2 |
Գլեն Թոմաս Ջեյկոբս (անգլ.՝ Glenn Thomas Jacobs, ապրիլի 26, 1967, Տոռեխոն դե Արդոս, Մադրիդ, Իսպանիա), առավել հայտնի Քեյն ռինգային անվամբ, ամերիկացի պրոֆեսիոնալ ըմբշամարտիկ (ռեստլեր), ապահովագրական բրոկեր, դերասան, քաղաքական գործիչ ԱՄՆ Թենեսի նահանգի Նոքս շրջանի ղեկավար[6]։ Հանդես է գալիս «WWE» կազմակերպությունում։
Ծնվել է Իսպանիայի Տոռեխոն դե Արդոս քաղաքում՝ ԱՄՆ օդային ուժերի ծառայողների ընտանիքում։ Ավարտել է Թրումանի նահանգային համալսարանը՝ անգլիական գրականության բանասերի աստիճանով։ Պրոֆեսիոնալ ըմբշամարտի կարիերան մեկնարկել է 1992 թվականին՝ ելույթներ ունենալով «Smoky Mountain Wrestling» (SMW) և «United States Wrestling Association» (USWA) անկախ առաջնություններում։ 1995 թվականին մարզական պայմանագիր է կնքում «World Wrestling Federation» (այժմ՝ «WWE») կազմակերպության հետ։ Շուրջ երկու տարի ելույթներ ունենալով ռինգային կերպարներում, 1997 թվականին Ջեյկոբսը կատարում է վերանորամուտը որպես Քեյն՝ Անդերթեյքերի արյունակից եղբայր (քեյֆեբ), ում հետ էլ տարիների ընթացքում ունեցել է ինչպես հիշվող հակամարտություններ, այնպես էլ թիմային մարտեր (որպես «Կործանման եղբայրներ» թիմի անդամ)։
Որպես «Քեյն», Ջեյկոբսն համարվել է Վերաբերմունքի ժամանակաշրջանի (ուշ 1990-ականներ և վաղ 2000-ականներ) շրջադարձային կերպարներից մեկը։
«WWF/E»-ում անցկացրած տարիներին ընդհանուր առմամբ նվաճել է 18 չեմպիոնական տիտղոս, որոնցից երեքը՝ աշխարհի (1-ական անգամներ ճանաչվելով WWF, ECW, և Աշխարհի ծանրքաշային չեմպիոն)։ 12 անգամ ճանաչվել է թիմային վարկածով չեմպիոն՝ տարբեր թիմակիցների հետ նվաճելով WWF աշխարհի թիմային, WCW թիմային և WWE թիմային չեմպիոնական տիտղոսները։ Հաղթանակ է տարել նաև 2010 թվականի «Փողը բանկում» մրցույթում։
Ծանոթագրություններ
[խմբագրել | խմբագրել կոդը]- ↑ 1,00 1,01 1,02 1,03 1,04 1,05 1,06 1,07 1,08 1,09 1,10 «Էջը cagematch.net կայքում». Վերցված է 2015 թ․ մայիսի 3-ին.
- ↑ 2,0 2,1 «Kane». Canoe.ca. Արխիվացված է օրիգինալից 2012 թ․ դեկտեմբերի 9-ին. Վերցված է 2007 թ․ դեկտեմբերի 5-ին.
- ↑ «IGN՝ Քեյն (WWE)». «IGN». Արխիվացված է օրիգինալից 2008 թ․ սեպտեմբերի 26-ին. Վերցված է 2008 թ․ մայիսի 19-ին.
- ↑ Օլիվեր, Գրեգ (2007). Պրոֆեսիոնալ ըմբշամարտի փառքի սրահ. հիլեր. «ECW Press». էջ 228. ISBN 1-55022-759-9.
- ↑ Nair, Mona. ««WWE»-ի ռեստլեր Քեյնը համացանցային վաճառքի հետ կապված բանավեճի է հրավիրում նահանգապետ Ռեմզիին». «WATE». Արխիվացված է օրիգինալից 2013 թ․ հունիսի 7-ին. Վերցված է 2013 թ․ մայիսի 24-ին.
- ↑ «Արխիվացված պատճենը». Արխիվացված է օրիգինալից 2015 թ․ հունիսի 28-ին. Վերցված է 2015 թ․ մայիսի 29-ին.
Արտաքին հղումներ
[խմբագրել | խմբագրել կոդը]- Էջը WWE.com կայքում Արխիվացված 2010-10-05 Wayback Machine(անգլ.)
- Այզեկ Յանկեմի էջը WWE.com կայքում(անգլ.)
- «Քաղաքացի Իքսի արկածները»՝ Գլեն Ջեյկոբսի քաղաքական բլոգ Արխիվացված 2009-04-18 Wayback Machine(անգլ.)
 | Վիքիպահեստն ունի նյութեր, որոնք վերաբերում են «Գլեն Ջեյկոբս» հոդվածին։ |
| ||||||||||||||||||
