Անժելա Շահնաբաթյան

Անժելա Շահնաբաթյան;
Ծնվել է	դեկտեմբերի 5, 1925
Ծննդավայր	Օշական, Էջմիածնի գավառ, Հայկական ԽՍՀ, ԱԽՖՍՀ, ԽՍՀՄ
Մահացել է	դեկտեմբերի 15, 2008 (83 տարեկան)
Մահվան վայր	Երևան, Հայաստան
Քաղաքացիություն	Հայկական ԽՍՀ և Հայաստան
Մասնագիտություն	պարուհի
Պարգևներ և ; մրցանակներ

Անժելա Թադևոսի Շահնաբաթյան (դեկտեմբերի 5, 1925(1925-12-05), Օշական, Էջմիածնի գավառ, Հայկական ԽՍՀ, ԱԽՖՍՀ, ԽՍՀՄ - դեկտեմբերի 15, 2008(2008-12-15), Երևան, Հայաստան^[1]), հայ պարուհի։ ՀԽՍՀ վաստակավոր արտիստ (1959)։

Կենսագրություն

Անժելա Շահնաբաթյանը ծնվել է Օշական գյուղում։ Նրա կատարողական վարպետությունը ձևավորվել է Թաթուլ Ալթունյանի, Իլյա Արբատովի և Էդվարդ Մանուկյանի ղեկավարությամբ։ 1941-1970 թվականներին եղել է Հայկական ժողովրդական երգի-պարի համույթի, 1970-1978 թվականներին` Հայֆիլհարմոնիայի առաջատար մենապարուհի։ Շահնաբաթյանի պարարվեստն առանձնացել է հայկական ժողովրդական պարի պլաստիկ, յուրօրինակ մարմնավորմամբ, ազգային վառ շեշտվածությամբ։ Կատարել է «Ուզունդարա», «Նազելի», «Նազպար», «Նաիրի» և այլ պարեր։ Ելույթ է ունեցել աշխարհի ավելի քան 30 երկրներում։

1980-1985 թվականներին եղել է ՀԽՍՀ Գերագույն խորհրդի պատգամավոր^[2]։

ՀԽՍՀ վաստակավոր արտիստ, 1959,
Երիտասարդության և ուսանողների համաշխարհային 6-րդ փառատոնի դափնեկիր, Մոսկվա, 1957։

Անժելա Շահնաբաթյանի անունով է կոչվում Օշականի Մշակույթի պալատի ժողովրդական պարերի համույթը։