Ալխաֆերիա
 Նկարագրություն | |
| Տեսակ | պալատ, դղյակ, խորհրդարանի շենք, հուշարձան և fortified palace? |
| Տեղագրություն | Parque de la Aljafería?, Սարագոսա |
| Վարչական միավոր | Սարագոսա[1][2] |
| Երկիր |  Իսպանիա[1][2] |
| Համալիրի մաս | Արագոնի մուդեխանյան ճարտարապետություն |
| Կազմված է մասերից | Patio de Santa Isabel?, Torre del Trovador?, St Martin's Church?, Aljaferia Mosque?, Patio of Saint Martin?, Q118315839? և Q118315855? |
| Ճարտարապետական ոճ | Արագոնի մուդեխանյան ճարտարապետություն, Իսպանական գոթիկա, վերածննդի ճարտարապետություն, Պլատերեսկո և Taifa art? |
| Ընթացիկ սեփականատեր | Banu Hud? |
 | |
 | |
 Palacio de la Aljafería (Zaragoza) Վիքիպահեստում | |
Ալխաֆերիա (իսպ.՝ Palacio de la Aljafería, արաբ․՝ قصر الجعفرية, Qasr al-Jaʿfariya), մավրիտանական միջնադարյան դղյակ Իսպանիայի Սարագոսա քաղաքում։ Կառուցվել է 11-րդ դարի երկրորդ կեսին։
Պատմություն
[խմբագրել | խմբագրել կոդը]Կորդովայի խալիֆայության անկումից հետո նրա տարածքում ձևավորվել են մի շարք փոքր պետություններ, որոնց 11-րդ դարում ստեղծված թվում էր Սարագոսայի տայֆան։ Պետության ղեկավարները, ներքաշվելով ռազմական բախումների մեջ, ստիպված է լինում համագործակցել Իսպանիայի կաթոլիկական իշխանության հետ։ Մավրիտանական Սարագոսայի վերջին կառավարիչը՝ Աբդ-ալ-Մալիք Իմադ-ադ-Դաուլան հրաժարվել է գահից և ճանաչել Ալֆոնսո І Արագոնցու գերիշխանությունը։ Նա դարձել է Ալֆոնսո I-ի վարած քաղաքականության կողմնակիցն, իսկ նրա զորքը պատերազմական գործողություններին մասնակցել է Արագոնի կողմից։
Ամրոցն ու դղյակը կառուցվել են Սարագոսայի տայֆայի անկախության ու ծաղկման կարճատև ժամանակաշրջանում՝ 11-րդ դարի երկրորդ կեսին[3]։ Այն եղել է Բանու Հուդի (Banu Hud) նստավայրը։ Չնայած իր պետության անկախությանը՝ Բանու Հուդն ընդունել է հարևան քրիստոնեական պետության քաղաքական գերիշխանությունն ու վճարել հարկ։ 1118 թվականին Սարագոսա քաղաքը գրավվել է քրիստոնյա զորքերի կողմից և դարձել Արագոնի թագավորության մայրաքաղաք։
Ամրոցի ամենահին կառույցը Տրուբադուրի աշտարակն է, որի ներքին երկու հարկերը կառուցվել են 9-րդ դարում։ Աշտարակի շինարարությունն ավարտվել է 10-րդ դարում։
Իր անվանումն աշտարակն ստացել է 19-րդ դարում, երբ իսպանացի գրող Անտոնիո Գարսիա Գուտերեսն ստեղծել է «Տրուբադուր» դրաման, որի գործողությունները կատարվում են Ալխաֆերայում[3][4]։ Դրաման վերածվել է օպերայի լիբրետոյի, որի երաժշտությունը գրել է իտալացի կոմպոզիտոր Ջուզեպպե Վերդի 1853 թվականին։
Ամրոցի կառույցները, որ զարդարված են մավրիտանական ոճով, 1492 թվականին հարմարեցվել են դղյակի համար, որ պիտի ծառայեր կաթոլիկ թագավորներին։ Շինության մի մասը վերակառուցվել է 1593 թվականին՝ նպատակ ունենալով ուժեղացնել նրա պաշտպանությունը։ Անկախության համար պատերազմի տարիներին (1808-1814) ամրոցը վնասվել է նապոլեոնյան զորքերի հարձակումներից։
20-րդ դարի երկրորդ կեսին ամրոցը վերակառուցվել է։ Այն հարմարեցվել է Իսպանիայի Կորտեսի (կառավարություն) և Արագոնի օրենսդիր պալատի նիստերի անցկացման համար։
Պատկերասրահ
[խմբագրել | խմբագրել կոդը]-
Ալխաֆերիան գիշերը -
Ամրոցի ու դղյակի նախագիծը (մուգ գույնով նշված են խրամները, պատերն ու աշտարակները) -
Սանտա Իսաբելի բակը վերակառուցումից հետո -
Նախկին մզկիթի մուտքը -
Սան Մարտինի բակը -
Բազմագույն տախտակադրվագ
Ծանոթագրություններ
[խմբագրել | խմբագրել կոդը]- ↑ 1,0 1,1 Wiki Loves Monuments monuments database — 2017.
- ↑ 2,0 2,1 archINFORM (գերմ.) — 1994.
- ↑ 3,0 3,1 «Альхаферия» (ռուսերեն). Արխիվացված օրիգինալից 2012 թ․ օգոստոսի 1-ին. Վերցված է 2011 թ․ մայիսի 31-ին.
- ↑ «Альхаферия» (ռուսերեն). Արխիվացված է օրիգինալից 2012 թ․ օգոստոսի 1-ին. Վերցված է 2011 թ․ մայիսի 31-ին.
Գրականություն
[խմբագրել | խմբագրել կոդը]- BORRÁS GUALIS, Gonzalo La ciudad islámica // Guía histórico-artística de Zaragoza. — 3. — Zaragoza City Council, 1991. — С. 71-100. — ISBN 978-84-86807-76-4
- BIEL IBÁÑEZ, María Pilar Nuevas noticias sobre el palacio de la Aljafería // Guía histórico-artística de Zaragoza. — Zaragoza City Council, 2008. — P. 711-727. — ISBN 978-84-7820-948-4
- CABAÑERO SUBIZA, Bernabé La Aljafería. — Zaragoza: Cortes de Aragón, 1998. — ISBN 978-84-86794-97-2
- EXPÓSITO SEBASTIÁN La Aljafería de Zaragoza. — 6. — Zaragoza: Cortes de Aragón, 2006. — ISBN 978-84-86794-13-2
Արտաքին հղումներ
[խմբագրել | խմբագրել կոդը]- «Крепость Альхаферия и некоторые другие здания Сарагосы» (ռուսերեն). Արխիվացված օրիգինալից 2012 թ․ օգոստոսի 1-ին. Վերցված է 2011 թ․ մայիսի 31-ին.
- «Дворец Альхаферия - сокровище Сарагосы» (ռուսերեն). Արխիվացված է օրիգինալից 2012 թ․ օգոստոսի 1-ին. Վերցված է 2011 թ․ մայիսի 31-ին.
 | Վիքիպահեստն ունի նյութեր, որոնք վերաբերում են «Ալխաֆերիա» հոդվածին։ |
| ||||||||||||
