Jump to content

Ագուս

Վիքիպեդիայից՝ ազատ հանրագիտարանից
Ագուս
իսպ.՝ Agustín García Íñiguez
Քաղաքացիությունը  Իսպանիա
Ծննդյան ամսաթիվ մայիսի 3, 1985(1985-05-03)[1][2][3][…] (39 տարեկան)
Ծննդավայր Bonete, Ալբասետե, Կաստիլիա-Լա Մանչա, Իսպանիա
Հասակ 183 սանտիմետր
Քաշ 75 կիլոգրամ
Դիրք պաշտպան
Ակումբային տեղեկություններ
Ներկա ակումբ Դանիա«Էսբյերգ»
Համար 4
Պատանեկան կարիերա
-2004 Իսպանիա Ալբաստե
Մասնագիտական կարիերա*
Տարի Ակումբ Խաղ (Գոլ)
2005 Իսպանիա «Ալբաստե» 7 (0)
2004—2005 Իսպանիա «Ալբաստե» B 32 (0)
2005—2009 Իսպանիա «Ռեալ Մադրիդ B» 91 (3)
2007—2008 Իսպանիա «Սելտա» 29 (1)
2009—2011 Իսպանիա «Կորդովա» 56 (3)
2011—2012 Իսպանիա «Ալկորկոն» 40 (2)
2012—2013 Թուրքիա «Օրդուսպոր» 24 (0)
2013—2015 Իսպանիա «Մալյորկա» 45 (2)
2015—2016 Իսպանիա «Ալբաստե» 9 (0)
2016—2017 Ամերիկայի Միացյալ Նահանգներ «Հյուսթոն Դինամո» 8 (0)
2017 Ամերիկայի Միացյալ Նահանգներ РГВ Торос 1 (0)
2017—ներկա Դանիա «Էսբյերգ» 0 (0)
Ազգային հավաքական
2005 Իսպանիա Իսպանիայի մինչև 20 տարեկանների հավաքական 1 (0)
Մարզչական կարիերա
0000
0000
0000
0000
* Մասնագիտական կարիերայում ընդգրկված են միայն առաջնության խաղերը և գոլերը:

Ագուստին Գարսիա Ինիգես (առավել հայտնի է Ագուս անունով, իսպ.՝ Agustín García Íñiguez, մայիսի 3, 1985(1985-05-03)[1][2][3][…], Bonete, Ալբասետե, Կաստիլիա-Լա Մանչա, Իսպանիա), իսպանացի ֆուտբոլիստ, խաղում է դանիական «Էսբյերգ» ֆուտբոլային ակումբում որպես կենտրոնական պաշտպան։

Ակումբային կարիերա

[խմբագրել | խմբագրել կոդը]

Ագուստին Գարսիա Ինիգեսը հանդիսանում է «Ալբաստե» ֆուտբոլային ակումբի սան։ Հանդես է եկել ակումբի երիտասարդական և փոխարինող կազմերում։ 2004/2005 մրցաշրջանում Ագուստին Գարսիան Պրիմերայում երիտասարդական թիմի կազմով խաղացել է յոթ խաղ։ 2005 թվականի ամռանը Ագուստին Գարսիան տեղափոխվել է «Ռեալ Մադրիդ Կաստիլիա» ֆուտբոլային ակումբ[4], որի կազմում անցկացրել է երեք մրցաշրջան՝ Սեգունդայում և Սեգունդա B-ում խաղալով 91 խաղ և խփելով երեք գնդակ։ 2007/2008 մրցաշրջանում Ագուստին Գարսիան վարձավճարով խաղացել է «Սելտա» ֆուտբոլային ակումբի կազմում[5]։

2009 թվականին Ագուստին Գարսիան տեղափոխվել է «Կորդովա»[6]։ Այս թիմում երկու մրցաշրջանում խաղացել է Սեգունդայում 56 խաղ և խփել երեք գնդակ։ 2011 թվականի ամռանը նա տեղափոխվել է մադրիդյան «Ալկորկոն», որի հետ կնքել է երկու տարվա պայմանագիր[7]։ Այս ակումբում նա եղել է առաջատարներից մեկը և մեկնարկային կազմում մրցաշրջանի ընթացքում խաղացել է 40 խաղ և խփել երեք գնդակ։

2012 թվականի ամռանը Ագուստին Գարսիան չորսամյա պայմանագիր է կնքել թուրքական «Օրդուսպոր» ֆուտբոլային ակումբի հետ, որի կազմում մասնակցել է թուրքական սուպերլիգային։ Ակումբը, որը մարզում էր Հեկտոր Կուպերը, մրցաշրջանը հաջող մեկնարկեց և յոթ մրցափուլերից հետո հաշվարկային աղյուսակում զբաղեցրեց երկրորդ հորիզոնականը[8], սակայն հետագայում տեղի ունեցավ անկում, որը հանգեցրեց սուպերլիգայից թիմի դուրս մնալուն։ Մրցաշրջանի ավարտին Ագուստին Գարսիան, ով հանդիսանում էր «Օրդուսպոր» ֆուտբոլային ակումբի հիմնական կենտրոնական պաշտպանը, հեռացավ թիմից։

2013 թվականի հուլիսին Ագուստին Գարսիան ազատ խաղացողի կարգավիճակով եռամյա պայմանագիր է կնքում իսպանական «Մալյորկա» ֆուտբոլային ակումբի հետ[9]։ 2015 թվականի ամռանը նա «Մալյորկայի» ղեկավարության հետ պայմանավորվում է ժամանակից շուտ պայմանագիրն ավարտելու մասին և ազատ խաղացողի կարգավիճակով եռամյա պայմանագիր կնքում «Ալբասետե» ֆուտբոլային ակումբի հետ[10]։

2016 թվականի հունվարի 27-ին Ագուստին Գարսիան պայմանագիր է կնքում MLS-ի առաջնության «Հյուսթոն Դինամո» ֆուտբոլային ակումբի հետ[11]։

2017 թվականի հուլիսի 10-ին Ագուստին Գարսիան ազատ խաղացողի կարգավիճակով պայմանագիր է կնքում դանիական «Էսբյերգ» ֆուտբոլային ակումբի հետ, որը հանդես է գալիս Դանիայի բարձրագույն խմբի առաջնությունում։ Պայմանագիրը նախատեսված է երկու տարի ժամանակահատվածի համար[12]։

Կարիերան հավաքականում

[խմբագրել | խմբագրել կոդը]

Ագուստին Գարսիան մեկ խաղ է անցկացրել Իսպանիայի մինչև 20 տարեկանների հավաքականի կազմում, որը տեղի է ունեցել 2005 թվականին աշխարհի երիտասարդական թիմերի առաջնության ժամանակ ընդդեմ Հոնդուրասի երիտասարդական հավաքականի։ Այդ խաղն ավարտվել է 3:0 հաշվով[13]։

Ծանոթագրություններ

[խմբագրել | խմբագրել կոդը]
  1. ↑ 1,0 1,1 Transfermarkt.com(բազմ․) — 2000.
  2. ↑ 2,0 2,1 https://www.uslchampionship.com/agus
  3. ↑ 3,0 3,1 FBref.com(բազմ․)
  4. ↑ «Agus: "El Castilla es un gran salto en mi carrera"» (իսպաներեն). AS.com. 2005 թ․ օգոստոսի 7. Վերցված է 2015 թ․ նոյեմբերի 19-ին.
  5. ↑ «Javi García, traspasado a Osasuna; Agus, cedido al Celta» (իսպաներեն). AS.com. 2007 թ․ օգոստոսի 30. Վերցված է 2015 թ․ նոյեմբերի 19-ին.
  6. ↑ «El Real Madrid traspasa al central 'Agus' al Córdoba» (իսպաներեն). AS.com. 2009 թ․ օգոստոսի 29. Վերցված է 2015 թ․ նոյեմբերի 19-ին.
  7. ↑ «Agus refuerza la defensa del Alcorcón» (իսպաներեն). Marca. 2011 թ․ օգոստոսի 7. Վերցված է 2015 թ․ նոյեմբերի 19-ին.
  8. ↑ Rubio, Quique. (2012 թ․ հոկտեմբերի 11). «Agus y Barral: pasión turca en el Orduspor» (իսպաներեն). AS.com. Վերցված է 2015 թ․ նոյեմբերի 19-ին.
  9. ↑ «El Mallorca anuncia el fichaje de Agus» (իսպաներեն). Marca. 2013 թ․ հուլիսի 10. Վերցված է 2015 թ․ նոյեմբերի 19-ին.
  10. ↑ «Agus rescinde contrato con el Mallorca y regresa al Albacete» (իսպաներեն). Marca. 2015 թ․ օգոստոսի 31. Վերցված է 2015 թ․ նոյեմբերի 19-ին.
  11. ↑ «Houston Dynamo Sign Spaniards David Rocha and Agus» (անգլերեն). Our Sports Central. 27 January, 2016. Վերցված է 2016 թ․ հուլիսի 16-ին.
  12. ↑ Hoffskov, Ole. (2017 թ․ հուլիսի 10). «Tidligere Real Madrid-talent skifter til Esbjerg» (dk). Tipsbladet.dk. Վերցված է 2017 թ․ օգոստոսի 6-ին.{{cite web}}: CS1 սպաս․ չճանաչված լեզու (link)
  13. ↑ «FIFA Tournaments - Players & Coaches - AGUS» (անգլերեն). FIFA.com. Արխիվացված է օրիգինալից 2015 թ․ նոյեմբերի 19-ին. Վերցված է 2015 թ․ նոյեմբերի 19-ին.

Արտաքին հղումներ

[խմբագրել | խմբագրել կոդը]
 ⛭ 
  Թեմատիկ կայքեր
Ստացված է «https://hy.wikipedia.org/w/index.php?title=Ագուս&oldid=10001374» էջից