Սանկտ Պետերբուրգի մետրոյի պայթյուններ (2017)
| Սանկտ Պետերբուրգի մետրոյի պայթյուններ | |
|---|---|
 | |
| Տեսակ | ահաբեկչական ակտ և ահաբեկչական հարձակում պայթյունով |
| Երկիր |  Ռուսաստան[1] |
| Գրոհի վայր | Սանկտ Պետերբուրգ, Ռուսաստան |
| Տեղադրանք | Սանկտ Պետերբուրգ, Սեննայա պլոշչադ և Տեխնոլոգիչեսկի ինստիտուտ |
| Գրոհի նպատակ | Խաղաղ բնակչություն |
| Տարեթիվ | Ապրիլի 3, 2017 |
| Զենք | Կոտորակառումբեր[2] |
| Զոհվածներ | 14 (ներառյալ ահաբեկիչը) |
| Վիրավորներ | 51 |
| Ահաբեկիչների քանակ | 1 |
 2017 Saint Petersburg Metro bombing Վիքիպահեստում | |
Սանկտ Պետերբուրգի մետրոյի պայթյուններ, ահաբեկչական գործողություն Ռուսաստանի Դաշնության Սանկտ Պետերբուրգ քաղաքի մետրոպոլիտենում։ Նախնական տվյալներով զոհվել է 14, և վիրավորում ստացել՝ 51 մարդ[2][3]։ Որոշ տվյալներով՝ գնացքի վագոնում պայթել է ինքնաշեն պայթուցիկ սարք[4]։
Դեպքը տեղի է ունեցել 2017 թվականի ապրիլի 3-ին՝ Սանկտ Պետերբուրգի մետրոպոլիտենի «Սեննայա պլոշչադ» և «Տեխնոլոգիչեսկի ինստիտուտ» կայարանների[2][5][6] միջև ընկած ուղեմասում։
Պայթյուններ և հետագա զարգացումներ
[խմբագրել | խմբագրել կոդը]2017 թվականի ապրիլի 3-ին, ժամը 13:30-ի սահմաններում, պայթյուններ են որոտացել «Սեննայա պլոշչադ» կայարանից դեպի «Տեխնոլոգիչեսկիյ ինստիտուտ» ուղևորվող գնացքի վագոնում։ Պայթուցիկ սարքը տեղակայված է եղել ճամպրուկի մեջ։ Համաձայն ՌԴ արտակարգ իրավիճակների նախարարության եզրակացության, պայթյունը որոտացել է գնացքի երրորդ վագոնում։ Ականատեսների վկայությամբ, պայթյունը տեղի է ունեցել գնացքի դռան մոտ, ինչից հետո ծուխն անմիջապես տարածվել է ողջ վագոնով մեկ։ Պայթյուններից հետո իշխանությունները հայտարարեցին քաղաքի բոլոր մետրոկանգառների աշխատանքի դադարեցման մասին[7]։ Ուշ երեկոյան, երրորդ, չորրորդ և հինգերորդ գծերում մետրոպոլիտենը վերսկսկեց իր կանոնավոր աշխատանքը։
Ավելի ուշ չգործարկված պայթուցիկ սարք է հայտնաբերվել «Պլոշչադ վոսստանիա» կայարանում[8], ինչն անմիջապես վնասազերծվել է։ Պայթուցիկը պարունակել է մոտավորապես 1 կիլոգրամ տրոտիլ (ՏՆՏ)։
Դեպքից հետո, հսկողությունը բարձրացվեց երկրի մյուս խոշոր քաղաքների մետրոպոլիտեններում և օդանավակայաններում։
Որևէ ահաբեկչական խմբավորում դեռևս իր վրա չի վերցրել հարձակման պատասխանատվությունը։ Տեղական ժամանակով ժամը 16:30-ին, ՌԴ գլխավոր դատախազությունը մետրոյում կատարված պայթյունները ճանաչեց որպես ահաբեկչական գործողություն[9]։
Զոհեր
[խմբագրել | խմբագրել կոդը]Ռուսաստանի Դաշնության առողջապահության նախարարության հաղորդմամբ, հարձակումներից տուժել է 50 մարդ, որոնցից 14-ը՝ մահացել, ընդ որում նրանցից 7-ը զոհվել էր հենց տեղում, իսկ մնացածը՝ հիվանդանոցում։ Հոսպիտալացվել էր 39 մարդ, որոնցից վեցը՝ ծանր վիճակում։ Տուժածների շարքում կային երեխաներ։
| Քաղաքացիություն | Զոհեր |
|---|---|
| Ռուսաստան[10][11][12]
|
4 |
 Ղազախստան[12][13][14]
|
1 |
 Ադրբեջան[12][15]
|
1 |
 Բելառուս[14][16]
|
1 |
 Ուզբեկստան[14][16]
|
1 |
 Տաջիկստան[14][16]
|
1 |
| Անհայտ | 5 |
| Ընդհանուր | 14 |
Ահաբեկիչը
[խմբագրել | խմբագրել կոդը]Պայթյուններն իրականացնելու մեջ կասկածվում էր ոմն 22-ամյա Ակբարժոն Ջալիլովը, ով ծնունդով Ղրղըզստանից Ռուսաստանի քաղաքացի էր[17]։ Ջալիլովը ծնվել էր 1995 թվականին՝ Ղրղըզստանի հարավային Օշ շրջանում, ով Մոսկվա էր տեղափոխվել 2011 թվականին։ «Մոսկովսկիյ կոմսոմոլեց» թերթի և «Gazeta.ru» լրատվական կայքի փոխանցմամբ, 2015 թվականի դրությամբ Ջալիլովն աշխատել է մոսկովյան սուշի բարերից մեկում որպես խոհարար[18], իսկ այլ աղբյուրների պնդմամբ, Ջալիլովն աշխատել է որպես ավտոմեխանիկ և անհետացել էր պայթյուններից մի քանի շաբաթ առաջ։ «Ինտերֆաքս» տեղեկատվական գործակալության փոխանցմամբ, ռուսաստանյան իշխանությունները կասկածում են, որ Ջալիլովը կարող էր հնարավոր կապեր ունենալ ռադիկալ իսլամական խմբավորումների հետ[19]։
Տես նաև
[խմբագրել | խմբագրել կոդը]- Իսլամիստական ահաբեկչական հարձակումների ցանկ
- Մոսկվայի մետրոյի պայթյուններ (2010)
- 1977 թ. Մոսկվայի պայթյուններ
Ծանոթագրություններ
[խմբագրել | խմբագրել կոդը]- ↑ 容疑者は２人か 自爆テロとの報道も 死者１１人に (яп.) — 産業経済新聞社, 2017.
- ↑ 2,0 2,1 2,2 «St Petersburg metro explosions kill ten - media». BBC. 2017 թ․ ապրիլի 3. Վերցված է 2017 թ․ ապրիլի 3-ին.
- ↑ «Explosion in St Petersburg metro; several injured - Life News». Reuters. 2017 թ․ ապրիլի 3. Վերցված է 2017 թ․ ապրիլի 3-ին.
- ↑ St Petersburg metro explosion kills 11 in Russia
- ↑ «Взрывы в метро Петербурга. Онлайн-репортаж». «ՌԻԱ նովոստի». 2017 թ․ ապրիլի 3. Վերցված է 2017 թ․ ապրիլի 3-ին.
- ↑ «В Санкт-Петербурге произошел взрыв в метро. Онлайн-трансляция». rbc.ru. Վերցված է 2017 թ․ ապրիլի 3-ին.
- ↑ «Կրկնակի պայթյուն Ս. Պետերբուրգի մետրոյում․ կան տասնյակ զոհեր և վիրավորներ». «Հրապարակ». Վերցված է 2017 թ․ ապրիլի 3-ին.
- ↑ «Պետերբուրգի մետրոյի ևս մեկ կայարանում պայթուցիկ սարք է հայտնաբերվել». Արմենպրես. Վերցված է 2017 թ․ ապրիլի 3-ին.
- ↑ «Դատախազությունը «ահաբեկչություն» է որակել Սանկտ Պետերբուրգի մետրոյի պայթյունը». «Ազատություն». Վերցված է 2017 թ․ ապրիլի 7-ին.
- ↑ «Champion of Russia in hand-to-hand fighting is victim of St. Petersburg terrorist attack». Crime Russia (անգլերեն). Արխիվացված է օրիգինալից 2017 թ․ ապրիլի 6-ին. Վերցված է 2017 թ․ ապրիլի 5-ին.
- ↑ «Mom sacrifices herself to save daughter in Russian subway attack». New York Post (անգլերեն). Վերցված է 2017 թ․ ապրիլի 5-ին.
- ↑ 12,0 12,1 12,2 «St Petersburg metro bomb victims identified». BBC (անգլերեն). Վերցված է 2017 թ․ ապրիլի 5-ին.
- ↑ «Названо имя предполагаемого террориста-смертника в Санкт-Петербурге». mk.ru (ռուսերեն). Վերցված է 2017 թ․ ապրիլի 4-ին.
- ↑ 14,0 14,1 14,2 14,3 «Verdächtiger Kasache ist unter den Opfern». n-tv (գերմաներեն). Վերցված է 2017 թ․ ապրիլի 4-ին.
- ↑ «Azerbaijani woman confirmed dead in St. Petersburg metro blast – UPDATED». apa.az Mail (անգլերեն). Արխիվացված է օրիգինալից 2017 թ․ ապրիլի 5-ին. Վերցված է 2017 թ․ ապրիլի 4-ին.
- ↑ 16,0 16,1 16,2 «St. Petersburg: Zahl der Terroropfer steigt auf 14». Die Presse (գերմաներեն). Վերցված է 2017 թ․ ապրիլի 4-ին.
- ↑ «Սանկտ Պետերբուրգի պայթյունի գործով կասկածյալը ծնունդով Ղրղըզստանից ՌԴ քաղաքացի է». «Ազատություն». Վերցված է 2017 թ․ ապրիլի 7-ին.
- ↑ «Появились новые фото предполагаемого смертника из метро Петербурга». Газета.Ru. Վերցված է 2017 թ․ ապրիլի 4-ին.
- ↑ Sharman, Jon (2017 թ․ ապրիլի 4). «Russia attack: Kyrgyzstan releases name of suspect in St Petersburg metro bombing». Independent. Վերցված է 2017 թ․ ապրիլի 4-ին.