Միքայել Մինասյան (փիլիսոփա)

Միքայել Մինասյան;
Ծնվել է	նոյեմբերի 5, 1927
Ծննդավայր	Լենինական, Հայկական ԽՍՀ, ԱԽՖՍՀ, ԽՍՀՄ
Մահացել է	մարտի 11, 2013 (85 տարեկան)
Քաղաքացիություն	ԽՍՀՄ և Հայաստան
Կրթություն	Երևանի պետական համալսարան
Գիտական աստիճան	փիլիսոփայական գիտությունների դոկտոր
Մասնագիտություն	փիլիսոփա, պատմաբան և տնտեսագետ

Վիքիպեդիայում կան հոդվածներ Մինասյան ազգանունով այլ մարդկանց մասին։

Միքայել Մկրտչի Մինասյան (նոյեմբերի 5, 1927(1927-11-05), Լենինական, Հայկական ԽՍՀ, ԱԽՖՍՀ, ԽՍՀՄ - մարտի 11, 2013(2013-03-11)), հայ փիլիսոփա, միջազգայնագետ-պատմաբան։ Փիլիսոփայական գիտությունների դոկտոր (1984), պրոֆեսոր (1985):

Արա և Արմեն Մինասյանների հայրը։

Կենսագրություն

Միքայել Մինասյանը ծնվել է 1927 թվականի նոյեմբերի 5-ին Գյումրիում։ 1949-1950 թվականներին ավարտել է Երևանի պետական համալսարանի միջազգային հարաբերությունների և տնտեսագիտության ֆակուլտետները։ Ակտիվ գործունեություն է իրականացրել կուսակցական, հասարակական, քաղաքական աշխատանքներում, զբաղվել գիտամանկավարժական գործունեությամբ։ ՀԿԿ Երևանի քաղաքային կոմիտեում ղեկավարել և համակարգել է գիտության, կրթության, մշակույթի բնագավառների հիմնարկների աշխատանքը։ Ղեկավարել է Մխիթար Հերացու անվան պետական բժշկական ինստիտուտի քաղաքագիտության ամբիոնը, մասնակցել Երևանի գիտության, բարձրագույն և միջնակարգ կրթության ղեկավարմանը։ Երկար տարիներ ղեկավարել է Երևանի գիտական և արդյունաբերական կենտրոն հանդիսացող 26 կոմիսարների անվան շրջանը^[1]։

Հեղինակ է 10 մենագրությունների, 70 գիտական հոդվածների և քաղաքագիտական թեմաներով բազմաթիվ գրքերի։

Երկեր

Արտադրական կոլեկտիվի զարգացման դիալեկտիկան արդի պայմաններում, Երևան, 1980։
Կառավարման կատարելագործման դիալեկտիկան արդի պայմաններում, Երևան, 1990։
«Քաղաքական գործունեություն և անհատ»
«Քաղաքական լիդեր», Պատմաքաղաքագիտական-հրապարակախոսական մտորումներ։ Երևան, Գիտություն, 2000, 543 էջ^[2]։
«Քաղաքական էլիտա», Սոցիալ քաղաքագիտական, բարոյագիտական-հրապարակախոսական մտորումներ։ Երևան, Երևանի համալսարանի հրատարակչություն, 2005, 496 էջ^[3]։
«Ժամանակը, մարդը և նրա գործը», Երևան, 2002։
«Քաղաքական կուլտուրա», Երևան, 1997։

Ընտանիք

Կինը՝ Նինել Մինասյանը, աշխատել է Վալերի Բրյուսովի անվան պետական լեզվաբանական համալսարանի հայագիտության ամբիոնում։ Եղել է բանասիրական գիտությունների թեկնածու, դոցենտ։ Որդին՝ Արա Մինասյան, «Սուրբ Գրիգոր Լուսավորիչ» բժշկական կենտրոնի գլխավոր տնօրենն է, թոռը՝ Միքայել Արայի Մինասյանը մեդիամագնատ, դեսպան, բիզնեսմեն, Մալթայի Ինքնիշխան Մարտական Ուխտում Հայաստանի Հանրապետության արտակարգ և լիազոր դեսպան։

Հիշատակ

Մինասյանի ընտանիքի ջանքերով ստեղծվել է «Հասրաթյան-Մինասյան» հիմնադրամը կրթամշակութային հիմնադրամը^[4]։

Ծանոթագրություններ

↑ Մահացել է անվանի գիտնական Միքայել Մինասյանը
↑ Մինասյան, Միքայել Մկրտչի (2000). Քաղաքական լիդեր։ Պատմաքաղաքագիտական-հրապարակախոսական մտորումներ. Գիտություն. ISBN 9785808004627.
↑ Մինասյան, Միքայել Մկրտչի (2005). Քաղաքական էլիտա։ Սոցիալ քաղաքագիտական, բարոյագիտական-հրապարակախոսական մտորումներ. Երևանի համալսարանի հրատարակչություն. ISBN 9785808406261.
↑ ««Հասրաթյան-Մինասյան» հիմնադրամը սկսում է իր գործունեությունը». Միքայել Մինասյան

Արտաքին հղումներ

Մեծ գիտնական Միքայել Մինասյան… «Ամբողջ կյանքի ընթացքում հավատարիմ մնաց իր որդեգրած գաղափարներին». հիշում են ընկերները

[1] Մահացել է անվանի գիտնական Միքայել Մինասյանը

[2] Մինասյան, Միքայել Մկրտչի (2000). Քաղաքական լիդեր։ Պատմաքաղաքագիտական-հրապարակախոսական մտորումներ. Գիտություն. ISBN 9785808004627.

[3] Մինասյան, Միքայել Մկրտչի (2005). Քաղաքական էլիտա։ Սոցիալ քաղաքագիտական, բարոյագիտական-հրապարակախոսական մտորումներ. Երևանի համալսարանի հրատարակչություն. ISBN 9785808406261.

[4] ««Հասրաթյան-Մինասյան» հիմնադրամը սկսում է իր գործունեությունը». Միքայել Մինասյան

[1]

[2]

[3]

[4]