Հենրիկ Բաբախանյան

Վիքիպեդիայում կան հոդվածներ Բաբախանյան ազգանունով այլ մարդկանց մասին։

Հենրիկ Բաբախանյան
Ծնվել է	հունիսի 17, 1941(1941-06-17)
Ծննդավայր	Երևան, Հայկական ԽՍՀ, ԽՍՀՄ
Վախճանվել է	1999
Մասնագիտություն	բանաստեղծ
Հենրիկ Բաբախանյան Վիքիդարանում

Հենրիկ Սարիբեկի Բաբախանյան (հունիսի 17, 1941(1941-06-17), Երևան, Հայկական ԽՍՀ, ԽՍՀՄ - 1999), հայ բանաստեղծ, ԽՍՀՄ գրողների միության անդամ 1984 թվականից։

Ծնվել է Երևանում։ 1962 թվականին ընդունվել է Երևանի պետական համալսարանի բանասիրական ֆակուլտետի հայոց լեզվի և գրականության բաժինը։ 1964 թվականին զորակոչվել է խորհրդային բանակ և ծառայել մինչև 1966 թվականը։ Զորացրվելուց հետո շարունակել է ուսումը և համալսարանն ավարտել 1969 թվականին։ 1970-1983 թվականներին աշխատել է ՀԽՍՀ Մինիստրների խորհրդի հեռուստատեսության և ռադիոհաղորդումների պետական կոմիտեում որպես ավագ խմբագիր։ 1983 թվականից եղել է Հայգրքի Երևանի թիվ 33 բուկինիստական խանութի տնօրեն։

Երկերի մատենագիտություն

• Սպիտակ բացատներ (բանաստեղծություններ), Երևան, «Հայաստան», 1976, 68 էջ։
• Մարտ առանց զենքի (բանաստեղծություններ), Երևան, «Սովետական գրող», 1981, 72 էջ։
• Արևի տաճարը, Երևան, «Սովետական գրող», 1984, 80 էջ։
• Դիցարան (բանաստեղծություններ և պոեմ), Երևան, 1988, 152 էջ։
• Գիրք մերկության (բանաստեղծություններ), Երևան, 2003, 72 էջ։
• Մարդու առեղծվածը (բանաստեղծություններ), Երևան, 2011, 616 էջ։

Ծանոթագրություններ

Վիքիդարանն ունի նյութեր, որոնք վերաբերում են «Հենրիկ Բաբախանյան» հոդվածին։