Ալեքսանդր Աստրախանցև
Ալեքսանդր Աստրախանցև | |
|---|---|
| Ծնվել է | հունիսի 1, 1938 (86 տարեկան) |
| Ծննդավայր | Բելոյարկա, Դուբրովինսկի գյուղխորհուրդ, Մոշկովսկի շրջան, Նովոսիբիրսկի մարզ, ՌԽՖՍՀ, ԽՍՀՄ |
| Մասնագիտություն | գրող և հրապարակախոս |
| Լեզու | ռուսերեն |
| Քաղաքացիություն |  ԽՍՀՄ և  Ռուսաստան |
| Կրթություն | Նովոսիբիրսկի ճարտարապետության և շինարարության պետական համալսարան (1959) և Մաքսիմ Գորկու անվան գրականության ինստիտուտ (1970) |
| Անդամակցություն | ԽՍՀՄ Գրողների միություն և Ռուսաստանի գրողների միություն |
Ալեքսանդր Իվանովիչ Աստրախանցև (ռուս.՝ Александр Иванович Астраханцев, հունիսի 1, 1938, Բելոյարկա, Դուբրովինսկի գյուղխորհուրդ, Մոշկովսկի շրջան, Նովոսիբիրսկի մարզ, ՌԽՖՍՀ, ԽՍՀՄ), ռուս խորհրդային գրող, հրապարակախոս, ԽՍՀՄ Գրողների միության անդամ (1982)։ Ռուսաստանի գրողների միության անդամ (2001)։
Կենսագրություն
[խմբագրել | խմբագրել կոդը]Ալեքսանդր Աստրախանցևը ծնվել է 1938 թվականի հունիսի 1-ին, Նովոսիբիրսկի մարզի Մոսկովսկի շրջանի Բելոյարկա գյուղում, անասնաբույժների, հետագայում ուսուցիչների ընտանիքում։ 1959 թվականին ավարտել է ուսումը Նովոսիբիրսկի ինժեներա-շինարարական ինստիտուտում։ Ավարտելուց հետո տեղափոխվել է Կրասնոյարսկ քաղաք և մասնակցել Համամիութենական Կոմերիտական շինարարական նախագծին։ Աշխատել է որպես վարպետ, աշխղեկ, այնուհետև նշանակվել Կրասնոյարսկի ցելյուլոզայի և թղթի գործարանի շինարարության տեղամասի պետ։ Այնուհետև մասնակցել է Կրասնոյարսկի ալյումինի գործարանի շինարարությանը, աշխատել է որպես գլխավոր տեխնոլոգ, ապա նշանակվել Կրասնոյարսկի տնաշինական կոմբինատի տնօրենի տեղակալ։ 22 տարի աշխատել է տարբեր շինարական ընկերություններում[1]։
1970 թվականին հեռակա ավարտել է ուսումը Մաքսիմ Գորկու անվան գրականության ինստիտուտում[2]։
Ստեղծագործել սկսել է վաղ տարիքից՝ գրելով ռոմանտիկ բանաստեղծություններ։ Նրա «Դժվարին ճանապարհներով դեպի երջանկություն» առաջին պատմվածքն ընթերցողի դատին է ներկայացվել 1966 թվականին՝ «Енисей» ամսագրում։ Հետագայում նրա արձակ ստեղծագործությունները հրապարակվել են «Сибирские огни», «Молодая гвардия», «День и ночь», «Наш современник» ամսագրերի էջերում։ Աստրախանցևի առաջին գիրքը՝ «Եվ շոգենավերը կանցնեն», լույս է տեսել 1978 թվականին Կրասնոյարսկ քաղաքում։ Այնուհետև ընթերցողի դատին է հանձնվել նրա «Վարձով տուն», «Աշխատանքային օր», «Ապրելու բարձր արվեստ», «Համաքաղաքացիներ», «Պատառաքաղ», «Ամռան կեսերին» վիպակների և պատմվածքների գրքերը։ 1984 թվականին «Очерк» անվանակարգում դարձել է «Молодая гвардия» ամսագրի մրցանակի դափնեկիր (լրագրության ոլորտում)[3]։
1992-2010 թվականներին Աստրախանցևի ստեղծագործությունները չեն տպագրվել, Ալեքսանդր Իվանովիչը այդ ժամանակահատվածում գրել է պիեսներ, որոնք 2017 թվականին լույս են տեսել առանձին գրքով՝ «Այսօր գիշեր` սեր»։ 2010 թվականին ընթերցողի դատին է ներկայացվել «Հակատղամարդ» գիրքը, որն ընդգրկված է եղել Իվան Բունինի անվան մրցանակի երկար ցուցակում, իսկ 2011 թվականին լույս է տեսել նրա «Կրասնոյարսկ։ Դիմանկարներ։ XX դար» ակնարկների գիրքը[4]։
2001 թվականից Ռուսաստանի գրողների միության անդամ է։ 2006-2016 թվականներին եղել է Ռուսաստանի գրական հիմնադրամի Կրասնոյարսկի մասնաճյուղի նախագահը։
Բնակվում է Կրասնոյարսկ քաղաքում, ունի երկու երեխա և վեց թոռ։
Պարգևներ[5]
[խմբագրել | խմբագրել կոդը]- «Հակատղամարդ» վեպն ընդգրկվել է Չեխովի և Մեծ գրքի մրցանակների երկար ցուցակում և Բունինի մրցանակի կարճ ցուցակում,
- «Ամուսնություն XXI» պիեսը ընդգրկվել է «Դրամայի ժամանակը։ Ձմեռ - 2014» միջազգային դրամատիկական մրցույթի կարճ ցուցակում։
- «Դու, ինքդ, քո մասին» գիրքը Բեռլինի ռուսալեզու գրականության միջազգային մրցույթում արժանացել է պատվոգրի,
- «Վերցրու ինձ քեզ հետ» գիրքն ընդգրկվել է «XXI դարի գրող» գրական մրցանակի կարճ ցուցակում։
Ծանոթագրություններ
[խմբագրել | խմբագրել կոդը]- ↑ «Астраханцев Александр Иванович». www.kraskompas.ru (ռուսերեն). Արխիվացված է օրիգինալից 2021 թ․ հունվարի 25-ին. Վերցված է 2021 թ․ հունվարի 25-ին.
- ↑ «Литературная карта Красноярского края». litkarta.kraslib.ru. Վերցված է 2021 թ․ հունվարի 25-ին.
- ↑ «АСТРАХАНЦЕВ АЛЕКСАНДР ИВАНОВИЧ — Союз Российских Писателей» (ռուսերեն). Վերցված է 2021 թ․ հունվարի 25-ին.
- ↑ «Астраханцев Александр Иванович · Виртуальные выставки · МБУК «ЦБС им. Горького» г. Красноярск». www.perensona23.ru. Վերցված է 2021 թ․ հունվարի 25-ին.(չաշխատող հղում)
- ↑ ««Предпочитаю высказаться раз и навсегда» | Наш Красноярский край». gnkk.ru. Վերցված է 2021 թ․ հունվարի 25-ին.
Արտաքին հղումներ
[խմբագրել | խմբագրել կոդը]- Հունիսի 1 ծնունդներ
- 1938 ծնունդներ
- Ապրող անձինք
- Մաքսիմ Գորկու անվան գրականության ինստիտուտի շրջանավարտներ
- ԽՍՀՄ գրողների միության անդամներ
- Ռուսաստանի գրողների միության անդամներ
- Անձինք այբբենական կարգով
- Գրողներ այբբենական կարգով
- Նովոսիբիրսկի ճարտարապետության և շինարարության պետական համալսարանի շրջանավարտներ
- Խորհրդային գրողներ
- Ռուս հրապարակախոսներ