Tśěšojce
 | |||||
| |||||
| gmejna: | Tśěšojce-Žymjerojce | ||||
| zagmejnowanje: | 2001 | ||||
| wobydlerstwo: | 360 (2018) | ||||
| přestrjeń: | 16.46 km² | ||||
| wysokosć: | 86 metrow n.m.hł. | ||||
51.68805555555614.63361111111186
| |||||
| póstowe čisło: | 03149 | ||||
| předwólba: | 035695 | ||||
| wotwodźene słowa: |
| ||||
 Ewangelska cyrkej w Tśěšojcach | |||||
wikidata: Tśěšojce (Q37566779)
| |||||
Tśěšojce (němsce Groß Schacksdorf) su wjes na juhu Delnjeje Łužicy we wokrjesu Sprjewja-Nysa, kotraž słuša wot lěta 2002 do gmejny Tśěšojce-Žymjerojce.
Geografija
[wobdźěłać | žórłowy tekst wobdźěłać]Wjes nadeńdźe so w Delnjej Łužicy, něhdźe štyri kilometry južnje Baršća. Rěčka Małksa tworja hranicu mjez Tśěšojcami a Žymjerojcami.
Susodne wjeski su Domašojce na sewjeru, Wjelike Bóžemysle při Nysy na wuchodźe, Kósmejce na juhozapadźe a Žymjerojce na zapadźe.
Stawizny
[wobdźěłać | žórłowy tekst wobdźěłać]Wjes naspomni so prěni raz pisomnje w lěće 1346 w zapiskach Mišnjanskeho biskopstwa jako „Czechsdorff“. Mjeno poćahuje so na serbskeho wosoboweho mjena „Čech“, kotrež pokazuje na geografiski pochad nošerja. Pozdźiši přidawk „Groß“ słužeše rozeznawanju Tśěšojc wot bliskeje wsy w dźensnišej Pólskej, Strzeszowice (němsce Tzschacksdorf). Po sydlišćowej formje jedna so wo nawsowc.
Za čas Třicećilětneje wójny bu w 14. lětstotku natwarjena wjesna cyrkej zničena a hakle wot 1719 do 1721 znowa twarjena.
Do 18. oktobra 1937 rěkaše wjes němsce Groß Tzschacksdorf; mjeno bu pak w běhu nacionalsocialistiskeho přemjenowanja łužiskich wsow přeměnjene na dźensnišu formu, zo by wupadało mjenje słowjansce.
Hač do lěta 2001 tworjachu Tśěšojce samostatnu gmejnu, kotraž so potom ze susodnymi Žymjerojcami zjednoći.
Wobydlerstwo
[wobdźěłać | žórłowy tekst wobdźěłać]Po statistice Arnošta Muki rěčachu w Tśěšojcach srjedź 1880tych lět hišće połsta wot cyłkownje 548 wobydlerjow delnjoserbsce, potajkim 9 %.[1] Po swědčenju wěsteho šołty Jakuba z Małeho Kólska rěčachu wokoło lěta 1830 hišće wšitcy starši wobydlerjo mjez sobu serbsce, z dźěćimi pak hižo němsce. W cyrkwi so hač do prěnjeje połojcy 19. lětstotka tež serbsce prědowaše.[2]
Po Arnošće Černiku měješe wjes w lěće 1956 jenož hišće jednoho jeničkeho serbskorěčneho wobydlerja.[3]
| wuwiće wobydlerstwa w Tśěšojcach wot 1875 do 2000[4] | |||||||||||||
|---|---|---|---|---|---|---|---|---|---|---|---|---|---|
| lěto | wobydlerstwo | lěto | wobydlerstwo | lěto | wobydlerstwo | ||||||||
| 1875 | 562 | 1939 | 464 | 1981 | 1.343 | ||||||||
| 1890 | 486 | 1946 | 567 | 1985 | 1.327 | ||||||||
| 1910 | 513 | 1950 | 571 | 1989 | 1.378 | ||||||||
| 1925 | 489 | 1964 | 1.300 | 1995 | 1.221 | ||||||||
| 1933 | 471 | 1971 | 1.287 | 2000 | 1.153 | ||||||||
Žórła
[wobdźěłać | žórłowy tekst wobdźěłać]- ↑ Ernst Tschernik: Die Entwicklung der sorbischen Bevölkerung. Akademie-Verlag, Berlin 1954. → wšě wjeski
- ↑ Arnošt Muka: Statistika Łužiskich Serbow. Wobličenje a wopisanje hornjo- a delnjo-łužiskeho Serbowstwa w lětach 1880–1885. Budyšin 1884–86, str. 53
- ↑ Ludwig Elle: Sprachenpolitik in der Lausitz. Ludowe nakładnistwo Domowina, Budyšin 1995, str. {{{1}}}. → wšě wjeski
- ↑ Historisches Gemeindeverzeichnis des Landes Brandenburg 1875 bis 2005. Landkreis Spree-Neiße. Landesbetrieb für Datenverarbeitung und Statistik Land Brandenburg, 2006, wotwołany dnja 20. awgusta 2017 (PDF; 331 kB).
Wotkazaj
[wobdźěłać | žórłowy tekst wobdźěłać]
Commons: Tśěšojce – Zběrka wobrazow, widejow a awdiodatajow- Tśěšojce w datowej bance delnjoserbskich městnych mjenow na dolnoserbski.de (delnjoserbsce)